Meiđän kaunis mailma – Amerikka

Meiđän mailmassa oon paljon jännittääviitä paikkoi.

Tässä artikkelissa sie saat opastuut 10 erikoisen paikan kans Amerikassa.

Las Vegas
Las Vegas

1. Vaphauđenpattas | USA

Vaphauđenpattas seissoo saarela New Yorkin ulkopuolela.

 

Jos sie otat lautan saarele, sie saatat nähđä sen likeltä käsin.

 

Pattas oon melkhein 100 meetterii korkkee.

Sie saatat mennä trappui ylös huipule. Sielä oon sijjaa tyhä kahđeletoista persoonalle kerrala.

Pattas oli skenkki Franskalta USA:le. Sen paljastethiin vuona 1886.

Vaphauđenpatthaan oikkeessa käđessä oon fakkeli ja vasemassa taulu. Nämät oon symboolit siitä ette kaikila oon oikkeus elämhään vaphauđessa.

Forrige avsnitt

1 / 3

Neste avsnitt
Frihetsstatuen New York
Frihetsstatuen New York

2. Machu Picchu | Peru

Machu Picchu oon kaupunki täynä raunioita Perussa. Inka-kansa asui sielä sattoi vuossii aikkaa.

Kaupungin löysi Hiram Bingham vuona 1911.

Inka-kansa oli rikas ja mahtaava.

Het rakenethiin Machu Picchun 1400-luvula.

Vuona 1532 spanskalaiset vallathiin Inkariikin. Machu Picchun jätethiin kylmile sen jälkhiin.

Nykyjään sinne reissaa tuhanssii turistiita ette kattoot ikivanhaata kaupunkkii. Sie piđät seurata vanhaata inkapolkkuu ette pääset sinne. Polku mennee jungelin läpi vaarale mikä kohhoo 2000 meetterhiin meren pinnasta.

Sie saatat kans mennä tookila tahi bussila sinne.

Tiesitkö ette … ?

Uuđen tutkimuksen jälkhiin Machu Picchu saattaa olla vanhempi ko arkeoloogit oon luulheet.

Forrige avsnitt

1 / 4

Neste avsnitt
Machu Picchu
Machu Picchu

3. Niagaran puttoukset | Pohjais-Amerikka

Niagaran puttoukset oon giganttinen kurkkii USA:n ja Kanadan rajala.

 

Niissä oon oikkeestansa kolme eri kurkkiita: Horseshoe Falls, Amerikan Falls ja Bridal Veil Falls.

Tuhanet turistit reissaavat tämän kuulun kurkkiin tykö joka vuosi. Usheet halluuvat ottaat selfien kurkkiin eđessä.

 

Sie saatat kävelä tahi ajjaat piililä kurkkiin tykö.

Kurkkiista virttaa 2400 kubikkimeetterii vettä sekunissa.

 

Kubikkimeetteri vettä oon 1000 liitteri.

Forrige avsnitt

1 / 3

Neste avsnitt

4. Galápagossaaret | Equador

Galápagossaarila oon uniikki elävä- ja kasvielämä mitä et löyđä misthään muuvalta.

Charles Darwin sai ideen evolusuuniteoriisseen ko hän kävi saarila vuona 1835.

Saarten erityiset elävät oon muun myötä galapagospingviini, meri-iguaani ja linttui millä oon siniset jalat.

 

Saaret oon saanheet nimen elefanttikilpielävän jälkhiin mikä assuu sielä. Kilpielävä oon spanskaksi galapagos.

Krystallinkirkkhaassa meressä ellää yli 2900 lajjii. Saaret oon siksi hyvin populääri sukalttaajiitten joukossa.

 

Täälä oon lämmin ja kostee vuođen ympäri.

Forrige avsnitt

1 / 3

Neste avsnitt
Galapagosøyene
Galapagosøyene

5. Mount Rushmore | USA

Mount Rushmore oon vaikuttaava näkö. Se meni 400 työteliijältä 14 vuotta ette hakata nelje presidenttii vaarhaan.

Nämät nelje presidenttii oon tärkkeet vestamaalaisessa histooriissa.

