10 trinn til et spennande intervju! 

Å lese, sjå eller lytte til eit intervju med eit anna menneske kan vere gøy og spennande. Dersom du likar intervjuet, har den som har laga det, gjort ein god jobb. Her skal du lære korleis du kan lage eit godt intervju.

Blokk og papir
Blokk og papir

1. Vit kva du lager 

Eit intervju er ein eigen sjanger. Det blir vanlegvis skrive på ein spesiell måte. I eit intervju er det ein person (journalisten) som stiller spørsmål til eit anna menneske (intervjuobjektet). Målet er å få gode svar slik at intervjuet blir spennande. Intervjuet kan vere på TV, radio eller i ei avis.

Ung jente som noterer i en skrivebok.
Ung jente som noterer i en skrivebok.

2. Kven og kvifor? 

Kven skal du intervjue, og kva skal saka handle om?

Jobbar du som journalist i ei avis, kan du få beskjed om å intervjue ein kjend person, eller nokon som har gjort noko spesielt. Då er målet å bli betre kjend med denne personen.

Du kan òg jobbe med eit bestemt tema. Då kallar vi den du intervjuar, for ei kjelde.

Blokk og papir
Blokk og papir

3. Lag ein intervjuavtale 

Du må ta kontakt med den du skal intervjue. Då er det viktig at du fortel kvifor du tek kontakt. Fortel om du skal ta bilete, video eller berre skrive.

Det er viktig at personen får all informasjonen hen treng. Då er det lettare for personen å seie ja.

Smilende gutt som snakker i telefonen.
Smilende gutt som snakker i telefonen.

4. Førebu deg skikkelig! 

Du må førebu deg skikkeleg før eit intervju. Det gjer alle journalistar.

Her er noko du bør tenkje på …

  • Kva slags sak skal du lage? Handlar det om ein person eller ei sak? Kvar skal intervjuet visast?
  • Kven er målgruppa? Kven vil du skal lese eller høyre intervjuet? Når du veit det, er det lettare å lage spennande spørsmål.
  • Gjer research om intervjuobjektet. Det betyr å finne ut mest mogleg før du møter personen. Då er det lettare å finne på noko å snakke om.
  • Gjer research om eit tema. Då er det lettare å vite kva du skal skrive om.
Forrige avsnitt

1 / 3

Neste avsnitt
Blokk og papir
Blokk og papir

5. Lag spørsmål på førehand 

Tenk nøye gjennom spørsmåla dine. Då får du gode svar. Spennande spørsmål kan løfte saka di frå bra til kjempebra.

Ikkje spør om noko du kan finne svar på dersom du googlar. Spør gjerne om noko personleg, men du må ikkje fornærme personen.

Skriv ned alle spørsmåla. Det er lett å gløyme kva du hadde tenkt å spørje om.

Ein vanleg feil er å stille spørsmål som gir ja eller nei som svar. Det er ikkje så veldig spennande å høyre eller lese.

Still spørsmål som startar med spørjeord:

Kven?

Kva?

Kvar?

Kvifor?

Når?

Korleis?

Då er det lettare for personen å svare meir.

Forrige avsnitt

1 / 3

Neste avsnitt

6. Ver deg sjølv 

Å intervjue nokon kan vere litt skummelt. Hugs at det går bra så lenge du har førebudd deg godt.

Nokre gonger kan det kjennast godt å seie rett ut korleis du har det. Fortel at du er litt nervøs og spent.

Hugs å smile!

Radiointervju
Radiointervju

7. Ta notat eller gjer lydopptak 

Når nokon stiller til intervju, skal dei kjenne seg trygge. Det dei seier, skal bli skrive riktig. Derfor kan det vere lurt å ta lydopptak.

Då er du sikker på at du høyrer riktig. Skriv òg ned nokre stikkord om korleis personen ser ut, om hen smiler eller verkar nervøs. Det kan gjere intervjuet endå meir spennande.

Den du intervjuar, bør få lese gjennom saka før du publiserer ho. Slik at begge veit at alt er riktig. Vi kallar dette ein sitatsjekk.

Forrige avsnitt

1 / 2

Neste avsnitt
Blokk og papir
Blokk og papir

8. Still oppfølgingsspørsmål 

Intervjuet blir meir spennande dersom du får intervjuobjektet til å fortelje litt meir enn det første svaret.

To vanlege og enkle oppfølgingsspørsmål er:

«Kvifor eller korleis skjedde det?»

«Kan du fortelje litt meir om det?»

9. Lag ein disposisjon 

Dersom intervjuet skal skrivast til ei avis, er det no jobben verkeleg byrjar.

No skal du samle alle notata og skrive det beste intervjuet du kan. Oppgåva blir lettare dersom du set opp ein disposisjon før du byrjar.

Han kan innehalde dette …

  • Tittel: Lesaren skal tenkje: Oj, det høyrest spennande ut. Det vil eg vite meir om.
  • Ingress: Ein kort og freistande tekst som seier kva saka handlar om.
  • Byline: Namn på journalist, fotograf og andre som har vore med.
  • Innleiing: Noko som presenterer temaet eller personen.
  • Hovudteksten: Det meste av det du skriv, står her.
  • Avslutning: Det er lurt å vente med denne til du har skrive heile saka. Då veit du korleis heile saka blei.
Forrige avsnitt

1 / 3

Neste avsnitt
Blokk og papir
Blokk og papir

10. Skriv så tastaturet får køyrt seg! 

No er det berre å skrive i veg.

Følg disposisjonen så godt du kan. Du kan sjølvsagt gjere endringar undervegs.

Gjer intervjuet så levande som mogleg. Det betyr at du skal skrive slik at lesaren ser for seg den som snakkar. Korleis ser det ut der de er? Kva høyrer de? Kva luktar de? Kva ser de?

Les alltid godt gjennom til slutt.

Tastatur laptop
Tastatur laptop

Kjelder:

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images
Close Icon

Loading...