Bli kjend med marknaden din
Tenk deg at du har ein god idé som du vil tene pengar på. Kva må du gjere for å komme i gang?
Først må du sjekke om folk vil kjøpe det du tilbyr. Vi seier at du må sjekke om det finst ein marknad for produktet ditt.
Finst det ein marknad
for idéen din?
Tenk deg at du vil tene litt ekstra på å måke snø og klippe gras for naboane.
Viss dei fleste bur i blokk, finn du ikkje mange kundar. Dessutan må du kjøpe utstyret du treng.
Kanskje du må bruke meir enn du tener?
Er det plass til deg
og idéen din?
Vil du bli strikke-influensar? Då bør du sjekke om det er plass til deg på marknaden.
Gjer ein marknadsanalyse for å sjekke om folk er interesserte i ideen din. Viss ingen synest det er vanskeleg å skrelle ein mango, er det ikkje lurt å lage ein mangoskrellar.
Kva er ein marknadsanalyse?
Det er ikkje så vanskeleg å gjere ein marknadsanalyse. Spør folk om dei vil kjøpe produktet ditt og kor mykje dei er villige til å betale.
Snakk med folk som kan bli kundar i framtida. Viss du vil handle for eldre menneske, bør du snakke med eldre menneske.
Skil deg ut
Finn ut mest mogleg om konkurrentane dine. Viss nokon allereie tilbyr det same, må du prøve å vere betre enn dei. Kanskje du kan vere billigare, eller levere oftare?
Gi folk gode grunnar til å velje deg!
Test produktet
La folk teste produktet ditt før du sender det ut på marknaden.
Sel du smoothies? La folk smake.
Sel du ein dings? La folk teste den!
Då finn du ut om du må forbetre produktet ditt før du sender det ut på marknaden.
1 / 3
Marknadsanalytikar
Intervjua og testane du gjer fortel deg om du kan selje ideen din.
Mange bedrifter har eigne marknadsanalytikarar som gjer slike undersøkingar for å sjekke om folk vil kjøpe nye produkt eller tenester.
Marknadsanalytikarar gjer spørjeundersøkingar og snakkar med folk om kva dei synest om eit produkt. Etterpå analyserer dei svara for å sjå om det lønner seg å prøve å selje produktet.
Korleis blir du marknadsanalytikar?
Viss du vil bli marknadsanalytikar, kan du studere marknadsføring, statsvitskap, journalistikk eller kommunikasjon.
1 / 3
Til refleksjon
Sjå på nokre produkt som allereie finst. Kvifor trur du mange kjøper dei?
Ta til dømes Skolerom.no.
- Kven trur du dei snakka med før dei starta tenesta?
- Kva trur du var viktige ting for dei å tenkje på?