 

Vasemalta näjemä George Washington, Thomas Jefferson, Abraham Lincoln ja Theodore Roosevelt.

Vaara oon pyhä alkupöräiskansoile jokka asuthiin Amerikassa ennen ko eurooppalaiset saavuthiin. Het meinaavat etter Mount Rushmore oon tuhonu luonon.

Tiesitkö ette … ?

Legolandissa oon oma Mount Rushmore minkä oon pykätty 1,5 miljuunasta legoklossasta.

Forrige avsnitt

1 / 4

Neste avsnitt

6. Rio de Janeiro | Brasiili

Rio de Janeiro oon se kaupunki Brasiilissa missä käyđhään enniiten.

 

Täälä oon valkkeet rannat ja korkkeet vaarat.

 

Usheimat turistit käyvät pitkälä rannala nimeltä Copacabana.

Sokkerihuippu oon kaunis 400 meetterin korkkee vaara Riossa. Sinne päässee köysibaana. Näkymä täältä oon fantastinen.

Fepruaarikuun karnivaalit oon hieno kokemus. Silloin tansathaan sambaa ja juhlithaan ympäri janturin.

Toinen hieno kokemus oon nähđä hirmuisen Kristuspatthaan. Se seissoo toisela vaaranlajela mikä oon 710 meetterii merenpinnan yläpuolela.

 

Sie piđät ensistä reisata tookila, ja sitte kävelä 220 porrasaskeletta ylöspäin ette päästä sinne.

 

Täältä ylhäältä oon fantastinen näkymä.

Forrige avsnitt

1 / 3

Neste avsnitt

7. Grand Canyon | USA

Grand Canyon oon lakso minkä Coloradon joki oon luonu. Sen seinissä näkkyy yli 40 eri maatyyppii.

 

Lakso oon liki 450 kilomeetterin pitkä.

Aurinko paistaa kesälä, mutta sielä oon kans puita mikkä tarjoovat vähäsen kalvetta.

Talvela lumi peittää lakson ja se näyttää kaunhiilta joulukortilta.

Forrige avsnitt

1 / 3

Neste avsnitt
Grand Canyon
Grand Canyon

8. Sađetmettä | Etelä-Amerikka

Amazonas oon mailman suuriin sađetmettä. Se oon suurempi ko EU ja ulottuu yhđeksheen Etelä-Amerikan maahan.

Täälä saatat nähđä tuhanssii eri elävälajjii. Sie saatat nähđä pikkuapinan keisaritamarinin, jaguaariita, krokotilliita ja roossii delfiiniitä.

Forrige avsnitt

1 / 2

Neste avsnitt
Amazonas
Amazonas

9. Las Vegas | USA

Las Vegas näkkyy kirkkhaana maapallola ko kattot alas avaruuđesta.

Kaupunki oon ko suuri tivoli, ja paljot turistit reissaavat sinne ette pelata kasinoissa.

 

Sielä oon mailmankuuluin artistiitten konserttiita ja restauranttiita eri puolilta mailmaa. Sie saatat kans ostaat fiinii vaattheita tahi pittää sommaa spassa.

 

Forrige avsnitt

1 / 2

Neste avsnitt

10. Volcán Arenal | Costa Rica

Costa Rican tulivaara Arenal oli aktiivinen vielä muutama vuosi aikkaa. Se puhalsi ulos yli 40 kerttaa päivässä.

 

Nyt se päästää tyhä savvuu ja saapi maan tärisemhään vähäsen.

Tulivaara näkkyy selvästi Volcán Arenalin kansalistarhaassa.

 

Ei saata mennä itte tulivaaran pääle, mutta sen saattaa nähđä ilmasta käsin.

Forrige avsnitt

1 / 2

Neste avsnitt
Vulkanen Arenal
Vulkanen Arenal

Lähtheet:

  • 101 steder du må oppleve (før du dør) (2020)
    Orage Forlag AS
  • Siverts, Henning; Opsvik, Tor: Inkariket i Store norske leksikon på snl.no.
    Hentet 2021 M08 25 fra https://snl.no/Inkariket

Kuvat:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images
    11. Getty Images