Maanpruuki ja fisku oon primäärielämänkeinot
Mitä oon oikkeestansa primäärielämänkeino? Kuinka maanpruuki ja kalaindustrii toimiivat Norjassa, ja kuinka net toimiivat muuvala mailmassa?
Maanpruuki
Maanpruukin lujethaan primäärielämänkeinoksi. Primäärielämänkeinot oon yhtheisnimi niile elämänkeinoile jokka produseeraavat eriliikaisesti raaka-ainheita: maanpruuki, mettänpruuki, fisku ja pyytö.
Raaka-ainet oon se mitä tarvithaan ko produseerathaan valmhiita tavaroita myynthöön. Niitä oon vilja, kala, metallit tahi öljy. Melkhein kaikki maat ostaavat tahi myyvät raaka-ainheita.
Jääkärit, kokkoojat ja maanpruuki
Alussa ihmiset ei kylvänheet maata. Het siirythiin ja kovothiin ruokkaa, ja ko ruoka loppui yhđestä paikasta, het siirythiin uutheen paikkhaan. Tämä oli aika ko ihmiset olthiin jääkärii ja kokkoojii. Het pyyđethiin elläimii, linttui ja kallaa, ja het kovothiin marjoi, sienii ja linnunmunnii.
Maanpruukirevolusuuni
Nuoin 10 000 vuotta aikkaa ihmiset alethiin asumhaan enämen pyssyyvästi. Se tapattui aloila Keski-Öystässä ja Niili-joven ympärillä Aafrikassa. Het alethiin kylvämhään maata eikä het silloin tarvinheet siirttyyt sen tähđen ette het olis löytänheet ruokkaa. Het olthiin ensimäiset jokka muutethiin luonolisen maiseman siksi mitä met kuttuma kulttuurimaisemaksi. Se oon maisema missä ihmiset käytethään luonttoo ruvan ja raaka-ainheitten hankkimisheen.
Koko tätä prosessii met kuttuma maanpruukirevolusuuniksi.
1 / 3
Hvete
Ittepärjäämisestä kauppamaanpruukhiin
Aina kiini 1700-luvule saakka kylvethiin pääassiissa omale perheele. Met kuttuma tätä ittepärjäämiseksi.
1800-luvula met saima masiiniita ja paremppii tykötarpheita. Silloin produseerathiin enämen ko mitä itte tarvithiin, ja silloin saatethiin myyđä tahi vaihettaat ruokkaa muitten kans. Tätä kuttuthiin kauppamaanpruukiksi.
Silloin ko saathiin paremat masiinit ja tykötarpheet, tarvithiin vähemän ihmissii työhön. Köyhissä maissa triivathaan ushein maanpruukkii siihen laihiin ko entisheen aikhaan, ja silloin tarvithaan monta työhön niin ette saađhaan kylvätyksi nokko ruokkaa.
Grønnsaker
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
