Gaming

Mikkä oon gamingin hyvät puolet? Oonko e-sportti idretti? Mitä saattaa tapattuut heile, jokka hengastuuvat gaminghiin?

Accessibility icon Gaming

Gaming

Fortnite, CS, Minecraft tahi Roblox. Mitä sie pellaat?

Niin ko kaikki muut hobbyt, oon daattapelitki kulttuurii missä oon omat aktiviteetit, oma kieli, tunnetut ihmiset ja histooria. Ushein gaming oon sitä ette sie olet osa osa isomasta miljööstä missä ihminen oppii, luopi ja jakkaa informasuunii. Norjassa 96 prosenttii pojista pellaavat, ja 76 prosenttii tyttäristä, mutta tyttäret oon enämen ja enämen myötä.

En jente sitter foran gaming oppsettet hennes, og tar på hodetelefonene.
En jente sitter foran gaming oppsettet hennes, og tar på hodetelefonene.

Gamingin hyvät puolet:

Gaming oon hyvä kalttii oppimisheen ja eđistymisheen. Jos piđät paljon aikkaa daattapelhiin, saatat tehđä sen hyvälä omatunnola. Gaming ei ole tyhä soma, se oon kans hyöđylistä. Tässä oon kuusi hyvvää syytä siihen:

1. Sinusta tullee seppä engelskassa

Monessa pelissä sie häyđyt lukkeet instruksiita ja kommuniseerata muitten pellaajiitten kans engelskaksi. Silloin sie träänäät sinun kielitaittoo, piian ilman ette sie hunteeraat sen ympäri. Joileki engelskasta tullee favorittifaaki koulussa, ko het tuntteevat ette het saattaavat sen.

2. Olet sosiaalinen ja saat uussii kontaktiita

Monessa pelissä pittää tehđä yhtheistyötä muitten kans, poikki maanrajjoin ja kieliin. Tässä joukossa saatat tuntteet ette kuulut johonki ja sie saat uussii ystäviitä. Piian justhiin sie olet tärkkee kontakti jolleki kellä ei ole niin paljon ystäviitä entiseltä?

3. Sinusta tullee seppä ratkaisemhaan probleemiita

Samala ko sinusta tullee parempi yhtheistyöntekkiijä, niin träänäät kans probleemiitten ratkaisemista. Se saattaa olla eettissii probleemiita – eli mikä oon oikhein tahi väärin. Piian sinun päätös vaikuttaa yhđen kaupungin assuujiitten elämhiin tahi yhđen karakteerin tulleevaisuutheen? Se saattaa kans olla strateegiset ja taktiset probleemit. Kuinka sie saatat hankkiit parhaimat kamppheet, tahi voittaat yhđen viholisen mahđolissiiman noppeesti.

4. Motooriset taiđot

Ko sie pellaat daattapellii, niin se vaattii ushein hyvvii motoorissii taittoi. Sie häyđyt olla happela ja pittäät kumppaaki kättä samhaan aikhaan. Sie opit kans silmä-käsi-koordinasuunii. Nämät saattaavat olla hyvät taiđot gymnastikissa.

5. Sie opit hantteeraamhaan stressii

Profesunellit daattapelin pellaajat eli gamerit saavat saman stressimäärän ko parhaat racerbiilin ajjaajat. Se oon kyllä villi ajatus! Hobbygaming ei ole yhtä vaattiivaa, mutta samat mekanismit vaikuttaavat sinhuun. Se ette pystyy olemhaan rauhalinen ja tekemhään tehtävät hyvälä tavala tällaisissa tiloissa oon trääniassii. Siitä saat kokemuksii myötä uushiin freistaukshiin ja tulleevaisuuđen tehtävhiin.

