Mailman issoin biblioteekki!

Ossaatko kuvitella ette olis päivä ilman internettiä? Sielä saat kaiken mailman informasuunin helposti. Se oon mailman issoin biblioteekki. 

Mutta kunka het pärjäthiin ilman internettiä entisheen aikhaan? Kunka sillon löyethiin informasuunia?

Biblioteekki

Biblioteekki antaa ilmaisen pääsyn kirjhoin ja se oon paikka kaikile. Se ei ole tyhä kirjoja täälä, mutta kans filmiä, äänikirjoja, aviisiita ja paljon muita informasuunin kaltioita. Het jokka pitävät biblioteekkia saavat lukeat sielä tahi lainata kirjat myötä kothiin.

Forrige avsnitt

1 / 2

Neste avsnitt
Stor gammel bokhylle med mange gamle bøker.
Stor gammel bokhylle med mange gamle bøker.

Saapi informasuunia

Entisheen aikhaan jajethiin tietoa etheenpäin suulisesti. Pikkuhiljaa alethiin kirjottamhaan alas muisteluksia. Se oli tyyristä ja vaati aikaa. Se tehthiin tyhä vähän kirjalista tekstiä. Siksi kirjat olthiin oikhein arvokkhaat. Se oli tyhä harva joka osas lukeat ja kirjottaat. 

Sokrates ei tykäny kirjotetuista tekstistä

Mutta ei kaikki tykänheet kirjotetuista tekstistä. Kreikkalainen filosofi Sokrates oli yksi heistä. Häntä piethään viishaana miehenä, mutta hän meinas ette jos kaikki kirjotethaan alas, niin met mistanamma kyvyn kuunela ja puhuat yhessä. Kunka met saattaisimma sen mitä lujema, ilman opettajaa? Mistanammako met kyvyn muistaat jos kaiken kirjotethaan alas? Piian se oon sen tähen ette häneltä ei ole jääny kirjotetuita kaltioita.

Sokrates eli yli 2500 vuotta aikaa. Met saatama piian meinata ette Sokrateksen ajatukset olthiin viekkhaat, mutta meilähän oon jokku samat probleemit tääpänä. Kunka met itte saatama ymmärtäät informasuunin jonka löyämä netistä? Tarvittemmako met itte asiassa opettajiita? Olemako met sikkarit, ette sen mitä met lujema ja jajama toisten kans, oon totta? Meän ympärillä oon paljon informasuunia, ja met piämä arvioia kriittisesti sitä mitä met lujema.

Forrige avsnitt

1 / 2

Neste avsnitt
Klassisk statue av Sokrates sittende fra siden
Klassisk statue av Sokrates sittende fra siden

Leksikoni jokhaisessa koissa

Joitaki vuosikymmeniitä aikaa lainathiin kirjoja biblioteekista jos olit tiionankara. Kohta joka koissa oli leksikoni. Se oon iso kirja missä oon alfabeetin jälkhiin oornatut hakemasanat. Se oon hyvä tietokaltio. Jos halusit tietäät jotaki, saatoit kattoat sen leksikonista. Usheimat ihmiset uskothiin ette se mitä seisoi leksikonissa oli tosi ja oikhein. Mutta oliko oikeastansa näin?

Tääpänä oon internetti mailman suuriin biblioteekki. Joka minutti lastathaan ylös enämen. Se oon haastet. Leksikoni antoi yhen vastauksen, mutta nyt met saama internetissä miljuunia treffiä. Helpoimatki kysymykset antavat ushein ison määrän vastauksia.

Forrige avsnitt

1 / 2

Neste avsnitt
En datamaskin står foran bokhyller
En datamaskin står foran bokhyller

Informasuuni oon valtaa

Informasuunin sautettavuus antaa valtaa. Esivallat joissaki maissa sulkevat osittain tahi kokonhaan internetin väjeltä. Se meinaa sitä ette het valittevat mitä väki saapi tietäät ja mitä ei.

Ko ihmiset ymmärttäävät kunka johtajat oikeastansa sensureeraavat uutissia, saattaa tulla protestiita. Tämä saattaa johtaat revolusuunhiin ja sothiin. Johtajat ei halluu ette ihmiset jakavat sen tahi pitävät sosiaalisia meedioita kapinan plaanaamisheen.

Forrige avsnitt

1 / 2

Neste avsnitt
Luje enämen sensuurista
En mann sitter foran en pc-skjerm som viser ordet Blocked i rødt
En mann sitter foran en pc-skjerm som viser ordet Blocked i rødt

Informasuunin kultakruuva?

Ko piämä kirjaa käessä, saatama helposti nähä kunka monta sivua met piämä lukeat. Ko haema netistä, oon se kohta mahoton tietäät koska olema valmhiit. Nettilaioila oon lenkkiä jokka johtavat meät etheenpäin uushiin laitthoin missä oon uusia artikkeliita. Se ottaa paljon aikaa ja saattaa tuntuat valtavalta.

Kaikki informasuuni minkä met löyämä, oon kultakruuva, mutta samala se oon uhka ette met hukuma suurheen määrhään tekstiä. Sillon oon tärkeä ette opima löytämhään sen mitä met haema.

Met häyymä oppiat pitämhään internettiä effektiivisesti, siksi ko se löytyy suuri määrä informasuunia sielä. Jos met piämä internettiä ineffektiivisesti, niin met piämä paljon aikaa hakemisheen. Internetti oon mailman issoin biblioteekki. Sie et koskhaan pääse läpitte kaikkea. Jos se oon sulla moolina, niin et sauta sitä!

Forrige avsnitt

1 / 3

Neste avsnitt
Mange store gullklumper som ligger på et rustikk bord.
Mange store gullklumper som ligger på et rustikk bord.

Kalttiit:

  • Moseid, Tone Eli; Redse, Torill; Gjersdal, Aud: bibliotek i Store norske leksikon på snl.no. Hentet 1. juni 2022 fra
    https://snl.no/bibliotek
  • Fossheim, Hallvard: Sokrates i Store norske leksikon på snl.no. Hentet 1. juni 2022 fra https://snl.no/Sokrates

Kuvan ja videon oikeudet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images