Treet som viktig symbol

Treet er ofte eit symbol for noko anna. I norrøn mytologi var det eit tre som heitte Yggdrasil. Det symboliserte liv når resten av naturen sov vintersøvnen sin.

Hender som holder et spirende furutre ute i naturen

Grøne vekstar blei viktig pynt

Når vikingane feira jul, pynta dei husa sine med gran, furu og kristtorn. Det skulle verna dei mot vonde ånder.

Julekrans lagt på en tre bakgrunn

Tradisjonen med juletre

Tyskarane begynte å pynta juletre allereie på 1500-talet. I Noreg blei det første juletreet pynta i 1822. Det var dei rikaste som hadde juletre, men etter kvart spreidde tradisjonen seg til alle.

Illustrasjon av mor og datter som pynter juletre

Ein heidensk skikk

Fleire meinte at juletreet ikkje passa til den kristne jula. Det var noko heidningane hadde pynta med i vikingtida. Heidningane trudde ikkje på kristendommen.

Illustrasjon av et juletre som har falt

Det lysande treet

Sidan 1800-talet har treet vore pynta med lys. Lysa skal minna om Jesus som er lyset for verda.

Elektrisk juletrebelysning kunne ein kjøpa i USA frå 1890. Lysa var dyre, og folk flest hadde ikkje råd til dei. Difor brukte dei stearinlys som var festa til treet.

Levende lys på juletre som blir tent på

Og høgt i toppen den blanke stjerna

Det mest vanlege har vore å ha ei stjerne i toppen av treet. Ho skal minna om stjerna som skein over stallen i Betlehem, der Jesusbarnet blei fødd.

Mor med sønn på skuldrene som setter julestjerne på toppen av et juletre

Pynt til å ete

Noko av juletrepynten har til alle tider vore til å ete. Det har vore kaker, eple, nøtter og andre søtsaker.

Julebakst lagt ut på et tre bord

Juletrepynt

Glitter er også blant den eldste pynten. Elles har ein pynta med blomstrar av papir, glaskuler og figurar i ulike fasongar. Treet fekk etter kvart flagg, fletta korger og papirlenker. I vår tid blir mykje av dette kjøpt ferdig i butikken.

⬅ Illustrasjon av Dronning Victoria av England, Prins Albert og barnet deira, desember 1848.

Illustrasjon av Dronning Victoria av England, Prince Albert og deres barn, desember 1848.

Livet i juletreet

Når skal ein pynta treet?

I Noreg er det tradisjon for å pynta treet på vesle julaftan. I vår tid har treet blitt pynta stadig tidlegare.

Heile familien er ofte med og pyntar treet. På 1800-talet var det vanleg at dei vaksne pynta. Barna såg ikkje treet før lysa var tende.

To barn som velger ut et juletre

Juletrefest 

Tradisjonen med juletrefest starta i Noreg på midten av 1800-talet. Det var nokre lærarar og prestar som starta med det. På 1900-talet blei det vanleg at nissen dukka opp på festen med godteriposar til barna. 

Juletrefest i 1969

Grana til London

Legenda om kvifor grantreet blei valt til juletre

Gud ville gjerne at menneska skulle ha noko i stua si som minna dei om kvifor me feirar jul. Han sende ut tre av englane sine for å finna eit tre som kunne passa til det. Englane for Trua, Håpet og Kjærleiken fekk oppgåva. Dei flaug av stad over den snødekte jorda.  Det treet eg skal velja, sa engelen for Trua, skal bera krossmerket.

Engelen for Håpet sa: Eg vil at treet skal ha håpets farge. Det må vera evig grønt og aldri visna. Engelen for Kjærleiken meinte at treet måtte verna alle fuglane og dei små dyra. Det måtte også gi dei mat når vinteren kom. 

Til slutt fann dei treet som passa: grana. Det ber krossar på alle greinene. Det er grønt heile året. Dyr og fuglar kan gøyma seg i det, og det ber konglar. 

Englane gav treet kvar si gåve:  Engelen for Trua gav treet julelys. Engelen for Håpet pynta det med hjarte. Engelen for Kjærleiken fylte det med gåver, og sette ei stjerne i toppen. Alt til minne om Jesus som blei fødd julenatt, og som gir kjærleik til alle.

Forrige avsnitt

1 / 3

Neste avsnitt
Illustrasjon av en familie som går rundt et juletre av Viggo Johansen

Kjelder:

  • Magisk jul (2020)
    Orage Forlag AS
  • Stovner, Ina Louise: juletre i Store norske leksikon på snl.no.
    Hentet 6. november 2020 fra https://snl.no/juletre

Bilet- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. The Webster Museum
    9. NRK Skole
    10. Oslo museum
    11. NRK Skole
    12. Viggo Johansen