Tulivaarat ja supertulivaarat!

Opi enämen mahtaavista puhaluksista ja rajuista luononvoimista.

Accessibility icon Tulivaarat ja supertulivaarat!

Mikä oon tulivaara?

Tulivaara oon reikä maapörässa mistä maanpinnale noussee joukseevaa kivvee ja gassii.

Tätä joukseevaa kivvee käskethään magmaksi ko se oon maapörän sisälä. Ko se noussee pinnale, sitä käskethään laavaksi.

Kaikki oon erilaiset

Kaikki tulivaarat oon erilaiset.

Joilaki oon pienii ulospuhaluksii koko ushein, ja joilaki oon suurii ulospuhaluksii, mutta harvemin. Tämä riippuu siitä missä tulivaara oon.

Tääpänä maapallola oon 1300-1500 tulivaaraa. Veđenalhaissii tulivaaroi oon kans paljon. Nämät oon syvälä mailman merten pohjassa.

⬅  Japanin pääkaupunki Tokyo ja tavustalla tulivaara Fuji-san. Se ei ole puhaltannu ulos jälkhiin vuođen 1707.

Tokyo vulkan Fuji Japan
Tokyo vulkan Fuji Japan

Alaslaskenta ulospuhaluksheen

  1. MAGMA NOUSSEE

Sulanu kivi tulivaaran sisälä noussee ja painaa maapörrää ylöspäin.

  1. PAINET KASSUU

Sulanu kivi noussee ylemäs ja ylemäs. Painet maata kohđi lissäinttyy ja maapörhään synttyy halkkeemiita.

  1. HALKKEEMINEN

Lopulta maapörä halkkee ja magma truiskuu tahi virttaa ulos. Nyt ko se oon maanpinnan ulkopuolela sitä käskethään laavaksi.

Sitä truiskuu kans ulos paljon gassii laavan kans. Nämät gassit saattaavat saađa ulospuhaluksen näyttämhään räjättykseltä.

Näin tulivaara toimii

Tässä esimerkki siitä kunka tulivaara toimii.

Forrige avsnitt

1 / 4

Neste avsnitt
Vulkanutbrudd illustrert
Vulkanutbrudd illustrert

Eyafjallajökull

Eyafjallajökull oon yksi Islanin suuriimista tulivaaroista.

Se puhalsi ulos vuona 2010. Siitä syntyi suurii tuhkapilvii mikkä levithiin kauvas Euroopphaan käsin. Pilvet saathiin aikhaan probleemiita flyyitrafikile, ja usheita ihmissii estethiin reissaamasta.

Tuhkakriisi

Islannin tulivaaran ulospuhaluksen jälkhiin puhuthiin “tuhkakriisistä”.

Ulospuhalus aiheutti lentohaminoilla kaaoksen mikä vaikkeutti kaikkee reissaamista ja transporttitoiminttaa koko Euroopassa ja pysätti suuriin osan flyyistä ja sulki lentohaminoita.

Forrige avsnitt

1 / 2

Neste avsnitt
Eyafjallajökull vulkan
Eyafjallajökull vulkan

Oonko mahđolista ennustaat tulivaaranulospuhaluksen?

Ushein saattaa aavistaat ette ulospuhalus oon tulossa. Yksi merkki oon pienet maanjäristykset

Seismomeetterilla mitathaan maanjäristysten voimakkuutta. Ko met tieđämä järistyksen voiman, saatama helpomasti laskeet, oonko ulospuhalus tulossa vain ei.

Seismometer som skriver
Seismometer som skriver

Kilauea

Kilauean tulivaara Hawajilla oon aktiivinen tulivaara. Aktiivinen tulivaara meinaa ette se puhalttaa ulos toisin aijoin.

Kilauealla oon ollu pitkä ja jatkuuva ulospuhalus kiini vuođesta 1983 asti. Mutta tämä ulospuhalus oon rauhalinen ja melko hiljainen. Hawaijin tyypilisissä tulivaaranulospuhaluksissa oon ylheensä tyhä juokseevaa laavaa eikä suurii tuhkapilvii.

Ulospuhalus oon kuitenki tuhonu ihmisten elämii ja tulivaaran likialan.

Siitä huolimatta se oon saanu aikhaan issoi materiaalissii tuhhoi ja likialloi oon ajoittain jouđuttu evakueeraamhaan.

Kīlauea pele Hawaii utbrudd
Kīlauea pele Hawaii utbrudd

 Suurii tuhhoi

Met tieđämä ette tulivaarat oon tuhonheet kokonhaiset kaupungit.

Ihmiset oon menettänheet ittensä kođit. Het oon menettänheet ittensä työpaikat ja mahđolisuuđen viljelä oman ruvan.

Hithaasti virttaavat laava ei ole se mikä tuhhoo enniiten, se oon tuhka ja myrkyliset gassit. Ulospuhaluksen jälkhiin saattaa kans tulla maanjäristyksii, tulvii ja hyökyaalttoi.

Krakatau vulkanutbrudd på natten - November 2011
Krakatau vulkanutbrudd på natten - November 2011

Pompeji Italiassa

Vesuvin tulivaara puhalsi ulos 24. augustikuuta 79 e.Kr. 

Vesuv hautas koko Pompejin kaupungin. Kaikki jokka asuthiin sielä kuolthiin. Tääpänä arkeoloogit oon yhä kaivamassa kaupunkii eshiin. Tämän kautta met opima paljon siitä kunka ihmiset elethiin siihen aikhaan.

Forrige avsnitt

1 / 1

Neste avsnitt
bildet av Pompeii, Italia
bildet av Pompeii, Italia

Supertulivaara

Mailmassa oon ainaki 20 supertulivaaraa.

Supertulivaara oon tulivaara mikä oon suurempi ja tuhhoovampi ko tavalinen tulivaara.

Jokku tutkiijat meinaavat ette supertulivaarat oon justhiin «super» niitten valttaaviitten onssiin takia mikkä saattaavat pittäät sisälä hirmuisen määrän magmaa.

Net kassuuvat suuremiksi ja suuremiksi tuhanssiitten vuossiin aikana.

Lava
Lava

Porisseeva supertulivaara

USA:ssa Yellowstonen kansalistarhaan alla porissee aktiivinen supertulivaara.

Tarhaan 10 000 krystallinfäristä kuumaa lähđettä, prätisseevii rapalanttoi ja höyryyvää, kuuluu geysirii lämmittää valttaava magmakamari.

Geysers, Yellowstone National Park, Wyoming, USA.
Geysers, Yellowstone National Park, Wyoming, USA.

Superulospuhaluksen seuraukset

Jos supertulivaara puhaltais ulos, sen seuraukset oltais katastrofaaliset. Sulanheesta kivestä syntynheet pilvet liikuttais noppeemasti ko piilit moottoriteilä ja peitettäis auringon. Vain muutama senttimeetteri tuhkaa saattaa tehđä maanpruukin mahđottomaksi.

Tutkiijat meinaavat ettei mikhään viittaa siihen ette semmoinen superulospuhalus olis tulossa usheesseen tuhantheen vuotheen. Mutta joskus tulleevaisuuđessa tämmöinen ulospuhalus saattaa olla mahđolinen.

Supertulivaaroi oon tutkittu paljon. Mutta sillä niitten ulospuhalukset oon niin harvinaiset, net oon yhä mysteeri meile.

Forrige avsnitt

1 / 2

Neste avsnitt
Åker ødelagt av vulkan aske
Åker ødelagt av vulkan aske

Lähtheet:

Kuvat ja videot:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images og NRK
    10. Getty Images
    11. Getty Images
    12. Getty Images
    13. Getty Images