Haavottuva demokratia (Elvedalkvensk)
Monet pitävät demokratiaa ittesthäänselvänä asiana, mutta demokratia oon joukon haavottuva. Useat maat mailmassa kokevat sen, ette kansanvaltasten hallittemismallien sijale tulevat autoritäärisemät ja diktatoorisemmat. Mutta löytyykö toisia tapoja luua kansanvaltaa ko tääpänen demokratia?
Oonko demokratia vaarassa?
Usheita demokratioita oon horjuteltu viimi vuosikymmenen aikana sen tähen ko monet oon olheet tytymättömät poliittisheen hallittemisheen. Se oon ollu ökonomisia kriisiä, ja met olema nähnheet ette poliittiset johtajat haluavat siirtyät takasin autokratihaan. Autokratia oon hallittemismalli jossa suuriin osa poliittisesta vallasta oon keskittynny yhele persoonalle tahi pienen joukon käshiin.
Vähänen kannatus
Demokratian kannatus oon nyt heikoin sitte toisen mailmansoan, olletikki vestamaalasessa mailmassa. Monet ei ole innokkhaasti myötä poliittisissa vaalissa, eikä käytä ommaa äänioikeutta.
Jos tämä jatkuu, niin vain puolet Vestan kansalaisista äänestävät vaalissa viien vuuen päästä.
Mikä meitä ohjaa?
Jaukkuuko demokratia – ja mikä sen siinä taphaukessa korvaa? Tulleeko tilale diktatuurit semmosinna ko met tunnema net viimi vuosisaan alusta, vai ohjaako konstilinen intelligensi meitä tulevaisuuessa?
1 / 3
En mann styrer mange mennesker med tråder.
Opimako jotaki histooriasta?
Paljon siitä mitä tapattuu tääpänä, oon tapattunnu ennenki, mutta opimako oikeastansa jotaki histooriasta? Usheimathan haluavat elläät turvassa ja hyvin ja olla myötä päättämässä omasta elämästä. Miksi oon niin monia jokka kokevat täysin päinvaston sitte?
Erilaiset hallittemismallit
Demokratia eroaa muista hallittemismallista niin ko diktatuurista, anarkiasta ja meritokratiasta. Demokratia oon eneminki ollu poikeama ko sääntö. Maita ja aloja oon ushein hallinheet oligarkit, despootit ja diktaattorit.
Diktaattorit ja oligarkit
Diktatuurissa hallittee ushein yksi persoona, niin ko diktaattori Adolf Hitler Tyskässä 2. mailmansoan aikana. Suurin osa väestä ei saanu osalistuat päätöksentekhoon.
Diktatuuria saattavat kans hallita oligarkit. Sillon oon yksi joukko ihmisiä joila oon valta. Monet näistä staatinjohtajista olthiin ja oon despootit, eli brutaalit ja väkivaltaset johtajat.
Anarkiat ja meritokratiat
Anarkia oon hallittemismalli jossa ei keneläkhään oon ylimästä valtaa. Samfynniä styyräthään yhtheistyössä ko toivothaan ette kaikila oon vapaa tahto.
Meritokratiassa valithaan johtajiksi ihmiset joila oon vasituiset kyvyt tahi taito hallita. Tämmönen hallittemismalli oon hyvin harvinainen.
1 / 4
En overdimensjonert rød mann ser ned på en stor folkemengde.
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
