Ei spennande framtid
Har du tenkt på at framtida blir veldig spennande med mange nye oppfinningar?
Teknologien forandrar seg raskt, og vi lærer nye ting om verda og korleis ho verkar, heile tida. Det er du og klassekameratene dine som er neste generasjons oppfinnarar og tenkjarar. Er du klar til å utforske nye idear?
Teknologien utviklar seg raskt
Teknologien blir heile tida betre og raskare enn før. Ting vi bare drøymde om tidlegare, som sjølvkøyrande bilar og smart kunstig intelligens, er no røyndom. Og det er berre begynnelsen. Kven veit kva vi kan oppnå vidare?
Ei verd i endring
Verda endrar seg raskt. Vi må vere kreative og smarte for å løyse store problem som klimaendringar og sjukdommar. De som er unge, kan utforske og prøve nye ting for å hjelpe med å løyse nokre av dei største utfordringane vi kjenner til i dag.
Bli med på ei spennande reise til ei verd full av nye idear!
På dei neste sidene får du sjå ti område der det kjem til å bli mange nye oppfinningar.
1 / 3
En superhelt jobber med noe teknisk for fremtiden
1. Teknologi og IT
I framtida kan det bli du som programmerer ein robot som forstår kjensler, eller lagar appar som løyser store problem. Tenk å bruke kunstig intelligens til å hjelpe med lekser eller finne kurar for sjukdommar!
Sjå forslag på eit framtidig yrke på neste side.
AI-etikk-konsulent
Kva gjer du?
Du set reglar for bruk av kunstig intelligens. Du passar på at AI-system er trygge og rettferdige og ikkje skadar nokon.
Utdanning: Du treng utdanning i informatikk, spesielt i kunstig intelligens, og også i etikk.
Etikk: Dette er reglar om kva som er rett og gale. Med AI brukar vi etikk til å bestemme korleis teknologien skal verke, slik at han er god og rettferdig for alle.
Personlege eigenskapar: Du må tenkje godt, forstå kompliserte ting, og vere flink til å snakke med andre.
Dette yrket sikrar at teknologi, spesielt kunstig intelligens, blir brukt på ein sikker og rettferdig måte.
1 / 2
En jente sitter inne og programmerer
2. Helse og bioteknologi
Tenk deg ei verd utan sjukdom. Eller ei verd der vi kan gjere oss sjølve sterkare med genetikk. Du kan bli forskaren som brukar nanoteknologi mot kreft eller lagar supermat for betre helse.
Nanoteknologi: Teknologi som brukar supersmå partiklar for å lage medisinar som kan drepe kreftceller utan å skade andre celler.
Sjå forslag på eit yrke på neste side:
Genetisk livsstilsrådgivar
Kva gjer du?
Du brukar informasjon om folk sine gen til å lage spesielle helseplanar. Desse planane kan hindre sjukdommar og gjere livet betre.
Gen: Delar av vårt DNA som bestemmer eigenskapar som hårfarge eller sjukdomsrisiko. Ved å endre gen kan vi forbetre helse eller eigenskapar.
Utdanning: Du må studere genetikk, bioteknologi eller ernæringsfysiologi.
Eigenskapar: Vere god til å snakke med folk, vere nøye og interessert i helse.
Dette yrket hjelper folk til å leve eit sunnare liv gjennom å lage skreddarsydde helseplanar baserte på gena dei har.
1 / 2
En forsker sitter på en lab
3. Rein energi
Klimaendringar er eit stort problem. Kanskje du kan bli ein energiekspert som brukar sol, vind og vatn til å verne planeten.
Sjå forslag på eit framtidig yrke på neste side.
Urban energidesignar
Kva gjer ein urban energidesignar?
Du planlegg og set opp fornybar energi i byar og tettbygde strøk. Byane i framtida treng energi, vegar, bruer og bygningar. Du gjer desse tinga betre med rein energi.
Utdanning: Du treng ein grad i fornybar energi, miljøvitskap eller urban planlegging.
