10 trinn til eit spennande intervju! 

Å lese, sjå eller lytte til eit intervju med eit anna menneske kan vere gøy og spennande. Viss du liker intervjuet, har den som har laga det, gjort ein god jobb. Her skal du lære korleis du kan lage eit godt intervju.

Blokk og papir
Blokk og papir

1. Vit kva du lagar 

Eit intervju er ein eigen sjanger. Det må skrivast på ein spesiell måte. Det handlar om at ein person (journalist) stiller spørsmål til eit anna menneske (intervjuobjektet). Målet er å få gode svar slik at intervjuet blir spennande. Intervjuet kan vere på TV, radio eller i ei avis.

Ung kvinnelig journalist intervjuer en ung mann
Ung kvinnelig journalist intervjuer en ung mann

2. Kven og kvifor? 

Kven skal du intervjue, og kva skal saka handla om?
Jobbar du som journalist i ei avis, får du ofte beskjed om å intervjue nokon. Andre gongar kan du bestemme sjølv. Hensikta er å bli betre kjend med ein person eller ei sak. Den du intervjuar, blir kalla ei kjelde.

Blokk og papir
Blokk og papir

3. Lag ein intervjuavtale 

Du må ta kontakt med den du skal intervjue. Då er det viktig at du fortel kvifor du tek kontakt. Informer òg om du skal ta bilde eller video. Det er viktig at personen får all informasjon han treng. Då er det lettare for personen å seie ja.

Gjøre en avtale over telefon
Gjøre en avtale over telefon

4. Førebu deg ordentleg! 

Du må førebu deg skikkeleg før eit intervju. Sjølv dei beste journalistane gjer det. Her er noko du bør tenkje på …

  • Kva slags sak skal du lage? Handlar det om ein person eller ei sak? Kvar skal intervjuet bli vist? 
  • Kven er målgruppa? Kven vil du skal lese eller høyre intervjuet? Når du veit det, er det lettare å lage eit godt intervju.
  • Gjer research om intervjuobjektet. Det betyr å finne ut mest mogleg før du møter personen. Det gjer at du føler deg tryggare i situasjonen.
  • Gjer research på eit tema. Då er det lettare å vite kva du skal skrive om.
Forrige avsnitt

1 / 3

Neste avsnitt
Blokk og papir
Blokk og papir

5. Lag spørsmål på førehand 

Tenk nøye gjennom kva spørsmål du lagar. Poeng er å få gode svar. Spennande spørsmål kan løfte saka di frå bra til kjempebra.

Eit døme: Viss du skal intervjue ein kjend artist, bør du spørje om noko du ikkje finn på Google. Spør gjerne om noko personleg, utan å fornærme artisten.

Skriv ned alle spørsmåla. Det er lett å gløyme kva du skal spørje om.

Ein vanleg feil er å stille spørsmål som gir ja eller nei som svar. Det er ikkje så veldig spennande.

Still derfor spørsmål som startar med spørjeord. Kven, kva, kvar, kvifor, når og korleis. Då gir du personen moglegheita til å svare meir utfyllande.

Forrige avsnitt

1 / 3

Neste avsnitt

6. Ver deg sjølv 

Å intervjue eit anna menneske kan kjennast litt skummelt. Men hugs at så lenge du har førebudd deg, kan det ikkje gå heilt gale. Nokre gongar kan det kjennast godt å seie rett ut korleis du har det. Sei at du er litt nervøs og spent. Ikkje gløym å smile!

Radiointervju
Radiointervju

7. Ta notat eller gjer lydopptak 

Når nokon stiller til intervju, skal dei føle seg trygge. Det dei seier, skal bli rett gjengitt. Derfor kan det vere lurt å ta lydopptak. Då er du sikker på at du høyrer rett. Ta notat som fortel noko om kva du ser. Det kan gjere intervjuet endå meir spennande.

Den du intervjuar, bør få lese gjennom saka før du sender henne vidare. Slik er de begge trygge på at alt er korrekt. Vi kallar dette ein sitatsjekk.

Forrige avsnitt

1 / 2

Neste avsnitt
Blokk og papir
Blokk og papir

8. Still oppfølgingsspørsmål 

Intervjuet blir meir spennande viss du klarer å utdjupe svara du får. Ikkje gi deg med det første svaret som kjem. To vanlege og enkle oppfølgingsspørsmål er: «Kvifor eller korleis skjedde det?» og «Kan du fortelje litt meir om det?»

9. Lag ein disposisjon 

Viss intervjuet skal skrivast til ei avis, er det no jobben verkeleg begynner. No skal du samle alle notat, og skrive det beste intervjuet du kan. Oppgåva blir lettare viss du set opp ein disposisjon før du begynner. Han kan innehalde følgjande …

  • Tittel: Denne bør fange merksemda til lesaren. 
  • Ingress: Ein kort og freistande tekst som seier noko om kva saka handlar om. 
  • Byline: Namn på journalist, fotograf eller andre som har deltatt. 
  • Innleiing: Noko som presenterer temaet eller personen. 
  • Hovudteksten: Det meste av det du skriv, står her. 
  • Avslutning: Det er lurt å vente med dette til du har skrive heile saka. Saka kan endre seg litt undervegs.
Forrige avsnitt

1 / 3

Neste avsnitt
Blokk og papir
Blokk og papir

10. Skriv så tastaturet får kjørt seg! 

No er det berre å skrive på. Følg disposisjonen så godt det lèt seg gjere. Du kan sjølvsagt gjera endringar undervegs. Gjer intervjuet så levande som mogleg. Skap nokre bilde for dei som skal lese. Dei har jo ikkje vore til stades på intervjuet. Les alltid godt igjennom til slutt. Sjekk at du har fått med deg det du ønskjer.

Tastatur laptop
Tastatur laptop

Kjelder:

Bilde- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images