Er det viktig å vere ein berekraftig gründer?
Ja! I dag må nesten alle som startar eller driv ei bedrift, tenkje på berekraft.
Først må du finne eit problem du vil løyse. Er det nokon i lokalsamfunnet som treng hjelp? Eller vil du jobbe med store problem som klimaendringar eller fattigdom?
Som gründer må du forstå kva berekraftig utvikling betyr. Verda treng nye produkt og tenester som kan løyse alt frå søppelproblem til sosiale utfordringar.
1 / 2
Berekraftig gründer
Mange vil kjøpe produkt som er laga på ein miljøvennleg måte. Viss du vil vere ein berekraftig gründer, må du ta omsyn til både folk og miljø.
Berekraftig utvikling har tre hovudelement:
- Klima og miljø – vi må jobbe for å stoppe klimaendringar og ta vare på naturen.
- Økonomi – vi må bekjempe fattigdom og fordele jordas ressursar rettferdig.
- Samfunn – vi må sørgje for at alle blir behandla på ein god og rett måte.
1 / 2
Korleis er du ein berekraftig gründer?
Å vere ein berekraftig gründer betyr at du tar omsyn til miljøet, samfunnet og økonomien når du driv bedrifta di.
Viss produktet du sel kan resirkulerast, forureinar du mindre. Viss du må tilsetje fleire, skaper du fleire arbeidsplassar. Då hjelper du økonomien i landet.
Sosialt entreprenørskap
Det er lurt å tenkje på korleis du kan hjelpe samfunnet når du skal starte bedrifta di.
Kanskje du kan lage ein app som gjer eldre menneske mindre einsame? Då er du med på å løyse eit samfunnsproblem.
Dette kallar vi sosialt entreprenørskap. Det betyr at du er ein gründer som vil hjelpe andre menneske.
1 / 3
Mangfald og inkludering er viktig
Mangfald og inkludering betyr at alle får sjansen til å jobbe, uansett kven dei er. Då blir samfunnet meir rettferdig.
Når ulike folk jobbar saman, blir teamet meir kreativt, og bedrifta blir ein betre stad å jobbe.
Betre for bedrifta
Når tilsette med ulik bakgrunn jobbar saman, blir det lettare å forstå behovet til kundane.
Då kan ein lage produkt som folk vil ha!
Betre arbeidsmiljø
I bedrifter der leiinga er oppteken av mangfald og inkludering, har ein ofte eit betre arbeidsmiljø.
Men hugs at alle må bidra!
Det er nøkkelen til suksess!
Både for deg, for bedrifta og for samfunnet vårt!
1 / 7
Du kan bidra!
Som gründer kan du hjelpe samfunnet viss du er flink til å tenkje på berekraft. Det er både gøy og lønnsamt å løyse problem i samfunnet.
Til refleksjon:
- Kjem du på nokre behov i samfunnet som kan løysast viss ein tenkjer nytt?
- Er du samd i det du har lest om mangfald og inkludering? Forklar kvifor.
- Kvifor trur du nokre bedrifter ikkje tenkjer på mangfald, sjølv om det kan lønne seg?
- Korleis kan du vere meir inkluderande?
