Mitä jos maapallola olis 100 ihmistä?
Maapallola ellää nuoin 8 miljarttii ihmistä. Tämä oon miljarti enämen verrattunna väkilukhuun kymmenen vuotta takasin. Sammaa eđistystä ei ole toivottavvaa seuraaville kymmenen vuotta, sillä se oon vaikkee saađa resursit riittämhään kaikile maapallola assuuville jo nyt.
Kuvittele ette koko mailman väkiluku olis 100 ihmistä! Kunka väjestö silloin jakkaintuis?
Stor folkemengde sett ovenfra.
Vaimot ja miehet
Kummanki sukupuolen puolet oltais suunile samankokoiset. Tässä lähtökohtana biolooginen sukupuoli oon, eikä se kunka itte kuki määrittellee itteensä.
Mistä net oltais pois?
61 ihmistä olis Aasiasta pois. Näistä 18 olis Kiinasta pois ja 19 Intiasta. Kiina ja Intia oon mailman väkirikkhaimat maat, niin se ei ole järin yllättäävää.
15 ihmistä olis Aafrikasta pois, 10 Euroopasta ja alle 9 olis Etelä-Amerikasta ja Karibiasta pois. 5 ihmistä olis Pohjais-Amerikasta pois.
Mitä kielii met puhuisimma?
12 ihmistä puhuis mandariini-kiinaa, ja kielistä spanska, engelska ja hindi jokhaisella olis 5 puhhuujaa. 3 puhuis arabiaa, ja vähän yli 2 puhuis portugalii. Ryssää puhuis 2 ihmistä ja 2 ihmistä puhuis japanii. Tyskää puhuis yksi.
Jäljelä olleevat asukkhaat saatettais valita 6000 muun puhutun kielen välilä. Kunka monta prosenttii ajattelet ette puhuis kväänin kieltä?
Uskonto
Mailman väjestöstä 34:lä ihmisellä olis kristilinen tavusta, 27 olis musliimit ja nuoin 16 olis hindulaiset. Meitä olis 7 buddhistii ja 2 ateistii. Loput jakkainuttais muihin uskonthoin.
1 / 4
Halvparten av jordas overflate sett fra verdensrommet.
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
