Fattige land
Dei fleste fattige i verda bur i Asia og Afrika. Rundt éin milliard menneske lever i ekstrem fattigdom, for dei har mindre enn sju kroner om dagen å leve for. Nokre av dei aller fattigste landa i verda er: Afghanistan, Bangladesh, Eritrea, Haiti, Nepal og Somalia.
📷 Kabul – hovudstaden i Afghanistan.
Dei fattige landa kallar vi utviklingsland. Det betyr at dei har lite industri og fabrikkar og produserer få varer. Det betyr òg at mange ikkje går på skule og lever kortare enn i andre land. Nesten tre av fire menneske i verda lever i eit utviklingsland.
Ikkje alle utviklingsland er like fattige, og det kan vere store forskjellar i eit enkelt land òg. Til dømes er India både rikt og fattig på same tid. Her har mange blitt rike på grunn av industri, men India er òg det landet i verda med flest fattige.
I fattige land er det ofte nokre få som er rike, og det er mange som er fattige. Det kjem ofte av krig, få moglegheiter til utdanning og mangel på ressursar. Dei fattige har få moglegheiter til å komme ut av fattigdommen, for samfunnet har ikkje noko system for å hjelpe dei. Dei må stort sett klare seg sjølve eller motta humanitær hjelp frå andre land.
1 / 4
Kabul i Afghanistan sett fra avstand.
Rike land
Verdas rikaste land blir rangerte etter landets bruttonasjonalprodukt (BNP). Dette er marknadsverdien av alle varer og tenester produserte i eit land i løpet av eit år. For å finne BNP per innbyggjar, deler ein landets BNP med befolkningstalet, slik at ein får gjennomsnittet til kvar enkelt innbyggjar.
Fleirtalet i dei rike landa har det ganske bra. Dei har nok mat, utdanning og moglegheit for jobb. Dei har òg tilbod om helseteneste og økonomisk hjelp ved arbeidsløyse.
Likefullt er det stor fattigdom i rike land òg. Skiljet mellom dei rikaste og fattigaste er ekstremt stort. Men sjansen for å komme ut av fattigdommen er større i rike land enn i fattige land.
Dei fem rikaste landa i 2020
Talet i parentes viser BNP per innbyggjar i US dollar.
- Luxemburg (114 000 dollar)
2. Sveits (82 000 dollar)
3. Noreg (81 000 dollar)
4. Irland (78 000 dollar)
5. Island (73 000 dollar)
📷 Julemarknad i Luxemburg.
1 / 3
Kveld i Luxemborg der vi ser en festning og et pariserhjul.
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
