Kven vil du nå?
For å lykkast som gründer må du vite kven som skal kjøpe produktet eller tenesta di. Vi kallar dei målgruppa di.
Kven er målgruppa di viss du lagar ein leksehjelp-app?
Kven er målgruppa di?
Kva for klassetrinn skal du lage leksehjelp til? Di betre du kjenner målgruppa di, dess betre kan du tilpasse appen til dei.
Tenk deg at appen din er for elevar frå 5. til 7. trinn. Trur du dei kjøper appen sjølve? Truleg er det foreldra som betaler. Her har du altså to målgrupper. Dei som skal kjøpe appen, og dei som skal bruke han.
Du må marknadsføre appen mot begge målgruppene. Elevar som liker appen, kan fortelje foreldra sine om han. Foreldre som kjøper appen, kan tilrå han til andre.
Korleis kan du dra nytte av det du no veit om målgrupper?
1 / 3
Bli kjend med målgruppa di!
Lat oss sjå nærare på leksehjelp-appen. Skal du tilby hjelp i alle fag?
Prøv å finne ut kva fag barna treng mest hjelp til. Les om korleis målgruppa klarer seg i ulike fag.
Det er viktig å bli godt kjend med målgruppa di. Då kan du nemleg tilpasse appen betre. Konsentrer deg om dei faga mange slit med.
Finn ut mest mogleg om barna som bruker appen. Er det flest gutar eller jenter? Treng nokon ekstra hjelp fordi dei snakkar fleire språk?
Di meir du veit om dei som skal bruke appen, dess betre kan du tilpasse han.
1 / 3
Slik marknadsfører du appen din
Når du skal marknadsføre appen, bør du tenkje på tre ting:
- Kva vil du fortelje?
- Korleis skal du seie det?
- Kvar skal du fortelje det?
Fortel kvifor appen er nyttig. Snakk rett til dei som skal bruke han.
Del informasjonen på sosiale medium eller på populære nettsider.
Tenk over annonsar
Sjå på annonsar på sosiale medium. Dei er ofte valde ut etter kva du liker.
- Korleis er språket i annonsane?
- Vart du interessert? Kvifor/kvifor ikkje?
Finn ein annonse for noko vaksne pleier å kjøpe, til dømes bustadsalarm.
- Korleis ser annonsen ut? Kva er likt, og kva er annleis?
Korleis ville du ha laga ein slik annonse for ungdom? Kva ville du ha forandra på?
