Eit nytt kapittel i livet
Livet er fullt av moglegheiter til nye opplevingar som hjelper deg å utvikle deg.
Alle forandringar er moglegheiter til å bli ein betre versjon av deg sjølv. Det er du som bestemmer korleis framtida di skal bli.
Her kan du lese om korleis du møter forandringar i livet på ein god måte.
Hjelp, eg skal begynne på vidaregåande!
Når du begynner på vidaregåande, får du nye utfordringar og nye moglegheiter. Du kjem òg til å vekse som person.
Du må velje kva slags skule du vil gå på, og kanskje du må flytte fordi skulen er langt unna.
Det er lurt å velje skule ut frå kva du har lyst til å jobbe med i framtida.
Det kan kjennast skummelt, men det er spennande òg, for du skal lære mykje nytt!
1 / 2
En jente går målrettet nedover gata
Det er lov å ombestemme seg!
Det kan verke som om valet du tek no, bestemmer heile framtida di. Det gjer det ikkje, for det er lov å ombestemme seg.
På vidaregåande lærer du ikkje berre om fag. Du lærer òg å løyse problem og å samarbeide godt med andre. Dette vil du alltid ha bruk for i framtida.
Sidan du kan ombestemme deg seinare, treng du ikkje å stresse for mykje med valet. Det viktigaste er å lære noko nytt, uansett kva det er.
1 / 2
Nye vennskap
Når du blir eldre, får du nye venner, og kanskje du mister kontakten med folk du var venn med før.
Dette er heilt normalt. Du forandrar deg, vennene dine forandrar seg, og då vil òg vennskapane dine forandre seg.
Prøve nye ting
Prøv nye hobbyar medan du er ung. Kanskje du blir overraska over kor godt du liker noko heilt nytt.
Alt du lærer, både på skulen og i fritida, er nyttig i livet ditt.
Å vekse og forandre seg
Når du er i puberteten, har du masse hormon i kroppen. Desse påverkar kva du føler og tenkjer. Derfor forandrar du deg både utanpå og inni.
Dette er sånn det skal vere å gå frå barn til ungdom og seinare vaksen.
1 / 3
To venninner gir hverandre en klem
Etter vidaregåande skule
Når du er ferdig med skulen, må du velje om du vil jobbe eller studere vidare. Det er både skummelt og spennande.
Nokre begynner å jobbe eller søkjer lærlingplass. Andre vil studere på universitet eller høgskule.
Du bestemmer korleis framtida di skal sjå ut. Undervegs lærer du mykje om deg sjølv og kva du har lyst til å gjere.
Tenk deg godt om, og be gjerne om råd frå andre. Ta deg tid til å finne noko du trur kan passe for deg.
Dette er ei viktig tid i livet. Tenk på kva du er flink til når du planlegg vegen vidare.
1 / 2
en lang vei i en rett gate
Tips for å takle overgangar og nye ting
- Snakk om det: Fortel nokon du stolar på korleis du kjenner deg.
- Ver open for noko nytt: Hugs at alt du lærer, hjelper deg å vekse.
- Ta vare på deg sjølv: God fysisk og mental helse er viktig.
- Ver tolmodig: Det tar tid å venne seg til alt det nye, og det er greit å bli litt usikker i starten.
En jente sitter på rommet sitt i senga og tenker
Lag ein plan
Desse tipsa kan hjelpe deg gjennom store forandringar.
Førebu deg godt
Finn ut mest mogleg om det som kjem, anten det er ein ny skule eller ein ny jobb.
Set deg realistiske mål
Set deg små delmål undervegs, og ver stolt når du når måla dine.
Ha nokon å prate med
Du må ha nokon du kjenner rundt deg, eller som du kan ringe til. Det kan vere familie, venner, lærarar eller andre som hjelper deg. Dei kan gi deg råd og støtte når livet kjennest tøft.
Tol forandringar
Tenk på forandringar som moglegheiter, ikkje som problem. Då kan overgangen bli lettare. Du blir vant til det nye etter kvart.
Skriv dagbok
Skriv ned tankane og kjenslene dine om det som skjer. Det kan hjelpe deg å forstå deg selv betre.
Hald på rutinane dine
Hald fram med å gjere ting du liker og som du alltid har gjort. Det kan vere å trene, lese på senga eller andre vanar og rutinar du har. Da kjenner du at ikkje alt er heilt nytt.
Lær måtar å tole stress på
Finn ut kva som hjelper deg å roe ned når du blir stressa. Det kan vere å trekkje pusten djupt og telje til ti, det kan vere meditasjon, og det kan vere trening.
Bruk den teknikken som passar best for deg.
1 / 4
Ett kompass står på et kart ute
Framtida er spennande!
Vêr open og nysgjerrig, og gjer kvar dag til ein verdifull del av livsreisa di. Det er aldri for seint å ombestemme seg viss du vel feil.
Ver positiv, og sjå på kvar epoke som ei moglegheit til å oppleve noko nytt og spennande.
Lykke til på reisa! Hugs at det er du, og berre du, som er sjefen i livet ditt!
