Eit menneske på cirka 70 kilo består av:

Oksygen: 45,5 kilo

Det aller meste av oksygenet i kroppen er bunde til hydrogen og utgjer vatn (H2O). Tenk over kvar vatnet kan vere i kroppen.

Karbon: 12,6 kilo

Viss du hadde gjort om dette til grillkol, ville det ha blitt  mykje kol til grilling.

Hydrogen: 7 kilo

Hydrogen er saman med oksygen ein del av vatnet som menneskekroppen består av.

Nitrogen: 2,1 kilo

Nitrogen er ein viktig del av protein, feitt og karbohydrat som finst i kroppen. Alt dette er med på å byggje kroppen, og det gir kroppen energi.

Kalsium: 1,05 kilo

Kalsium er ein viktig del av skjelettet.

Fosfor: 700 gram

Fosfor og kalsium går saman om å styrke skjelettet og tennene.

Svovel: 175 gram

Svovel speler ei viktig rolle for kor godt blodet fangar oksygenet i kroppen.

Kalium: 140 gram

Kalium speler ei viktig rolle for nervesystemet i kroppen. Tenk kor raskt nervesystemet må fungere viss du tek på noko som er veldig varmt.

Klor og natrium: 105 gram x 2

Natrium og klor blir til saman vanleg salt. Begge grunnstoffa passar på at vi har nok væske i kroppen. Dei hjelper òg nervesystemet til å fungere best mogleg. Tenk over kor mykje salt du bruker når du et.

Det står att 525 gram, som er ei variert blanding av cirka 50 forskjellige andre grunnstoff.