Tulivaarat ja supertulivaarat!
Tulivaarat ja supertulivaarat! Opi enämen puhaluksista ja vaaralisista luononvoimista.
Mikä oon tulivaara?
Tulivaara oon reikä maapörässa mistä noussee joukseevaa kivvee ja gassii pinnale.
Tätä joukseevaa kivvee käskethään magmaksi ko se oon maapörän sisälä. Ko se noussee ylös pinnale, sitä käskethään laavaksi.
Jokhainen oon erilainen
Jokhainen tulivaara oon erilainen.
Joilaki oon pienii ulospuhaluksii joksiki ushein, jokku puhalttaa ulos rajusti, mutta harvoin. Se riippuu siitä missä päin maapörälä tulivaara oon.
Tääpänä maapallola oon 1300-1500 tulivaaraa. Veđenalhaissii tulivaaroi oon kans paljon. Nämät oon syvälä mailman merten pohjassa.
⬅ Tässä met näjemä Fuji-sanin tulivaaran mikä oon Tokyossa, Japanin pääkaupungissa.
Tokyo vulkan Fuji Japan
Alaslaskenta ulospuhaluksheen
- MAGMA NOUSSEE
Sulanu kivi tulivaaran sisälä noussee ja painaa maanpörrää ylöspäin.
- PAINO KASSUU
Sulanu kivi noussee ylemäs ja ylemäs. Paino maata vasten lissäinttyy ja maanpörhään synttyy halkkeemiita.
- HALKKEEMINEN
Ko sulanu kivi oon painunu nokko kauvoin, halkkee maapörä. Silloin magma truiskuu tahi virttaa ulos. Nyt ko se oon maanpinnan ulkopuolela sitä käskethään laavaksi.
Yhđessä laavan kans päässee kans ulos paljon gassii. Nämät gassit saatethaan saađa ulospuhaluksen näyttämhään räjättämiseltä.
Näin tulivaara toimii
Tässä esimerkki siitä kuinka tulivaara toimii.
1 / 4
Vulkanutbrudd illustrert
Eyafjallajökull
Eyafjallajökull oon yksi Islanin suuriimista tulivaaroista.
Se puhalsi ulos vuona 2010. Siitä syntyi suurii tuhkapilvii mikkä levithiin kauvas Euroopphaan käsin. Pilvet saathiin aikhaan probleemiita flyyitrafikile, ja estethiin usheita ihmissii reissaamasta.
Tuhkafanki
Ulospuhaluksen Islanissa jälkhiin syntyi ilmaisu “askefast”. Kvääniksi saatama sannoot “tuhkafanki”.
Sana perustuu norjan sanhaan “værfast” mikä meinaa ette ei pääse reissaamhaan huonon sään tähđen. Samhaan laihiin ko huono sää saattaa estäät, estethiin kans Islanin luononkatastroofin tuhkapilvet ihmissii reissaamasta ja pakoitti ison osan Euroopan lentotoiminasta maahan.
1 / 2
Eyafjallajökull vulkan
Oonko se mahđolista ennustaat tulivaaranulospuhaluksen?
Ushein saattaa aavistaat ette ulospuhalus oon tulemassa. Yksi merkki oon pienet maanjyristykset.
Seismomeetterilla mitathaan maanjyristysten voimakkhuutta. Ko met tieđämä jyristyksen voiman, saatama helpomin laskeet, oonko ulospuhalus tulossa vai ei.
Seismometer som skriver
Kilauea
Kilauean tulivaara Hawajilla oon aktiivinen tulivaara. Aktiivinen tulivaara meinaa sitä ette se puhalttaa ulos tuoloin tällöin.
Kilauealla oon ollu pitkä ja jatkuuva ulospuhalus vuođesta 1983 asti. Mutta tämä ulospuhalus oon rauhalinen ja joksiki hiljainen. Hawaijin tyypilisissä tulivaaranulospuhaluksissa oon ylheensä tyhä juokseevaa laavaa eikä suurii tuhkapilvii.
