Kan eg ikkje berre google det, då?
Det finst vanvettig mykje informasjon på internett. Kvar i all verda skal du begynne å søkje? Eit klassisk svar frå klasserommet er: «Kan eg ikkje berre google det, då?» Hadde det berre vore så enkelt …
Søkemotor på internett der det står Search med samme farger som i Google.
Kva er ein nettlesar?
Når vi skal finne informasjon på internett, bruker vi ein nettlesar. Det gjer det mogleg å lese den informasjonen som ligg på nett. Dei vanlegaste nettlesarane er Google Chrome, Microsoft Edge, Safari, Firefox og Opera.
Når vi bruker ein nettlesar, får vi opp ulike nettsider. I nettlesaren blir nettsidene kalla for faner. Vi kan ha fleire faner opne samtidig for å bla raskt mellom nettsidene.
Mange synest det kan vere vanskeleg å lese det som står på nettsidene. I ei bok les vi gjerne frå topp til botn og frå venstre mot høgre. På nettsider kan informasjonen stå ulike stader på sida. Det kan vere vanskeleg å sjå kva som er viktig. I tillegg er det filmsnuttar og cookies (reklame).
1 / 3
Binær kode som beveger seg i atmosfæren over jordkloden
Søkjemotorar
Vi kan ikkje lese alt på nettet for å finne informasjonen vi treng. Det ville tatt altfor lang tid! Då er det lurare å søkje etter informasjonen. Det gjer vi ved å bruke søkjemotorar.
Ein søkjemotor kan samanliknast med ein bibliotekar. Denne kan du spørje om hjelp til å finne det du leitar etter. Men søkjemotoren krev at du forklarer godt kva du leitar etter. Di meir presis du er, dess enklare er det å finne gode søkjeresultat.
Mann ved pc med søkeikon
Googlar du?
Den mest brukte søkjemotoren er Google. Han har til og med gitt oss verbet «å google», som betyr å søkje på nett. «Å google» er for oss eit heilt daglegdags ord. Dette verbet fanst ikkje då foreldra dine var barn.
Det finst òg andre søkjemotorar, og eit par døme er Bing og DuckDuckGo. I tillegg er det mange nettsider som har eigne søkjemotorar. Då slepp du å lese deg gjennom alt for å finne det du leitar etter.
1 / 2
Søkefelt på internett med forstørrelsesglass
Lenkjer i lange baner
På nettsidene kryr det ofte av lenkjer. Ved å trykkje på desse kjem ein vidare til nye nettsider om same tema. I ein tekst der ordet ski blir nemnt, vil det finnast ei lenkje som tar deg vidare til meir informasjon om ski.
Vêr forsiktig med å trykkje på lenkjer utan å tenkje deg om. Dei kan føre til nettsider du ikkje vil besøke. I verste fall kan dei øydeleggje datamaskina di, eller prøve å svindle deg. Til dømes kan dei bruke kredittkortet ditt, eller bruke facebookprofilen din for å svindle andre.
Du vil oppleve at klikking på lenkjer vil ta deg stadig lenger unna det du opphavleg heldt på å lese. Tenk deg om før du klikkar deg vidare!
1 / 3
Lenkeikon på abstrakt blå 3d-bakgrunn
Veit du kva du søkjer etter?
Før du søkjer på Google, bør du vite litt om kva du skal søkje etter. På Google må du sortere bort alt du IKKJE treng å vite. Søket ditt må innehalde det du treng å vite. Jo fleire stikkord du bruker i søket, desto betre blir treffet.
Søkjer du på ordet vikingar, vil du få opp millionar av treff. Søkjer du på vikingar frå Vestfold som besøkte Konstantinopel, vil du få opp langt færre treff. Då har du nærma deg målet ganske mykje.
1 / 2
Nærbilde av en viking med brillehjelm, løftet sverd og bjørnefell.
Kjelder:
- søkemotor i Store norske leksikon på snl.no. Henta 24. mai 2022 frå https://snl.no/søkemotor
- Hartvig Abrahamsen, Mats; Gramstad, Thomas: Google i Store norske leksikon på snl.no. Henta 24. mai 2022 frå https://snl.no/Google
- Øverby, Harald; Dvergsdal, Henrik: internett i Store norske leksikon på snl.no. Henta 24. mai 2022 frå https://snl.no/internett
- nettleser i Store norske leksikon på snl.no. Henta 24. mai 2022 frå https://snl.no/nettleser
Bilde- og videorettar:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
