Meiđän kaunis mailma – Oseania
Meidän mailmassa oon paljon jännittääviitä paikkoi.
Tässä artikkelissa sie opastut kahđeksheen erikoisheen paikkhaan.

Bora Bora med palmetrær, blå himmel og blått hav.
1. Great Barrier Reef | Australia
Great Barrier Reef oon mailman suuriin korallipankki. Korallipankissa oon paljon pienii koralliita. Se oon pikkuinen elävä jolla oon kova kuori.
Se oon fantastista sukalttaat korallipankin keskelä.
Great Barrier Reef oon niin ko hirmu iso akvariumi. Sielä oon yli 2000 kalalajjii jokka oon piilossa färirikkhaitten koralliitten välissä.
Jos sinula oon lykky, saatat nähđä ko delfiinit hyppiivät paaroin välissä.
Korallipankki oon valttaava, ja vesi oon lämmin koko vuođen. Siksi se oon fantastista sukalttaat ja snorklata täälä.
Sie saatat jopa tutkiit laivaa mikä vajos vuona 1911. Tämä oon yksi mailman parhaimista hylyistä mihin saatat sukalttaat.

Mann dykker i korallrev med røde fisker rundt seg.
2. Franz Josef-jäätikkö | Uusi Seelanti
Uusi Seelanissa oon kolme jäätikköö. Franz Josef -jäätikkö oon yksi niistä. Täälä saatat kävelä jäätikön päälä aamupäivälä ja uiđa rannala iltapäivälä.
Jäätikkö oon saanu nimen Öystäriikin keisarin Franz Josef I:n jälkhiin.
Jäätikön nimi oon kans «Ka Roimata i Hine Hukatere». Se meinaa Hine Hukataren jäätynheet kyynelheet.
Nimi tullee muisteluksesta jossa lumiprinsessa ja mies rakastuuvat toinen toisheen. Yhtenä päivänä het menthiin ylös Aorangi-vaarhaan missä heimojumalat assuuvat. Het pyyđethiin ette lumiprinsessasta tulis ihminen. Yksi jumalista tölmäs miehen alas vaarasta. Silloin tuli Hine Hukatere niin suruliseksi ette hän itki kokonhaisen jäätikön.
Tämä suuri jäätikkö liikkuu melkhein 50 senttimeetterii päivässä. Sen alla oon luolii ja tunneliita mikkä muuttuuvat joka päivä. Jokhainen jäätikkövajelus oon siksi aina erilainen.

Franz Josef isbreen på New Zealand.
3. Samoa | Tyvenmeri
Samoa oon pieni saariryhmä Tyvenmeressä. Täälä oon kirkas vesi, valkkeet rannat, rehevät mettät ja kommeet kurkkiit.
📷 Kuvateksti: Tradisunelli rantahuonet Samoassa.
Vulkaani oon tehny kaksi syvvää reikkää, ja niitten välissä oon luola. Yhđessä näistä reijistä saattaa uiđa.
Upolu-saarela oon pääkaupunki Apia.
Apia oon paras paikka missä saat kokkeet fiafia-illan. Siinä oon tradisunellii lauluu ja tanssii, färirikkhaita kostyymiita, ja hyvä keskipäivä.

Strand på Samoa med tradisjonelt strandhus.
4. Lake Hillier | Australia
Lake Hillier oon kirkkhaanroosa järvi. Tutkiijat ei ole aivan sikkarit miksi se oon roosa. Järvi oon aivan sinisen Tyvenmeren vieressä. Näky oon fantastinen jos sie näjet sen ylhäältä.
Lake Hillier oon hyvin erikoinen sillä ko sen veđen färi ei muutu jos sie kaajat vettä flaskhuun.
Joukko engelskmannii löysi järven vuona 1802. William Hillier oli yksi niistä. Hiller kuoli reisun aikana, ja hänen kunniaksi annethiin järvele hänen nimen.
Lake Hillier oon pieni järvi. Siitä kaivethiin suolaa muutaman vuođen, mutta sen lopetethiin ko huomathiin ette suola oli myrkylistä.

Lake Hillier i Australia med sitt rosa vann, ligger rett ved siden av Stillehavet som er knall blått.
5. Rotorua | Uusi Seelanti
Rotorua oon kaupunki missä oon paljon kuumii lähtheitä. Kuuma gassi maan sisästä lämmittää veđen. Veden temperatuuri saattaa nousta 35 graadhiin.
Kaupungissa oon kans truiskuuva geysir. Siitä truiskuu kiehuuvaa vettä suorhaan maasta ylös. Tämä tapattuu vähhiinthään 20 kerttaa janturissa.
Halluisitko käyđä Hells Gatessa? Täälä saatat uiđa kuumassa rapakossa. Sie saatat kans nähđä yhđen mailman suuriimista könkhäistä. Enniin osa Rotoruassa oon siis kuumaa!
6. Sydney | Australia
Sydney oon yksi mailman kaunhiimista kaupungiista. Kaksi tunnettuu pytinkkii oon oopperahuonet ja silta Sydney Harbour Bridge.
Sillan tunnethaan siitä ette sielä oon fantastissii fyyrvärkkeriitä uuđenvuođenaattona. Oopperahuonet oon Australian tunnetuin pytinki.
St. Maryn katedraali oon jännittäävä kirkko. Täälä oon kaunhiita klasimaalauksii ja fantastinen kirkkokuoro. Kirkossa loistaavat tuhanet valot jouluna.
Sydneyssä saatat kokkeet paljon.
Sie saatat käyđä botaanisessa haakissa, taiđetgalleriassa tahi yhđellä Sydneyn 100 rannoista.
Tunnetuin oon piian Bondi Beach.
7. Uluru | Australia
Uluru oon korkkee vaara keskelä auttiita.
Ko aurinko paistaa, kiiluu vaara oransinna ja punaisenna.
Australian alkupöräiskansa, aborigiinit, omistaavat vaaran. Heile se oon pyhä paikka.
Hirmu monet oon kiikkunheet Ulurun lajele kattomhaan auringonnoussuu. Vuona 2019 tämän kielethiin. Turistiita oli liian paljon.
Tääpänä monet käveleevät vaaran juuren ympäri. Matka oon 9 kilomeetterii. Täälä saattaa nähđä 5000 vuotta vanhoita luolamaalauksii.
Vaikka Uluru oon keskelä auttiita, oon sielä monnii elävii. Sie saatat nähđä liskoi ja kärmheitä, kenguruita ja harvinaissii, färirikkhaita linttui.

Det røde fjellet Mount Connor i Australia
Lähtheet:
- 101 steder du må oppleve (før du dør) (2020)
Orage Forlag AS
Kuva- ja video-oikkeuđet:
Getty Images
Getty Images
Getty Images
Getty Images
Getty Images
Getty Images
Getty Images
Getty Images
Getty Images
Getty Images
Getty Images