Eigenskapar du treng: Du må vere kreativ og bry deg om miljøet. Du treng òg å forstå teknologi godt.
Dette yrket hjelper byar med å spare energi og verne naturen.
1 / 2
En arbeidskar står foran en stor vindmølle
4. Cybersikkerheit
Alt er på internett i dag. Dette gjer det lett for hackarar å stele informasjon. Hackarar bryt seg inn i datamaskinar utan lov. Du kan lage sikkerheitssystem som beskytter data og stoppar hackarar.
Sjå forslag på eit framtidig yrke på neste side.
Testar av cybertruslar
Kva gjer du i jobben?
Du lagar og testar falske angrep på datamaskinar for å sjekke tryggleiken. Dette hjelper til med å finne feil som hackarar kan bruke.
Utdanning: Studiar i cybertryggleik eller informatikk er nødvendig.
Eigenskapar du treng: Du må vere god til å tenkje, nøyaktig og kreativ. Kunnskap om teknologi er òg viktig.
Denne jobben er viktig for å halde data trygge på internett.
1 / 2
en jente ser inn i en dataskjerm
5. Romfart
Vil du reise til Mars? Eller finne ein ny planet å bu på? Framtidige astronautar, ingeniørar og forskarar vil utforske rommet og finne nye stader å leve.
Sjå forslag på eit framtidig yrke på neste side.
Astrobioingeniør
Kva gjer ein astrobioingeniør?
Ein astrobioingeniør lagar system så folk kan leve på andre planetar. Dei jobbar med:
- Livsstøttesystem: Desse systema sørgjer for luft, vatn og mat i rommet.
- Berekraftige habitat: Dette er trygge heimar på andre planetar som ikkje skadar miljøet og som varer lenge.
Utdanning: Du treng ei høgare grad i romfartsteknikk, biologi, eller miljøvitskap.
Eigenskapar du treng: Du må vere kreativ, tolmodig, glad i å utforske og god til å løyse problem.
Dette er eit spennande yrke for dei som vil hjelpe menneske med å bu på nye planetar.
1 / 2
En romskip flyr rundt i verdensrommet
6. Autonome køyretøy
Tenk på ei verd der bilar køyrer sjølve. Slike bilar kallar vi autonome eller sjølvkøyrande køyretøy. Dei kan køyre seg sjølve frå ein stad til ein annan utan at eit menneske treng å styre bilen.
Dette fører til færre ulykker, og du kan gjere andre ting enn å vere sjåfør.
Kanskje du kjem til å jobbe med sjølvkøyrande sykkel eller skateboard i framtida?
Sjå forslag på eit framtidig yrke på neste side.
Systemintegrator for autonome køyretøy
Jobben går ut på
Du får sjølvkøyrande køyretøy til å fungere trygt.
Utdanning: Du treng ein grad i mekatronikk, robotikk eller elektroteknikk.
Eigenskapar du treng: Du må vere flink med teknologi og god til å løyse problem. Du skal òg vere påliteleg og halde deg oppdatert på ny teknologi.
Dette yrket er viktig fordi det gjer reising tryggare og smartare for alle.
1 / 2
En ide av fremtidens kjøretøy uten sjafør
7. Finansteknologi
Framtida er digital. Du kan jobbe med nye betalingsmåtar som brukar biometri og blockchain-teknologi. Biometri handlar om å bruke kroppen sine unike eigenskapar som fingeravtrykk eller auge for å bekrefte kven du er. Blockchain er ein spesiell måte å lagre data på som gjer system sikre og opne.
Sjå forslag på eit framtidig yrke på neste side.
Kryptovalutaregulator
Kva jobben går ut på:
Som kryptovalutaregulator vil du passe på kryptovalutamarknaden. Du vil sikre at alt er rettferdig og at det er trygt å bruke kryptovalutaer. Du vil hjelpe til med å lage reglar som beskyttar folk som brukar desse digitale pengane.
Utdanning: Du bør ha utdanning i finans, økonomi eller juss, helst med spesialisering i finansteknologi. Erfaring frå finansregulering er òg nyttig.
