Fantasiin voima
Kulttuuri, tieđet ja teknologii oon mahđoliset tyhä meiđän kuvittelukyvyn tähđen.
Mitä fantasii oon?
Saatatko sie kuvitella draakin joka ajjaa lillala kolmiratthaisella sykkelillä?
Muut elävät eli elläimet maapallola ei saata kuvitella jotaki semmoista. Sie saatat jakkaat sinun pään sisälä mentaalissii kuvvii assiista mikkä sie olet nähny ennen, ja sitte yhđistäät palaiset joksiki kokonhansa uuđeksi.
Ko yhđistät ryömiivän elläimen ja linnun, niin yhtäkkii sie olet luonu draakin. Ajattele lillan kukan färrii, ja niin sie saatat färjätä draakin. Tämä oon mahđolista ko met ihmiset ossaama fantaseerata. Mutta ei meiläkhään ole ollu tätä kykkyy aina.
Ihmisaivot oon kasunheet
Ko nykyaikhainen ihminen vajelsi Aafrikasta nuoin 100 000 vuotta aikkaa, het piđethiin vieläki sammoi yksinkertaissii työkamppheita ko heiđän maaterivanhiimet. Se meni vielä 60 000 vuotta ennen ko ihmisen luovuus alkoi eđistymhään hopumasti.
Samala kans ihmisten aivot alethiin kassuumhaan isomiksi. Aivoin osat jokka styyräävät kieltä ja näkemisen tulkittemista, alethiin toimimhaan yhđessä. Tutkiijat uskoovat ette näin met saima fantasiin.
Ung kvinne flyr
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
