Luonto- ja kulttuurimaisemat

Maisemaa jota ihmiset ei ole muuttanheet, kuttuthaan luontomaisemaksi. Tässä se oon vain maan sisäset ja ulkoset voimat jokka haamustavat maisemaa. Sisäset voimat saattavat olla maanjyristykset ja vulkaanitten ulospuhalukset. Ulkoset voimat oon sää ja tuuli.

Maisemaa jota ihmiset oon muuttanheet, kuttuthaan kulttuurimaisemaksi. Tästä löytyy viljeltyä maata, huonheita ja teitä. Kaikki kaupungit oon kulttuurimaisemat.

Forrige avsnitt

1 / 2

Neste avsnitt
Vulkanutbrudd
Vulkanutbrudd

Pakkashalkeaminen

Sää ja tuuli muuta maapintaa hithaasti. Sää ja hieta hiovat vaaraa, suunile samhaan laihiin ko met hioma hietapaperia puupalasta vasten. Jos vesi jäähtyy kallionhalkeamassa, se paisuu. Sillon lohkeaa pieniä palasia kalliosta. Tätä kuttuthaan pakkashalkeamiseksi.

Aurinkohalkeaminen

Ko aurinko lämmittää kiven, se paisuu. Ko tullee kylmä, kivi vettäytyy. Lopulta se halkeaa pienemiksi osiksi. Tätä kuttuthaan aurinkohalkeamiseksi.

Sitä ette palasia lohkeaa vaarasta ja sää ja tuuli kujettavat net pois, kuttuthaan erosuuniksi.

Laksot

Joet ja ojat kaivavat ittensä vähitellen kivhiin ja saattavat luua laksoja. Tämä viepi aikaa, mutta met saatama nähä sen maisemissa V-laksoina.

Jäätiköt haamustavat kans maisemaa. Ko net liikkuvat, net vievät myötänsä irtokiviä ja hiovat pintaa. Sen met saatama nähä U-laksoina.

Forrige avsnitt

1 / 3

Neste avsnitt
Birkedalsbreen
Birkedalsbreen

Luonto- ja kulttuurimaisemat Norjassa

Østlandetissa, Trøndelagissa ja Jærenissä oon maisema joukon tasanen. Täälä ihmisen oon helppo viljelä maata. Tämä oon tyypilinen kulttuurimaisema.

Mettä

Noin kolmasosa Norjasta oon mettää. Osa tästä tullee kulttuurimaisemaksi ko met hakkaama puita. Met emmä piä mettää vain sillon ko met hakkaama puita, mutta kans ko met käymä mukala.

Bærtur
Bærtur

Vaara-alat

Norjassa oon monta vaara-allaa. Monissa paikoissa ihmiset oon rakentanheet hyttiä, hihtaamarustinkia ja patoja, ja pitänheet eläimiä laitumilla. Tämän tähen oon suuret vaara-alat oon kans tullu kulttuurimaisemiksi.

hardangervidda
hardangervidda

Rannikko

Pitkin rannikkoa oon monta saarta ja holmia. Holmissa assuu harvoin ihmisiä. Monissa paikoissa vuonot leikkautuvat kans syväle maahan. Iso jäätikkö oon kaivanu lakson jonka hiljemin meri oon täyttäny. Mailman pisin vuono oon Sogninvuono Vestlandetin fylkissä.

Utsikt fra preikestolen
Utsikt fra preikestolen

Luontoaloitten suojeleminen

Se oon tärkeä suojela meän luontomaisemia. Met tarvittemma luontoa jossa ei ole asutusta, hihtaamahissiä tahi tuulimyllyjä. Sen tähen meilä oon kansalistarhaita joissa kukhaan ei saa muutela luontoa.

Muissa paikoissa oon luontoreservaattia. Sielä oon maholisesti kasvia tahi eläimiä jokka oon rauhoitettu. Tämä meinaa ette niitä eläimiä ei saa pyytäät ja ette niitä kasvia ei saa poimiat.

Meilä oon oikeus kulkeat vaphaasti kaikissa ulkokentissä. Ulkokentät oon aloja joita ei ole viljelty tahi aiattu. Sisäkentät oon laitun- ja viljelysaloja tahi kartanoita.

Miksi ei saa jätä mithään muuta ko jalanjälkiä luonthoon?

Forrige avsnitt

1 / 2

Neste avsnitt
Naturreservat skilt forran en fjord
Naturreservat skilt forran en fjord

Kalttiit:

  • Bryhni, Inge: erosjon i Store norske leksikon på snl.no. Hentet 17. februar 2022 fra https://snl.no/erosjon
  • Toldnæs, Jens Petter; Lundberg, Anders: nasjonalpark i Store norske leksikon på snl.no. Hentet 17. februar 2022 fra https://snl.no/nasjonalpark
  • Frislid, Ragnar: naturreservat i Store norske leksikon på snl.no. Hentet 17. februar 2022 fra https://snl.no/naturreservat

Kuvan ja videon oikeudet:

  1. Getty images
  2. Getty images
  3. Getty images
  4. Getty images
  5. Getty images
  6. Getty images
  7. Getty images
Close Icon

Loading...