Ulospuhalus oon kuitenki tuhonu ihmisten omaisuutta ja tulivaaran likiallaa.
Kīlauea pele Hawaii utbrudd
Suuret tuhot
Met tieđämä ette tulivaarat oon tuhonheet kokonhaiset kaupungit.
Ihmiset oon menettänheet ittensä kođit. Het oon menettänheet ittensä työpaikat ja mahđolisuuđen viljelä oman ruvan.
Hithaasti virttaava laava ei ole se mikä tuhhoo enniiten, se oon tuhka ja myrkyliset gassit. Ulospuhaluksen jälkhiin saattaa tulla kans maanjyristyksii, tulvii ja siikattheita.
Krakatau vulkanutbrudd på natten - November 2011
Kilauea
Kilauean tulivaara Hawajilla oon aktiivinen tulivaara. Aktiivinen tulivaara meinaa sitä ette se puhalttaa ulos tuoloin tällöin.
Kilauealla oon ollu pitkä ja jatkuuva ulospuhalus vuođesta 1983 asti. Mutta tämä ulospuhalus oon rauhalinen ja joksiki hiljainen. Hawaijin tyypilisissä tulivaaranulospuhaluksissa oon ylheensä tyhä juokseevaa laavaa eikä suurii tuhkapilvii.
Ulospuhalus oon kuitenki tuhonu ihmisten omaisuutta ja tulivaaran likiallaa.
bildet av Pompeii, Italia
Supertulivaara
Mailmassa oon ainaki 20 supertulivaaraa.
Supertulivaara oon tulivaara mikä oon suurempi ja tuhhoovampi ko tavalinen tulivaara.
Jokku tutkiijat meinaavat ette supertulivaarat oon justhiin “super” niitten valttaaviitten onssiin tähđet. Net saattaavat pittäät sisälä hirmuisen määrän magmaa.
Net kassuuva suuremiksi ja suuremiksi tuhanssiitten vuossiin aikana.
Lava
Porisseeva supertulivaara
USA:ssa Yellowstonen kansalistarhaan alla porissee aktiivinen supertulivaara.
Tarhaassa oon 10 000 krystalinfäristä kuumaa kalttiita, kupliivaa rapalanttoo ja höyryyvää, kuuluu geysirii. Niitä lämmittää valttaava magmakamari.
Geysers, Yellowstone National Park, Wyoming, USA.
Luononkatastroofi
Jos supertulivaara puhaltais ulos, sen seuraamukset oltais katastrofaaliset. Sulanheesta kivestä syntynheet pilvet liikuttais noppeemin ko biilit moottoriteilä ja varjoistettais auringon. Tyhä muutama senttimeetteri tuhkaa saattaa tehđä maanviljelyn mahđottomaksi.
Tutkiijat meinaavat ettei mikhään näyttäis siltä ette semmoinen superulospuhalus olis tulemassa usheesseen tuhantheen vuotheen. Mutta joskus tulleevaisuuđessa tämmöinen ulospuhalus saattaa olla mahđolinen.
Supertulivaaroi oon tutkittu paljon. Mutta ko niitten ulospuhalukset oon niin harvinaiset, oon net vieläki mysteeri meile.
1 / 2
Åker ødelagt av vulkan aske
Lähtheet:
- Junior vitenskap 2018
Orage Forlag AS - Drømmereiser 2017, 2016
Orage Forlag AS - https://forskning.no/bakgrunn-bergfag-vulkaner/bakgrunn-hva-er-en-vulkan/1066010
- http://whc.unesco.org/en/list/829/video/
- https://snl.no/vulkan
- https://no.wikipedia.org/wiki/Vulkan
- sprakradet.no
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
Getty Images og NRK
-
Getty Images
-
Getty Images
-
Getty Images
-
Getty Images
-