Eigenskaper du treng: Du må vere god til å tenkje, ha auge for detaljar, forstå teknologi og finans, og kunne jobbe med strenge reglar og lover.
Dette er ei spennande moglegheit til å jobbe med finansiell teknologi og forme korleis vi brukar pengar i framtida.
1 / 2
Et trofe av kryptovalutaen Bitcoin
8. EdTech
Med moderne utdanningsteknologi kan du få undervisning kvar som helst, når som helst. Kanskje du utviklar det neste virtuelle klasserommet? Her kan elevar frå heile verda møtast og lære i 3D.
Sjå forslag på eit framtidig yrke på neste side.
Virtuell læringskoordinator
Jobbinnhald:
Du skal lage og passa på virtuelle læringsrom. Desse romma brukar VR og AR så studentar kan lære online. VR står for «virtuell røyndom», ein teknologi for å skape ei kjensle av å vere ein annan stad. AR står for «utvida røyndom», som legg digitale bilde over den verkelege verda. Du vil samarbeide med lærarar for å lage kurs som er spennande og som er tilpassa nivåa og interessene til elevane.
Utdanning: Du treng ei utdanning i pedagogikk, teknologi eller design.
Personlege eigenskapar: Du må vere kreativ og flink med teknologi. Du må òg vere god til å samarbeide og kommunisere, og du må elske å undervise og bruke ny teknologi.
1 / 2
En jente som står med vr-briller
9. Smarte byar
Teknologi kan gjere byar smartare og meir effektive. Førestill deg byar som sjølve justerer trafikklys og straumbruk. Til dømes kan sensorar i trafikklysa endre lysa ut frå kor mange bilar som passerer, og sensorar i bygningar kan slå av varmen når ingen er der.
Smart City teknologistrateg
Jobbinnhald:
Som ein teknologistrateg for smarte byar vil du bruke teknologi for å forbetre byen. Du vil bruke:
- Trafikksensorar som endrar trafikklysa etter biltrafikken.
- Straumsensorar som kontrollerer energibruk i bygningar.
- Sikkerheitssensorar som held auge med offentlege stader.
Utdanning: Du treng en utdanning i byplanlegging, miljøvitskap, informatikk eller liknande.
Personlege eigenskapar: Du må være kreativ, flink til å løyse problem og god til å forstå både teknologi og behovet til innbyggjarane.
1 / 3
En vei inn mot en storby
10. Underhaldning og medium
Underhaldninga i framtida vil ha interaktive filmar og spel der du er helten i di eiga virtuelle verd.
Sjå forslag på eit framtidig yrke på neste side.
Interaktiv mediedesign-utviklar
Jobbinnhald:
Lage spel og filmar der brukarar bestemmer historia. Du treng å kunne koding og grafisk design.
Utdanning: Studer datavitskap eller grafisk design med fokus på å lage interaktive ting.
Personlege eigenskapar: Vere kreativ, flink med teknologi og god til å løyse problem. Du må òg skjønne kva som gir ei god oppleving for brukaren av tenesta.
1 / 2
Unge folk jobber med grafisk på pc skjerm i et kontor. Kontoret er moderne med masse pc-skjermer
Ei spennande framtid!
Framtida er spennande, og du er av dei som skal forme henne! Du og vennene dine kjem til å løyse nye problem og skape jobbar som ikkje finst enno.
Bruk fantasien og lær masse! Nye oppfinningar gir mange nye moglegheiter. Bruk kreativiteten din til å gjere verda til ein betre stad.
Ikkje ver redd for å tenkje nytt! Dei som prøver nye ting, vil leie an. Du kan bli med på dette eventyret, utvikle nye teknologiar og løyse store problem.
Bruk tida på skulen til å lære så mykje du kan. Ver nysgjerrig både i og utanfor klasserommet. Arbeid saman med andre, del idear, og bygg eit nettverk.
Start reisa mot framtida med å vere open og entusiastisk og samtidig kritisk til alt som er nytt.
1 / 2
