Visste du at orda betale, fridom og begynne er ord vi nordmenn har lånt for mange hundre år sidan? Sannsynlegvis ikkje. Importorda blir som regel ein heilt vanleg del av språket vårt, og vi tenkjer ikkje på dei som noko vi har fått utanfrå. At nyare ord som selfie, game og chatte er lånte frå engelsk, er sannsynlegvis lettare å forstå. 

Så lenge det finst ungdom, finst det ungdomsspråk. At ungdommen har sin eigen variant av språket, er slettes ikkje eit nytt fenomen. Spør berre bestefaren din om han er “slapp i kloa” eller “eit ålehue”. Kanskje han svarer deg med “jøssenam på trappa, kvar har du lært dei uttrykka der?” Det er jo eit fint utgangspunkt for ein samtale rundt språkskillsa til bestefar.