Muisteliijat luothiin myyttii
Niin kauvoin ko ihmisillä oon ollu kieli, olema met muistelheet toinen toisele muisteluksii. Tämä tapattui ushein leirivalkkeen ympärillä. Kokemuksii ja tiettoo jajethiin silloin. Aikkaa myöđen met aloima luomhaan runnoi ja fantaseeraamhaan.
Muistelusten kautta meile selitethiin assiita luonossa mitä met emmä ymmärtänheet, ja met saima vastauksii suurhiin mysteerhiin. Ko muistelukset levithiin etheenkäsin, net kans muututhiin.
Ko muistelukset muistelthiin etheenkäsin, niistä tuli tottuutta kummalisemppii ja kammottaavamppii.
Het kukka kuulthiin muistelukset ensimäistä kerttaa uskothiin ette net muistelthiin tosista ja kojetuista assiista. Muisteluksesta oli tullu myytti.
Jos sie olet ollu myötä viskutteluleikissä, sie tieđät ette setninki tahi sana saattaa muuttuut paljon ko se oon kulkenu ensimäiseltä persoonalta viimiselle. Met muistelemma sen minkä met muistama, mutta met kuulema ushein pikkuisen väärin.
Ei se niin viekasta ole ette muistelus muuttuu ko sen muistelhaan monta kerttaa. Ko met muistelemma jotaki, met tykkäämä lissäilä niin ette muisteluksesta tullee pikkusen jännittäävämpi ko mitä se oikkeestansa oon.
1 / 5
Huleboere rundt leirbålet
Leirivalkkeelta filmiksi
Kaikissa maissa oon omat myyttiset muistelukset.
Kreikkalaisila oon muistelukset minotauriista joka oli puoliksi ihminen ja puoliksi purri.
Viikingit muistelthiin muisteluksii trolliin ja merikäärmheitten ympäri.
Merimiehet muistelthiin muisteluksii krakenin ja muitten merimonsteriitten ympäri.
Myyttissii eläviitä ja merimonsteriita piđethään ushein filmiissä ja TV-seeriöissä. Sitä tehđhään ushein filmii vampyyriitten, ihmishukkiin, draakkiin, yksisarvisten ja kemppiin ympäri.
Ajattele vaikka Harry Potterii, Sormusten herraa ja Game of Thronesii.
1 / 2
Enhjørning
Kraken
Kraken muistutti hirmuissoo pläkkikallaa millä oli pitkät tentakkelit. Se saattoi murskata seililaivat ja nielaista koko miehistön kerrala. Kaikkiin merten merimiehet pöläthiin krakenii.
Meri oli pölättäävä eikä kukhaan tieny sikkaristi mitä eli meren pinnan alla. Tođennäköisemmin merimiehet olthiin nähnheet ison pläkkikalan, ja se kasus isomaksi ja vaaralisemaksi joka kerta ko muisteluksen muistelthiin.
Kentaurit
Kentaurit oon olenot joila oon puoliksi ihmisen ja puoliksi hevoisen kroppi.
Myytti kentauriista oon saattanu synttyyt ko rattastaavat sotamiehet käythiin kanssoin pääle jokka ei koskhaan aijemin olheet nähnheet hevoissii.
Het oon häytynheet sekoittaat hevoisen ja rattastaajan nävyn monsteriksi.
Ihmishukat
Ihmishukasta oon paljon erilaissii myyttii. Jokku muututhiin kokonhansa hukiksi ja toiset muututhiin hukan ja ihmisen sekoitukseksi.
Jokku muututhiin hukiksi rangaistuksena rikoksista. Toiset noiđuthiin hukiksi.
Ihmiset oon aina pölänheet hukkaa ko se oon petoelläin.
Sekä elläimii eli eläviitä ette ihmissii jokka tapethiin muita ihmissii piđethiin ushein monsteriina. Se oli kans helpompi ajatella tappaajiita verenjanoisinna hukkina.
1 / 2
Vampyyrit
Vampyyrit olthiin ihmiset keitä lepakko oli purru.
Vampyyrit jahđathiin muita ihmissii ko net juothiin niitten vertä.
Myytti vampyyriistä oon ollu olemassa usheitten tuhanssiitten vuossiin aijan. Mutta usko vampyyrhiin alkoi lissäintymhään 1700-luvula.
Siihen aikhaan vampyyrit naulithiin kiini niin ette rautaseiphään lyöthiin syđämen läpi. Näin het ei pystynheet nousemhaan hauđasta.
Oon olemassa tauti jonka kuttuthaan porfyri. Het kekkä sairastaavat tätä tauttii ei kestä auringonnäkköö, heiđän naamassa kassuu karvaa ja ikenet pörräänttyyvät niin ette nuskahamphaat näyttäävät suuremilta. Piian ihmissii keilä oli tämä tauti, eppäilthiin vampyyriiksi?
1 / 2
Vampyr
Myyttiset monsterit kaikista kontinentiista
CHUPACABRA | AMERIKKA
Chupacabra tarkoittaa keituri-immiijää spanskaksi. Se oon saanu nimen ko se juopi keituriitten vertä.
YKUR | EUROOPPA
Ykur oon harmaaja hevoinen Islanista.
Jos sie rattastat sillä, freistaa se hukuttaat sinun. Sen kaviot oon kääntynheet väärin päin. Näin se eroittuu tavalisesta hevoisesta.
ADZE | AFRIKKA
Tämä afrikkalainen vampyyri oon tulikärpänen ko se oon vaphaana, mutta se muuttuu ihmiseksi ko sen fangithaan.
Ko se oon tulikärpänen, saattaa se ryömiit avvaimenreijän läpi ja immeet vertä nukkuuvista ihmisistä.
MANTICHORA | AASIA
Mantichora oon olento jolla oon ihmisen pää, jalopeuran kroppi ja skorpioonin häntä. Se nielaissee saalhiin kokonhaisena ja sillä oon kolme hammasrivvii.
BUNYIP | AUSTRALIA
Tämä monsteri hiiviskellee rämmeissä ja jovissa. Tästä monsterista oon usheita eri kuvvauksii. Se muistuttaa muun myötä hirmuisen issoo meritähtee.
Entäpä kontinentti Antarktikka? Oonko sielä myyttissii monsteriita?
1 / 5
Chupacabra
Kalttiit:
- Årets begivenheter innen historie og vitenskap (2021)
Orage Forlag AS
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
