Eldorado
– kullasta tehty kaupunki?

Oletko kuulu Eldoradosta? Se oon kullasta tehty kaupunki  syvälä  Etelä-Amerikan jungelissa. Luje Amerikan löytämisestä, alkupöräiskansoista ja heiđän kulta-aartheista.

Fantes det egentlig en by av gull langt inni Amazon-jungelen?
Fantes det egentlig en by av gull langt inni Amazon-jungelen?

Eurooppalaiset löyttääjät

Usheita sattoi vuossii aikkaa mailmassa oli paljon tuntemattomiita paikkoi. Usheet eurooppalaiset lähđethiin löytämäreisuile ette löyđettäis uussii maita. Reisuila het löyđethiin ruokkaa ja kulttuurii mitä het otethiin myötä kothiin. Näin met opima lissää uusista paikoista jokka löyđythiin.

Ei kovin siivot

Se ei aina ollu vain hyvä ette eurooppalaiset tulthiin. Kaikki ei olheet niin siivot ihmisille jokka jo entiseltä asuthiin aloissa. Eurooppalaiset tuothiin myötä kans tauttii. Monet näistä tauđiista tappoi  alkuasukkhaita. Het ei tienheet mithään näistä tauđiista, ja heilä ei ollu  metesiinii.

Forrige avsnitt

1 / 2

Neste avsnitt
Kristoffer Columbus ankommer Amerika i 1492.
Kristoffer Columbus ankommer Amerika i 1492.

Amerikan löytäminen

Kristoffer Columbus freistas löyttäät uuđen meritien Intihaan. Resultaatti oli se ette hän löysi Amerikan.

Hän luuli ette hän oli saapunu Intihaan ja käski maan väkkee indiaaneriiksi. Tääpänä heitä käskethään Amerikan alkupöräiskansaksi, ei indiaaneriiksi. Kolumbian oon nimitetty Kristoffer Columbuksen jälkhiin.

Norjalainen oli ensimäinen

Norjalainen viikinki Leiv Eiriksson löysi luultavasti Amerikan ensimäisenä, usheita sattoi vuossii ennen Kristoffer Columbusta. Valitettavasti Eiriksson ei kirjoittannu niin paljon sen ympäri. Siksi monet uskoovat ette se oli Columbus joka löysi Amerikan ensimäisenä.

Forrige avsnitt

1 / 2

Neste avsnitt
Europeiske oppdagere har funnet Amerika.
Europeiske oppdagere har funnet Amerika.

Alkupöräiskansat

Niitä kanssoi jokka asuthiin alassa ennen ko siitä tuli maa, käskemä alkupöräiskansoiksi.

Saamelaiset oon Norjan alkupöräiskansa. Tässä artikkelissa saat oppiit lissää muisca-kansan ympäri

Sanothaan ette muisca-kansan päälikköö käskethiin El Doradoksi, mikä meinaa “kullattu mies”.

Päälikkö El Dorado – kullattu mies

Muisca-kansan johtaajan nimi oli Zipa. Sanothaan ette hänen voiđelthiin savela ja peitethiin kultatomula. Sen jälkhiin hän lähti Laguna Guatavita -järvele flootala täynä kulttaa . Ko hän saapui järven keskele, hän viskas kullan järvheen. Sitte hän syöksyi vetheen niin ette vesi virutti saven ja kultatomun pois hänen kropista. Piian se oon siksi ette Zipaa käskethiin El Doradoksi tahi kullatuksi mieheksi?

Muisca-høvdingen Zipa full av gullstøv.
Muisca-høvdingen Zipa full av gullstøv.

Veenalainen aaret

Aaret järven pohjassa oli kauheen iso. Ja monet haluthiin sen. Monet oon freistanheet tyhventtäät järven veđestä. Mutta se ei ollu niin helppo, ja se oli vaikkee saađa kaikki aartheet myötä kothiin.

Lopulta yksi onnistui kaivamhaan tunnelin vaaran kyljestä järvheen, ja järvestä  valui silloin suuri määrä vettä ulos .Hän sai myötä paljon aartheita, muttei kaikkii. Aartheet jokka jääthiin sinne oon paksun ja koventunheen saven alla. 

En regnbue går over en liten innsjø i jungelen.
En regnbue går over en liten innsjø i jungelen.

Kuka omistaa aartheen?

Vuona 1965 kielethiin järven kaivamisen. Se meinaa ette sen kullan joka oon jääny järven pohjhaan, oon suojeltu.

Missä aaret oon tääpänä?

Se aaret jonka kaivethiin ylös, löyttyy tääpänä museumista. Sen lisäksi saatat nähđä flootan josta Zipa viskas kullan ko hänen oli peitetty savela ja kultatomula.

Forrige avsnitt

1 / 2

Neste avsnitt
Muisca-flåte i gull – en av skattene etter El Dorado.
Muisca-flåte i gull – en av skattene etter El Dorado.

Kalttiit:

  • Restall, Matthew; Fernandez-Arnesto, Felipe:
    The Conquistadors: A Very Short Introduction (2011)
    Oxford University Press Inc

Kuvat ja videot:

    1. Midjourney (AI)
    2. Dióscoro Puebla
    3. Midjourney (AI)
    4. Midjourney (AI)
    5. Midjourney (AI)
    6. Midjourney (AI)
    7. young shanahan – Flickr