I N T E R V J U
Kva brenn du for,
Nellie?
Vi har snakka med youtubar, forfattar og influensar Nellie Krokstad som har gitt ut boka «Løvetannbarnet».
av Kjersti Kvam
![Nellie Krokstad sitter på en fortauskant med en bamse](https://skolerom.no/wp-content/uploads/sites/2/2022/03/image004-tittelside-1-1280x925.jpg)
Nellie Krokstad sitter på en fortauskant med en bamse
Dette brenn Nellie for:
Å hjelpe sårbare barn i fosterheimar!
Nellie har sjølv vore det barnet. Då ho var 14 år, flytta ho inn i den første av to fosterheimar. I bagasjen hadde ho med seg ein vanskeleg oppvekst med ei psykisk sjuk mamma, ein fråverande pappa og ein sterk ADHD-diagnose som ho hadde fått året før.
![Selfie av Nellie Krokstad fra Instagram](https://skolerom.no/wp-content/uploads/sites/2/2022/03/insta_nellie-ramme-selv-e1647866584618-copy-e1667313859419.jpg)
Selfie av Nellie Krokstad fra Instagram
Ho veit kor utruleg tøft det kan vere å banke på døra hos ein heilt ny familie, å ikkje bli tatt imot som du kanskje håpar, å kjenne deg annleis enn dei andre, å vere bråkmakaren med ADHD og angst og alt som følgjer med.
– Nokre fosterbarn taklar det sjølvsagt betre enn andre, men eg veit at med ADHD, for eksempel, kan det vere veldig vanskeleg, fortel Nellie over telefonen.
![Ung Nellie Krokstad](https://skolerom.no/wp-content/uploads/sites/2/2022/03/Skjermbilde-2018-07-31-kl.-12.58.55-e1647867896959.png)
Då vi snakka med Nellie, hadde ikkje koronaen heilt sleppt taket i kroppen hennar. Likevel tek ho seg alltid tid til noko av det viktigaste ho driv med: Å svare fosterbarna som kontaktar henne for å fortelje sine historier og få støtte og trøyst.
![Nellie Krokstad jobber på laptopen](https://skolerom.no/wp-content/uploads/sites/2/2022/03/Skjermbilde-2022-01-31-kl.-16.32.48-1280x852.png)
Nellie Krokstad jobber på laptopen
– Ja, det er mange som skriv til meg, og eg svarer alle. Eg synest det er så fint at dei tar kontakt, og eg vil vise dei den respekten dei fortener tilbake. På ein måte blir eg lei meg av at dei har så mange spørsmål som dei ikkje har fått svar på heime eller hos barnevernet, men det er også ein god følelse at eg kan hjelpe. Det er vel nesten den beste jobben eg kan gjere, seier ho ettertrykkjeleg.
![Nellie Krokstad på sengekanten](https://skolerom.no/wp-content/uploads/sites/2/2022/03/01-copy-1280x1002.jpg)
Nellie Krokstad på sengekanten
![Instragram-bilde av Nellie Krokstad](https://skolerom.no/wp-content/uploads/sites/2/2022/03/nellie-ramme-skoyter-e1650350988580-2.png)
Instragram-bilde av Nellie Krokstad
Då Nellie var tenåring, var det eit større tabu å bu i fosterheim enn det er no, tenkjer ho. Heldigvis kan folk prate meir opent om det i 2022, meiner ho. Samtidig er ho kritisk til at det ikkje er blitt endå meir normalisert, og ho skulle ønskje at for eksempel media kunne ha skrive meir om temaet, intervjua menneske som ønskjer å dele historiene sine, vist med tal kor mange det gjeld, og så vidare.
![](https://skolerom.no/wp-content/uploads/sites/2/2022/03/Skjermbilde-2018-07-31-kl.-12.56.27.png)
– Det er då det aller viktigaste! Vi må snakke høgt om det og ha ein open dialog. Det betyr ikkje at du som fosterbarn må skrike det ut til heile verda. Du kan godt berre fortelje det til bestevennen din, men du skal sleppe å føle deg skamfull og annleis, seier ho engasjert.
![Nellie Krokstad ved lansering av boka «Løvetannbarnet»](https://skolerom.no/wp-content/uploads/sites/2/2022/03/image005-1280x1706.jpg)
Nellie Krokstad ved lansering av boka «Løvetannbarnet»
![Instragram-bilde av Nellie Krokstad](https://skolerom.no/wp-content/uploads/sites/2/2022/03/nellie-ramme-selfie-1-1-1280x786.png)
Instragram-bilde av Nellie Krokstad
Mine tips til deg som vil engasjere deg i ei sak!
- Stol på deg sjølv! Følg magefølelsen, og engasjer deg i noko du sjølv er opptatt av.
- Vis fram engasjementet ditt, sånn at du inspirerer andre.
- Ver sannferdig, og gjer ting ordentleg.
- Ikkje gi opp! Uansett vil nokre alltid vere einige, og andre vil vere ueinige.
![Nellie Krokstad ved lansering av boka «Løvetannbarnet»](https://skolerom.no/wp-content/uploads/sites/2/2022/03/image003-copy-1280x729.jpg)
Nellie Krokstad ved lansering av boka «Løvetannbarnet»
![](https://skolerom.no/wp-content/uploads/sites/2/2022/01/dette-brenn-eg-for_nn-e1643269608354-1280x727.png)
Dette intervjuet er skrive av Kjersti Kvam for Skolerom, og det er del av ein intervjuserie vi kallar Dette brenn eg for!
Bilde- og videorettar:
-
-
Pål Laukli
-
@nelliekrokstad – Instagram
-
Privat
-
Privat
-
Linda Bournane Engelberth
-
@nelliekrokstad – Instagram
-
Privat
-
Pål Laukli
-
@nelliekrokstad – Instagram
-
Pål Laukli
-