Kva er du
interessert i?
Vil du ha ein spennande jobb? Då kan du bli ein gründer. Ein gründer er ein som startar si eiga bedrift.
Først må ein tenkje ut nokre gode idéar. Ofte må ein prøve ut fleire ting før ein finn ut kva som fungerer. Då er det smart å ha ein plan B.
Motivasjon
Kva liker du å gjere? Dataspel? Sminke? Det er lurt å jobbe med noko du brenn for.
Viss du jobbar med noko du liker, blir jobben morosamare. Dessutan er det lurt å jobbe med noko du kan noko om!
Kva er ein god idé?
Ein god idé er noko som løyser eit problem eller dekkjer eit behov. Det kan vere alt frå klimaendringar til å skrelle ein mango.
Korleis finne ein god idé?
Kjenner du nokon som treng hjelp til å gå med hunden? Burde de hatt ein lekse-app på skulen?
Tenk på kva folk treng, og kva du sjølv saknar. Snakk med folk om kva som kan gjere kvardagen enklare!
1 / 2
Kreativitet er nøkkelen
Når du har funne eit problem, må du tenkje ut ei god løysing. Slik finn du gode idéar.
Vêr kreativ! Det handlar om å løyse problem. Det kan alle vere med på!
Idéprosess
Ikkje vent på å få idéar. Leit etter dei. Det er mange måtar å få idéar på. Ingen idéar er dårlege i starten. Ver open, og ver ikkje redd for rare idéar. Nokre gongar er dei raraste idéane dei beste.
Å komme i gang
Tenk på noko du liker, til dømes musikk. Skriv ned alt du kjem på om musikk. Då set du i gang fantasien din.
Idémyldring
Skriv ned alle idéane dine på eit blankt ark. Ingen idéar er for rare. Gjer det åleine eller saman med venner.
Tankekart
Viss du skal løyse eit problem, som til dømes matsvinn, skriv du “matsvinn” midt på eit stort ark. Skriv alt du kjem på om matsvinn på arket.
Spørsmål og observasjon
Still deg sjølv spørsmål som:
- Kva om …?
- Korleis kan vi …?
Leit etter problem du kan løyse:
- Korleis kan vi få hjelp til lekser?
- Korleis kan vi bruke mindre plast?
1 / 6
Lat deg inspirere av andre!
Sjå på ting som finst allereie. Er det mogleg å gjere dei betre? Google var ikkje den første søkjemotoren. Einkvan forbetra noko som allereie fanst, og no brukar vi “google” som eit verb for å søkje på nettet!
Lær av andre gründerar
Les om kva andre gründerar har gjort rett og feil, og bruk det når du skal bli ein gründer.
Ikkje feil å feile
Å gjere feil er ein del av å vere gründer. Dei fleste gründerar gjer mange feil før dei lykkast. Det viktige er å lære av feila og prøve igjen.
Museum of Failure
Det finst eit museum der ein kan sjå store feil frå kjende selskap. Hugs at alle kan feile – det er slik vi blir klokare!
Utforsk ulike idéar
Mange rare idéar har vorte kjempesuksessar! Ikkje begrens deg sjølv– bruk fantasien!
Veit du om nokre rare idéar som har vorte superpopulære?
1 / 3
Næringslivets Petter Smart!
Gründerar er litt som Petter Smart. Dei lagar ting som folk treng.
No har du lært meir om korleis du kan få ein god idé. Du kan òg bli ein gründer! Tek du utfordringa?
Til refleksjon:
- Kvifor treng vi gründerar?
- Tenk på ting vi er glade vi har i dag. Fanst dei før i tida? Korleis klarte folk seg utan dei?
