Meiđän kaunis mailma – Eurooppa
Meiđän mailmassa oon lukemattomiita paikkoi jokka oon uniikkiita, mystissii ja kaunhiita. Luonto oon miljuuniitten vuossiin aikana haamustannu maisemaa meiđän ympärillä. Met ihmiset olema asettunheet tänne ja kaunistelheet maisemaa loistaavalla arkitektuurilla ja kaunhiila taiđettöilä.
Tässä artikkelissa näjemä joitaki esimerkkii Euroopasta. Sie pääset opastumhaan seittemheen erikoisheen paikkhaan Euroopassa.
1. Neuschwansteinin linna | Tyskä
Neuschwansteinin linna oon Bayernissa, Tyskässä. Se oon niin ko torniin, kierttääviitten trappuin ja klasimaalausten labyrintti. Tämä oli yksi Walt Disneyn eeventyyrilinnan ensimäisistä inspirasuunin kalttiista. Vastakohtana Disney-versuunille oon Neuschwanstein 100-prosenttisen ehta, ja sie saatatki tutkiit sen kommeita lommii ja saalii, justhiin niin ko olisit itte Tuhkapotti.
Bayernin kuningas Ludvig II kehäytti Neuschwansteinin hiljain 1800-luvula. Häntä käskethiin eeventyyrikuninkhaaksi ko hän eli fantasiamailmassa, rakasti ritarimuisteluksii ja halus rakenttaat satumaisen ritarilinnan.
Linna oon jyrkälä harjula Alppiin juurela, ja sieltä näkkee idylisele järvele. Se oon helppo tajuta miksi kuningas valitti tämän paikan ittensä unistuslinnale.
Valitettavasti kuningas ei koskhaan ennättänny nähđä linnaa täysin valmhiina. Hän oli käyttäny aivan liikkaa rahhaa ko hän rakensi monnii linnoi ja hänen panthiin pois kuninkhaan virasta.
Hiljemin hänen ja hänen lääkärin löyđethiin hukkunheena. Jokku väittäävät ette oli kyset ittemurhasta. Toiset meinaavat ette se oli murha.
Neuschwansteinin aukaisthiin publikumile rahan hankkimista varten niin ette linnan saatettais rakenetuksi valmhiiksi. Nykyisin linna oon fantastinen perintö kuninkhaasta.
1 / 3
Neuschwanstein slott i Tyskland
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
