Bli ein yrkesutforskar og oppdag jobbane i framtida!
Har du nokon gong lurt på kva slags spennande jobbar som finst der ute? No skal vi øve oss på å utforske ulike yrke og sjå kva moglegheiter som ventar på deg.
Du skal få lære korleis du samlar informasjon om ulike yrke og sjå korleis arbeidsmarknaden utviklar seg med ny teknologi og fokus på berekraft. Kanskje finn du draumejobben din rundt neste sving!
Finn jobben for deg!
Kva slags jobb passar best for deg? Er du kreativ? Liker du å tenkje og løyse problem? Eller elskar du eventyr? Finn ut kva slags jobb som er perfekt for deg og personlegdommen din.
Korleis blir framtida?
Kvifor er det viktig å tenkje på jobbane i framtida? Her kan du lære om korleis du kan velje ein jobb som hjelper både samfunnet og miljøet. Vala du tek no, kan utgjere ein stor forskjell i framtida!
Vala dine er viktige. Vêr nysgjerrig når du tek fatt på reisa mot arbeidslivet og oppdag alle dei spennande jobbane du kan få!
1 / 3
En gutt drømmer og ser ut på himmelen
Interessene og verdiane dine
Alle har ulike interesser og verdiar som hjelper oss å velje yrke. Kanskje du liker å tenkje på miljøet og vil jobbe med berekraft, eller kanskje du elskar dyr og vil bli veterinær? Når du tenkjer på kva du liker og synest er viktig, kan du finne yrke som er både nyttige og spennande.
Ha tru på ei spennande framtid
Det finst mange yrke, og det kan kjennast overveldande, men også veldig spennande. Når du kjenner på eigne styrkar og interesser, kan du finne ein jobb som passar perfekt for deg. Det er plass til alle i arbeidslivet!
Tenk over kva du liker og blir motivert av
Når du tenkjer på eit yrke, til dømes politi, bør du spørje deg sjølv kva du liker ved akkurat det yrket. Vil eg hjelpe samfunnet? Liker eg spenning? Har eg lyst til å jobbe i team? Når du veit kva du ønskjer deg, er det lettare å velje eit yrke som vil gjere deg glad i jobben din i framtida.
1 / 3
En jente sitter på taket og fikser solceller
Det finst mange yrke
Mange jobbar har du kanskje ikkje eingong høyrt om. Tenk å prøvesmake sjokolade for å sjekke at han smaker godt, eller fly dronar heile dagen! Når du les om alle desse jobbane, vil du forstå kor mange moglegheiter du har. Alle jobbar er viktige, både store og små.
Utforsk jobber rundt deg
Tenk på interessene dine og kva du er god til. Ler meir om jobbar du kan tenkje deg i nærmiljøet, til dømes ved å bli med nokon på jobb for å sjå kva dei gjer. Dette kallar vi jobbskygging,, og det er nyttig for å finne ut meir om kva jobben eigentleg går ut på. Les om kva slags utdanning du treng for å nå måla dine – då blir det lettare for deg å velje kva veg du vil gå vidare. Lukke til med utforskinga!!
Visste du forresten at Statistisk sentralbyrå (SSB) har sortert alle yrke i ein eigen yrkeskatalog?
Lukke til med utforskinga!
1 / 2
Illustrasjon av fire forskjellige jobber: sjokoladetester, grafisk designer, sykepleier og byggmester
Lær om nye yrke
- Snakk med folk: Spør folk du kjenner kva dei jobbar med og kvifor dei liker jobben sin.
- Gå på besøk: Besøk ulike arbeidsplassar, eller inviter folk til skulen for å fortelje om jobben sin.
- Bruk nettet: Les meir om ulike jobbar på internett. Sjå korleis desse jobbane passar med interessene og verdiane dine.
Desse råda kan hjelpe deg å oppdage kva slags jobb du vil trivast i.
Hugs!
Det er du som skaper di eiga framtid. Når du forstår meir om dine eigne interesser og verdiar og kva som motiverer deg, er det enklare å finne eit yrke som gir deg ein spennande og meiningsfylt kvardag.
Ver open og nysgjerrig. Ha tru på at det finst ein perfekt jobb for alle. Framtida er full av moglegheiter – og ho er di!
1 / 2