6. Träänätä tuntheita

Ko sie pellaat kauvoin, sie träänäät samala tuntheita niin ko empatiaa, katumista, ylppeyttä, tytyväisyyttä, engasementtii, neuvottomuutta  toivottomuutta, hermostuneisuutta  panikkii, sekkaanusta, eppäilyy, frustrasuunii, ärrytystä ja katkeruutta. Monet näistä tuntheista oon joukon uniikit pelimeediumille.

Forrige avsnitt

1 / 7

Neste avsnitt
Jente sitter og gamer i et rom opplyst med lilla farge.
Jente sitter og gamer i et rom opplyst med lilla farge.

Gaming ja vanhiimet

Kotona haastet oon ushein se ette gaming oon joukon uusi fenomeeni, ja se oon hobby missä vanhiimilla oon vaikkeempi olla aktiivisesti myötä. Vaikka usheimat norjalaiset lapset pellaavat daattapellii tääpänä, näyttäävät Medietilsynetin luvut ette vanhiimet oon enämen myötä muissa vapaa-aijan aktiviteettiissa ko gamingissa. Hallituksen daattapelistrategiassa aijothaan daattapelit nostaat framile niin ette  niistä tullee ittenäinen ja samanarvoinen vapaa-aijan aktiviteetti.

En gutt sitter å gamer i sengen sin. Storesøsteren hans står bak han å prøver å få kontakt med han, fordi han må gjøre leksene sine.
En gutt sitter å gamer i sengen sin. Storesøsteren hans står bak han å prøver å få kontakt med han, fordi han må gjøre leksene sine.

E-sportti

E-sportti oon organiseerattuu daattapellaamista, mutta ihmiset oon eri mieltä siitä, oonko tämä sportti tahi ei. Het kukka triivaavat e-sporttii  sannoovat ette heilä häyttyy olla hyvä kunto jos halluuvat olla myötä korkkeela tasala. Sinula häyttyy olla individuellit kyvyt niin ko noppeet refleksit, silmä/käsi-koordinasuuni, laakipeli, johtaminen, kestävyys ja strategia.

Joihinki norjalaishiin jatkokoulhuin oon tulheet e-sporttilinjat.

Forrige avsnitt

1 / 1

Neste avsnitt
Et team spiller på E-sport
Et team spiller på E-sport

Gaming-hengastuminen

Daattapelit anttaavat somanpittoo, sosiaalissii taittoi ja tiettoo. Mutta joileki ihmisille pellaamisesta tullee aktiviteetti joka ottaa yli kaiken. Het jäävät kokonhansa kiini siihen eli hengastuuvat gaminghiin. Het, joila oon probleemit tämän kans, ei halluu puhhuut tästä, ja se saattaa olla vaikkee tiettäät, millä laila sie saatat auttaat.

Vaarasignaalit:

  • Frustrasuuni, suuttumus ja humöörin vaihettelu
  • Aggressiivinen ja rajaton ja esteetön reaksuuni ko het saavat vähemän peliaikkaa
  • Paljon konfliktii likheisissä suhtheissa niin ko perheen ja ystäviitten kans
  • Mellaavat ittensä peretelämästä ulos
  • Poissa koulusta
  • nukkuuvat huonosti, laihtuuvat/lihhoovat, huono hygieeni
  • käyttäävät enämen ja enämen aikkaa pellaamisheen
  • isoleeraavat ittensä
  • syövät tyhä yhđenlaista ruokkaa
  • juovat paljon energiajuomaa
Forrige avsnitt

1 / 3

Neste avsnitt
En gutt som sitter å spiller mens det ser ut som han holder på å sovne
En gutt som sitter å spiller mens det ser ut som han holder på å sovne

Nyt sie tieđät joukon paljon gamingin ympäri, mutta tieđätkö kuinka daattapelit oon  eđistynheet?

Yksi esimerkki siitä mitä sie saatat tehđä yhđen kaikkiin aikkoin populäärissiiman daattapelliin kans – Minecraft.

Kalttiit:

Kuva- ja videooikkeuđet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Yvonnekarate – YouTube
    8. NRKbeta – YouTube