Eldorado
– kullasta tehty kaupunki?

Jos met halluuma oppiit Eldoradon histoorian, met häyđymä oppiit vähäisen Etelä-Amerikan histoorian ympäri. Tässä artikkelissa  saat lukkeet kuinka Amerikan löyđethiin, muisca-alkupöräiskansasta, ja järvestä joka oon täynä kulttaa

Fantes det egentlig en by av gull langt inni Amazon-jungelen?
Fantes det egentlig en by av gull langt inni Amazon-jungelen?

Uussiin mailmoitten löytäminen

Vuosisattoi aikkaa met emmä tienheet kaikista mailman maista ja kontinentiista. Silloin eurooppalaiset lähđethiin löytämäreisuile ette löyđettäis uussii paikkoi ja tinkkoi. Sen mitä het löyđethiin, het otethiin myötä kothiin, ja sillä laila met opima tuntemhaan muita kulttuuriita ja ruokalajjii.

Mutta se ei aina ollu vain hyvä ette eurooppalaiset tulthiin. Het ei aina olheet niin siivot ihmisille jokka jo entiseltä asuthiin aloissa. Ja muutamisti eurooppalaiset tuothiin tietämättä myötä tauttii joita paikaliset ei kestänheet. Siksi usheet kuolthiin näitten löytämäreisuin tähđen.

Forrige avsnitt

1 / 2

Neste avsnitt
Kristoffer Columbus ankommer Amerika i 1492.
Kristoffer Columbus ankommer Amerika i 1492.

Amerikan löytäminen

Ko Kristoffer Columbus freistas löyttäät uuđen tien Intihaan, hän löysiki Amerikan. 

Hän luuli ette hän oli Intiassa, ja ko hän kirjoitti löytämisen ympäri, hän käski väkkee indiaaneriiksi. Tääpänä heitä käskethään Amerikan alkupöräiskansaksi. Kolumbian oon nimitetty Kristoffer Columbuksen jälkhiin.

Usheet assiit peekkaavat siihen ette tođelisuuessa se oli viikinki Leiv Eiriksson joka löysi Amerikan ensimäisenä, usheita sattoi vuossii aikkaa ennen Kristoffer Columbusta. Valitettavasti hän ei ollu yhtä seppä kirjoittamhaan tästä löytämisestä, ja siksi monet luuleevat ette se oli Columbus joka löysi Amerikan ensimäisenä.

Forrige avsnitt

1 / 2

Neste avsnitt
Europeiske oppdagere har funnet Amerika.
Europeiske oppdagere har funnet Amerika.

Alkupöräiskansat

Alkupöräiskansa oon kansa joka asui alassa ennen ko siitä tuli maa tämänpäivän «maa» sanan määritelmän jälkhiin.

Esimerkiksi saamelaiset oon Norjan alkupöräiskansa. Tässä artikkelissa saat oppiit lissää muisca-kansan ympäri. Sanothaan ette muisca-kansan päälikköö käskethiin El Doradoksi, joka meinaa “kullattu mies”.

‘.

Päälikkö El Dorado – kullattu mies

Muisca-kansan johtaajan nimi oli Zipa. Sanothaan ette Zipan riisuthiin, voiđelthiin savela ja peitethiin kultatomula. Sen jälkhiin hän lähti Laguna Guatavita- järvele flootala joka oli täynä kulttaa. Ko hän pääsi järven keskele, hän viskas kullan vetheen ja syöksyi sen pörhään. Vesi virutti saven ja kultatomun pois hänen kropista. Piian tämä oon syy siihen miksi Zipaa käskethiin El Doradoksi tahi kullatuksi mieheksi?

Muisca-høvdingen Zipa full av gullstøv.
Muisca-høvdingen Zipa full av gullstøv.

Veenalainen aaret

Aaret joka oli Laguna Guatavitan pohjassa, oli valttaavan iso, ja monet haluthiin sen . Jokku freistathiin  tyhventtäät järven ämpäriilä. Toiset freistathiin kaivaat kanaaliita ulos järvestä. Mutta se ei ollu niin helppoo, ja se oli vaikkee saađa kaikki aartheet myötä kothiin.

Lopulta yksi onnistui kaivamhaan tunnelin vaaran kyljestä järvheen, ja  tyhvensi järvestä paljon vettä. Hän sai myötä paljon aartheita, muttei kaikkii. Ja net aartheet jokka jääthiin sinne,  oon niin koventunheen saven alla ette niitä oon mahđoton löyttäät!

En regnbue går over en liten innsjø i jungelen.
En regnbue går over en liten innsjø i jungelen.

Kuka omistaa aartheen?

Vuona 1965 astui voimhaan laki joka kielttää Laguna Guavita-järven kaivaamisen ja tuhhoomisen. Se tarkoittaa ette sen kullan joka oon jääny järven pohjhaan, oon suojeltu.

Missä aaret oon tääpänä?

Se aaret jonka kaivethiin ylös, löyttyy tääpänä museumista. Sielä oon paljon aartheita, ja yksi niistä oon muisca-floota. Se oon se floota josta Zipa viskas kullan ko hänen oli peitetty savela ja kultatomula.

Forrige avsnitt

1 / 2

Neste avsnitt
Muisca-flåte i gull – en av skattene etter El Dorado.
Muisca-flåte i gull – en av skattene etter El Dorado.

Kalttiit:

  • Restall, Matthew; Fernandez-Arnesto, Felipe:
    The Conquistadors: A Very Short Introduction (2011)
    Oxford University Press Inc

Kuvat ja videot:

    1. Midjourney (AI)
    2. Dióscoro Puebla
    3. Midjourney (AI)
    4. Midjourney (AI)
    5. Midjourney (AI)
    6. Midjourney (AI)
    7. young shanahan – Flickr