Mailman issoin biblioteekki!

Sie olet harjaintunnu hakemhaan internetistä — mailman issoimasta biblioteekista. Sie saatat helposti löytäät ulos mitä mailmassa tapattuu.

Mutta kunka het pärjäthiin ilman internettiä entisheen aikhaan? Kunka het löyethiin vastauksia?

Stor gammel bokhylle med mange gamle bøker.
Stor gammel bokhylle med mange gamle bøker.

Saapi informasuunia

Entisheen aikhaan opithiin uusia asioita siihen laihiin ette joku muisteli histoorioita. Hiljemin net kirjotethiin alas. Kirjoja laitethiin tyhä vähän sen tähen ko se oli tyyristä ja vei paljon aikaa. Kirjat olthiin arvokkhaat. Se oli tyhä harva joka osas lukeat ja kirjottaat. 

Sokrates ei tykäny kirjotetuista tekstistä

Tiesitkö sie ette viisas kreikkalainen filosofi Sokrates ei tykäny kirjojasta? Hän meinas ette se olis vaikea ymmärtäät tekstiä ilman apua. Piian met emmä kykenis ennää kuuntelemhaan tahi puhumhaan yhessä, ja meän kyky muistaat kuolis pois? Oonko se sen tähen ette häneltä ei ole jääny kirjotetuita kaltioita?

Siitä oon 2500 vuotta aikaa ko Sokrates eli. Hänen ajatukset olthiin joksiki viekkhaat. Kuitenki meilä oon pikkusen sama probleemi tääpänä. Met löyämä netistä paljon semmosta mistä emmä ole sikkarit. Tarvittemmako met itte asiassa opettajiita? Eli saatamako met ymmärtäät ja arvioia kaiken informasuunin kriittisesti ihan itte?

Forrige avsnitt

1 / 2

Neste avsnitt
Klassisk statue av Sokrates sittende fra siden
Klassisk statue av Sokrates sittende fra siden

Leksikoni jokhaisessa koissa

Joitaki vuosikymmeniitä sitte löytyi vastaus biblioteekista. Ja kohta kaikila oli leksikoni – kirjat joissa oli informasuunia lähes kaikesta. Sanat olthiin oornattu alfabeettisesti. Usheimat ihmiset uskothiin ette se mitä seisoi leksikonissa oli tosi ja oikhein. Mutta oliko oikeastansa näin?

Tääpänä oon internetti mailman suuriin biblioteekki. Leksikoni antoi sinule yhen vastauksen. Internetti antaa sinule miljuunia vastauksia. Se oon haastet ette joka minutti sinne lastathaan enämen.

Forrige avsnitt

1 / 2

Neste avsnitt
En datamaskin står foran bokhyller
En datamaskin står foran bokhyller

Informasuuni oon valtaa

Informasuuni antaa valtaa. Jokku esivallat sensureeraavat ja valittevat mitä väki saapi tietäät. Het sulkevat internetin kokonhansa tahi osittain.

Jokku ymmärtävät ette johtajat oikeastansa sensureeraavat uutissia. Se saattaa johtaat suurhiin protesthiin ja pahimassa taphauksessa sothaan. Johtajat saattavat päättäät ette het sulkevat sosiaaliset meediat. Se estää sen ette väki jakkaa tietoa tahi plaanaa kapinaa.

Forrige avsnitt

1 / 2

Neste avsnitt
Luje enämen sensuurista
En mann sitter foran en pc-skjerm som viser ordet Blocked i rødt
En mann sitter foran en pc-skjerm som viser ordet Blocked i rødt

Informasuunin kultakruuva?

Ko sinula oon kirja käessä, niin sie saatat helposti nähä kunka monta sivua kirjassa oon, eikö niin?

Jos sie haet netistä, oon se kohta mahoton tietäät koska sivut loppuvat. Lenkit johtavat meät uusile sivuile ja uushiin artikkelhiin. Se ottaa paljon aikaa ja saattaa tuntuat valtavalta.

Sie saatat helposti hukkuat siihen mitä käskemä informasuunin kultakruuvaksi. Sen tähen se oon tärkeä ette opima löytämhään sen mitä met haema.

Internetti oon täynä informasuunia. Met saatama pittäät paljon aikaa hakemisheen. Sillon se oon ineffektiivistä. Met häyymä oppiat pitämhään sitä effektiivisesti.  Sulla ei saata olla moolina se ette pääset läpitte mailman issoiman biblioteekin!

Forrige avsnitt

1 / 3

Neste avsnitt
Mange store gullklumper som ligger på et rustikk bord.
Mange store gullklumper som ligger på et rustikk bord.

Kalttiit:

  • Moseid, Tone Eli; Redse, Torill; Gjersdal, Aud: bibliotek i Store norske leksikon på snl.no. Hentet 1. juni 2022 fra
    https://snl.no/bibliotek
  • Fossheim, Hallvard: Sokrates i Store norske leksikon på snl.no. Hentet 1. juni 2022 fra https://snl.no/Sokrates

Kuvan ja videon oikeudet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images