10 trinn til eit spennande intervju! 

Å lese, sjå eller lytte til eit intervju med eit anna menneske kan setje i gang mange kjensler. Du kan bli inspirert, glad, engasjert og irritert.

Gode intervju vekkjer kjensler. Dårlege intervju er kjedelege å lese, sjå eller høyre på.

Her skal du lære korleis du lagar eit spennande intervju. Det er gøy for deg, den du intervjuar, og dei som skal lese, sjå eller høyre det etterpå.

Forrige avsnitt

1 / 2

Neste avsnitt
Blokk og papir
Blokk og papir

1. Vit kva du lager 

Ja, for kva er eigentleg eit intervju?

Det er når du er som ein journalist og snakkar med ein person. Vi kallar personen intervjuobjektet. Journalisten ønskjer å få personen til å seie noko spennande som kan formidlast vidare. Dette kan formidlast med film, lyd eller tekst.

Ung jente som noterer i en skrivebok.
Ung jente som noterer i en skrivebok.

2. Kven og kvifor? 

Kven skal du intervjue, og kva skal saka di handle om?

Temasak: Dersom du skal lage ein reportasje om eit bestemt tema, kan du trenge nokre kjelder. Då kan du intervjue ein ekspert på området.

Portrettintervju: Du kan intervjue ein spesiell person, kanskje ein som er kjend for mange. Det kallast eit portrettintervju. Då ønskjer vi og lesarane å bli betre kjende med personen.

Blokk og papir
Blokk og papir

3. Lag ein intervjuavtale 

Når du veit kven og kvifor, kan du kontakte personen for å spørje om hen vil møte deg.

Då er det viktig at du fortel kvifor du tek kontakt, kva slags sak det er, og kvar ho skal publiserast.

Fortel òg om du skal ta bilete eller video. Når du er tydeleg, skaper du tillit. Det finst ikkje noko betre enn eit intervjuobjekt som stolar på deg. Då fortel hen meir ope.

Smilende gutt som snakker i telefonen.
Smilende gutt som snakker i telefonen.

4. Forebu deg skikkeleg! 

Du må førebu deg godt før eit intervju.

Sjølv dei aller beste journalistane jobbar mykje i forkant.

Dette må du tenkje på …

  • Vel sjanger. Kva slags sak skal du lage? Set deg inn i sjangeren og kva det er forventa at du skal få med.

  • Kven er målgruppa? Dette er faktisk viktigare enn mange trur. Når du veit kven du skriv for, er det lettare å lage ei god sak.

  • Gjer research om den du skal snakke med. Det betyr å finne ut alt du kan om personen før intervjuet. Du kan lese på nettet, i aviser eller andre stader. Sjekk òg sosiale medium!
  • Finn ut så mykje du kan om temaet de skal snakke om. Du må vite kva de skal snakke om.
Forrige avsnitt

1 / 3

Neste avsnitt
Blokk og papir
Blokk og papir

5. Lag spørsmål på førehand 

Lag ei liste med nokre gode og spennande spørsmål. Ikkje spør om ting du kan finne ut med eit enkelt Google-søk. Dette kan løfte saka di frå bra til kjempebra.

Prøv å vere så personleg du kan, utan å fornærme personen. Poenget er å lære noko nytt.

Skriv ned alle spørsmåla. Det er betre å ha for mange enn for få spørsmål.

Ein vanleg feil mange gjer, er å stille spørsmål som berre gir svar som ja eller nei. Det er meir spennande når personen må gi litt lengre svar.

Still derfor spørsmål som startar med kven, kva, kvar, kvifor, når og korleis.

Forrige avsnitt

1 / 2

Neste avsnitt

6. Ver deg sjølv 

Å intervjue eit anna menneske kan vere litt skummelt. Det er trass alt du som har teke kontakt og skal styre praten.

Hugs at så lenge du har førebudd deg godt, kan det ikkje gå heilt gale. Sei at du er litt nervøs og spent – og hugs å smile!

Radiointervju
Radiointervju

7. Ta notat eller gjer lydopptak 

Når nokon stiller til intervju, skal dei bli siterte korrekt. Det dei seier, må kome riktig fram.

Det er mange som tek lydopptak av intervjuet. Då kan du høyre intervjuet på nytt fleire gonger.

Det er lurt å ta notat i tillegg. Då kan du skrive ned kva personen har på seg, korleis hen oppfører seg, og korleis det ser ut der de er.

Ein hyggeleg ting å gjere er å la intervjuobjektet få lese saka når ho er ferdig. Slik kan de begge vere sikre på at alt stemmer. Vi kallar dette ein sitatsjekk.

Forrige avsnitt

1 / 2

Neste avsnitt
Blokk og papir
Blokk og papir

8. Still oppfølgingsspørsmål 

Intervjuet blir meir spennande dersom du klarer å grave litt djupare i svara du får.

To svært vanlege og enkle oppfølgingsspørsmål er:

«Kvifor eller korleis skjedde det?»

«Kan du fortelje litt meir om det?»

9. Lag ein disposisjon 

Etter sjølve intervjuet byrjar den største jobben. No skal du skrive alt du har funne ut. Oppgåva blir lettare dersom du lagar ein disposisjon før du byrjar.

Det du treng til ei sak, er …

  • Tittel: Dette skal vere noko som fangar merksemda til lesaren.
  • Ingress: Ein kort og freistande tekst som seier noko om kva saka handlar om.
  • Byline: Namn på journalist, fotograf eller andre som har medverka.
  • Innleiing: Noko som presenterer temaet eller personen.
  • Hovudteksten: Det er her du skal skrive alt du har funne ut.
  • Avslutning: Det er lurt å vente med denne til du har skrive heile saka. Ho kan endre seg litt undervegs.
Forrige avsnitt

1 / 3

Neste avsnitt
Blokk og papir
Blokk og papir

10. Skriv så tastaturet får køyrt seg! 

No er det berre å skrive i veg. Følg disposisjonen så godt det let seg gjere. Du kan sjølvsagt gjere endringar undervegs. Det er ditt intervju, og du som bestemmer.

Hugs å få med nokre skildringar av personen og staden de var. Den som les intervjuet, har jo ikkje vore til stades. Skap bilete for dei som les.

Varier teksten med sitat og skildringar. Les alltid godt gjennom til slutt. Sjekk at du har fått med det innhaldet du ønskjer.

Tastatur laptop
Tastatur laptop

Kjelder:

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images
Close Icon

Loading...