Tulivaarat ja supertulivaarat!

Tulivaarat ja supertulivaarat! Opi enämen puhaluksista ja vaaralisista luononvoimista.

Accessibility icon Tulivaarat ja supertulivaarat!

Mikä oon tulivaara?

Tulivaara oon reikä maanpörässa mistä noussee juokseevaa kivvee pinnale.

Tätä juokseevaa kivvee käskethään magmaksi ko se oon maan sisälä. Ko se tullee ylös maan pinnale sitä käskethään laavaksi.

Jokhainen oon erilainen

Jokhainen tulivaara oon erilainen.

Joilaki oon paljon pienii ulospuhaluksii ja joilaki oon suurii ulospuhaluksii harvoin. Tähän vaikuttaa se, missä tulivaara oon.

Tääpänä maapallola oon 1300-1500 tulivaaraa. Veđenalhaissii tulivaaroi oon kans paljon.

⬅  Tässä met näjemä Fuji-sanin tulivaaran mikä oon Tokyossa, Japanin pääkaupungissa.

Tokyo vulkan Fuji Japan
Tokyo vulkan Fuji Japan

Alaslaskenta ulospuhaluksheen

  1. MAGMA NOUSSEE

Sulanu kivi tulivaarassa noussee ja painaa maanpörrää ylöspäin.

  1. PAINO KASSUU

Sulanu kivi noussee ylemäs ja ylemäs. Paino maata vasten lissäinttyy ja maapörä alkkaa halkkeemhaan.

  1. HALKEEMINEN

Viimen maa halkkee ja magma truiskuu tahi virttaa ulos. Maanpinnan ulkopuolela sitä käskethään laavaksi.

Ulos saattaa kans tulla gassii niin ette ulospuhalus näyttää räjättämiseltä.

Näin tulivaara toimii

Tässä esimerkki siitä kuinka tulivaara toimii.

Forrige avsnitt

1 / 4

Neste avsnitt
Vulkanutbrudd illustrert
Vulkanutbrudd illustrert

Eyafjallajökull

Eyafjallajökull oon yksi Islanin suuriimista tulivaaroista.

Vuona 2010 se puhalsi ulos, ja suuret tuhkapilvet levithiin kauvas Euroopphaan asti.

Monet flyyit jouđuthiin ođottamhaan, ja se esti monnii ihmissii reissaamasta.

Tunkafanki

Islanin ulospuhaluksen jälkhiin syntyi ilmaisu “askefast”. Kvääniksi saatama sannoot “tuhkafanki”.

Sana muistuttaa norjan sannaa “værfast” ja se tullee tästä Islanin luontokatastroofista.

Forrige avsnitt

1 / 2

Neste avsnitt
Eyafjallajökull vulkan
Eyafjallajökull vulkan

Saatethaanko tulivaaranulospuhaluksen ennustaat?

Mahđolisen tulivaaranulospuhaluksen merkki oon pienet maanjyristykset.

Seismomeetterilla mitathaan maanjyristyksen voimakkhuutta. Ko met tieđämä jyristyksen voiman, met saatama helpomin laskeet, oonko ulospuhalus tulossa vai ei.

Seismometer som skriver
Seismometer som skriver

Kilauea

Kilauean tulivaara Hawajilla oon aktiivinen tulivaara. Sillä oon ollu pitkä ja jatkuuva ulospuhalus vuođesta 1983 asti.

Tämä ulospuhalus oon rauhalinen ja hiljainen ja siitä virttaa juoksevaa laavaa, ei suurii tuhkapilvii.

Ulospuhalus oon kuiten tuhonu ihmisten omaisuutta ja tulivaaran likiallaa.

Kīlauea pele Hawaii utbrudd
Kīlauea pele Hawaii utbrudd

Suuret tuhot

Met tieđämä ette tulivaarat oon tuhonheet kokonhaiset kaupungit.

Ihmiset oon menettänheet omat kođit. Het oon menettänheet työpaikat ja mahđolisuuđen viljelä oman ruvan.

Tuhka ja myrkyliset gassit oon vaaralissiimat.

Krakatau vulkanutbrudd på natten - November 2011
Krakatau vulkanutbrudd på natten - November 2011

Pompeji Italiassa

Vesuvin tulivaara puhalsi ulos vuona 79 j.Kr.

Vesuv peitti koko Pompejin kaupungin tuhan alle. Kaikki jokka asuthiin sielä kuolthiin.

Tääpänä arkeoloogit kaivaavat kaupunkkii esile. Näin met opima paljon siitä kuinka siihen aikhaan elethiin.

bildet av Pompeii, Italia
bildet av Pompeii, Italia

Supertulivaarat

Mailmassa oon ainaki 20 supertulivaaraa.

Supertulivaara oon suurempi ja vaaralisempi ko tavalinen tulivaara.

Supertulivaarat oon “super” niitten valttaaviitten onssiin tähđen mikkä oon täynä magmaa.

Net kassuuvat suuremiksi ja suuremiksi tuhanssiitten vuossiin aikana.

Lava
Lava

Porisseeva supertulivaara

USA:ssa Yellowstonen kansalistarhaan alla porissee aktiivinen supertulivaara.

Tarhaassa oon 10 000 krystallinfäristä kuumaa kalttiita, kupliivaa rapalanttoo ja kuuluu geysirii. Niitä lämmittää valttaava magmakamari.

Geysers, Yellowstone National Park, Wyoming, USA.
Geysers, Yellowstone National Park, Wyoming, USA.

Luononkatastroofi

Jos supertulivaara puhaltais ulos, sen seuraamukset oltais suuret. Sulanheesta kivestä ja tuhasta syntynheet pilvet liikuttais noppeemasti ko biilit moottoriteilä ja varjoistettais auringon. Mailmasta tulis kylmä ja pimmee moneksi vuođeksi.

Tutkiijat meinaavat ettei se näytä siltä ette semmoinen superulospuhalus olis tulemassa usheesseen tuhantheen vuotheen. Mutta joskus tulleevaisuuđessa se saattaa tapattuut.

Forrige avsnitt

1 / 2

Neste avsnitt
Åker ødelagt av vulkan aske
Åker ødelagt av vulkan aske

Lähtheet:

Kuvat ja videot:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images og NRK
    10. Getty Images
    11. Getty Images
    12. Getty Images
    13. Getty Images