Meiđän kaunis mailma – Oseania
Meidän mailmassa oon paljon jännittääviitä paikkoi.
Tässä artikkelissa sie saat opastuut 7 erityisen paikan kans.
Bora Bora med palmetrær, blå himmel og blått hav.
1. Great Barrier Reef | Austraalia
Great Barrier Reef oon mailman suuriin korallipankki. Korallipankissa oon paljon pienii koralliita. Se oon pikkuinen elävä millä oon kova kuori.
Korallipankin keskelä sukaltaminen oon fantastinen kokemus.
Great Barrier Reef oon ko hirmu iso akvariumi. Siinä oon yli 2000 kalalajjii mikkä piilothaan färirikkhaitten koralliitten välissä.
Sie saatat nähđä hyppääviitä delfiiniitä jos sie olet lykylinen.
Korallipankki oon valttaava ja vesi oon lämmintä koko vuođen, ja siksi se oon fantastista sukalttaat ja snorklata sielä.
Sie saatat jopa tutkiit laivaa mikä uppos vuona 1911. Tämä oon yksi mailman parhaista hylkkyin sukaluskohtheista.
1 / 3
Mann dykker i korallrev med røde fisker rundt seg.
2. Franz Josef-jäätikkö | New Zealanti
New Zealanissa oon kolme jäätikköö. Franz Josef-jäätikkö oon yksi niistä. Täälä saatat kävelä jäätikön päälä aamupäivälä ja uiđa rannala iltapäivälä.
Jäätikkö oon saanu nimen Öystäriikin keisarin Franz Josef I jälkhiin.
Jäätiköllä oon kans toinen nimi: Ka Roimata i Hine Hukatere. Tämä meinaa Hine Hukataren kylmettyi kyynelheitä.
Nimi tullee muisteluksesta missä lumiprinsessa ja tavalinen mies rakastuuvat toinen toisheen. Yhtenä päivänä het menthiin Aorangin lajele, missä heimojumala assuuvat, ette pyyttäät jumaliita muuttamhaan prinsessan ihmiseksi. Yksi jumalista tölmäs miehen vaarasta alas. Tämä teki Hine Hukateren niin suruliseksi ette se itki kokonhaisen jäätikön.
Tämä suuri jäätikkö liikkuu melkhein 50 senttimeetterii päivässä. Sen alla oon luolii ja tunneliita mikkä muuttuuvat joka päivä. Siksi yksikhään jäätikkövajelus ei koskhaan ole samanlainen.
1 / 3
Franz Josef isbreen på New Zealand.
3. Samoa | Tyvenmeri
Samoa oon pieni saariryhmä Tyvenmeressä. Täälä oon kirkasta vettä, valkkeita ranttoi, vihrissii mettii ja kommeita koskii.
📷 Kuvateksti: Tradisunelli rantahuonet Samoassa.
Tulivaara oon tehny kaksi syvvää kuoppaa minkä välissä oon luola. Toisessa kuopassa saatat uiđa.
Pääkaupunki Apia oon saarela Upolu.
Apia oon paras paikka kokkeet fiafia-illan. Silloin saat nähđä tradisunellii tanssii ja färirikkhaita kostyymiita, kuunela tradisunellii laului ja syöđä hyvvää ruokkaa.
1 / 4
Strand på Samoa med tradisjonelt strandhus.
4. Lake Hillier | Austraalia
Lake Hillier oon kirkkhaanroosa järvi. Tutkiijat ei ole aivan sikkari miksi se oon roosa. Järvi oon aivan sinisen Tyvenmeren vieressä. Näkö oon fantastinen ylhäältä kattottunna.
Lake Hillier oon hyvin eriskumhainen sillä sen veđen färi ei muutu jos sie kaađat sitä flaskhuun.
Joukko engelskmanniita löysi järven vuona 1802. William Hillier oli yksi niistä. Hän kuoli reisula ja hänen kunniaksi järven nimitethiin hänen jälkhiin.
Lake Hillier oon pieni järvi. Siitä kaivethiin suolaa muutaman vuođen, mutta sen lopetethiin ko huomathiin ette suola oon myrkylistä.
1 / 3
Lake Hillier i Australia med sitt rosa vann, ligger rett ved siden av Stillehavet som er knall blått.
5. Rotorua | New Zealanti
Rotorua oon kaupunki missä oon paljon kuumii lähtheitä. Kuuma gassi maan sisästä lämmittää veđen. Veđen temperatuuri saattaa nousta 35 graadhiin.
Kaupungissa oon kans truiskaava geysir. Siitä truiskuu kiehuuvaa vettä maasta ylös. Tätä tapattuu vähhiinthään 20 kerttaa päivässä.
Halluisitko käyđä Hells Gatessa? Täälä saatat uiđa kuumassa rapakossa. Sie saatat kans nähđä yhđen mailman suuriimista koskista. Enniin osa Rotoruassa oon siis kuumaa!
1 / 3
6. Sydney | Austraalia
Sydney oon yksi mailman kaunhiimista kaupungiista. Kaksi tunnettuu pytinkkii oon oopperahuonet ja silta Sydney Harbour Bridge.
Sillan tunnethaan siitä ette sielä oon fantastissii ilotulitusrakettiita uuđenvuođenaattona. Oopperahuonet oon Austraalian tunnetuin pytinki.
St. Maryn katedraali oon jännittäävä kirkko. Siinä oon kaunhiita klasimaalauksii ja fantastinen kirkkokuoro. Joulun aikhaan kirkossa loistaa tuhanssii valloi.
Sydneyssä kojettavvaa oon paljon.
Sie saatat käyđä botaanisessa haakissa, taiđetgalleriissa tahi yhđellä Sydneyn 100 rannoista.
Tunnetuin oon pian Bondi Beach.
1 / 3
7. Uluru | Austraalia
Uluru oon korkkee vaara keskelä auttiita.
Ko aurinko paistaa, vaara kiiluu oransinna ja punaisenna.
Austraalian alkupöräiskansa, aborgiinit, omistaa vaaran. Net pittäävät vaaraa pyhänä paikkana.
Usheet ihmiset oon kiikkunheet Ulurun lajele ette kattoot auringonnoussuu. Vuona 2019 tämän kielethiin. Turistiita oli liikkaa.
Paljot kävelhään tääpänä vaaran juuren ympäri. Matka oon 9 kilomeetterii. Täälä saatat nähđä 5000 vuotta vanhoi luolamaalauksii.
Vaikka Uluru oon keskelä auttiita, sielä oon paljon elävii. Sie saatat nähđä liskoi ja käärmheitä, kenguruita ja harvinaissii, färirikkhaita linttui.
1 / 3
Det røde fjellet Mount Connor i Australia
Lähtheet:
- 101 steder du må oppleve (før du dør) (2020)
Orage Forlag AS
Kuva- ja video-oikkeuđet:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
