Mitä biiliile tapattuu ko net kuoleevat?
Katto ympärillesti klassilomassa. Näjetkö jotaki jonka oon tehty metallista? Piian sinun pultin jalat oon metallii? Tahi toolinjalat? Piian klassiloman oven hontaakit oon metallii? Se metalli oon piian vanhaasta biilistä. Nyt met näytämä sinule kuinka metallii vanhoista biiliistä saattaa kierättäät uusiksi assiiksi.
Et klasserom der vi ser bena til n oen elever og stolene de sitter på.
Ko biiliistä tullee kelvottomat
Norjassa oon reekeliitä siitä ette kaikki vanhaat ja pillaantunheet biilit häyđythään kierättäät. EU ja Norjan esivallat päättänheet tämän. Het jokka laittaavat biilii, häyttyyvät nouđattaat näitä reekeliitä. Muutoin het ei saa myyđä biilii Norjassa.
Parkeringsplass med veldig mange biler sett ovenfra.
Miksi kierätämmä biilii?
Ajatteletko sie ette vanhaat biilit saavat tyhä ruostuut pois? Se oon joka taphauksessa huono idea. Se oon paljon parempi pittäät assiita uuđesti. Luonossa oon paljon mitä saatama kuluttaat lopphuun. Esimerkiksi metallit. Siksi met käskemä niitä rajalisiksi resursiiksi.
Sirkulääriökonomia
Sirkulääriökonomia meinaa sitä ette meiđän tavarat häyttyyvät kestäät kauvoin ennen ko met tehemä jotaki uutta. Ko tavarat menneevät pilale, met piđämä korjata net tahi pittäät niitä johonki muuhun.
YK:n kantamavoimamoolit
YK oon ottanu mooliksi pittäät maapallosta paremppaa huolta. YK:n moolii käskemä kantamavoimamooliksi. Kohta 200 maata oon YK:n jäsenennä. Nämät tekkeevät yhtheistyötä niin ette topathaan köyhyyđen, ryötyttämisen ja eläviitten hävittämisen. Ko met piđämä metallii uuđesti, met olema myötä auttamassa YK:ta sauttamhaan moolit.
1 / 3
Bil som står og ruster bort i skogen.
Vähäsen niin ko flaskuin panttaaminen
Norjassa biiliilä oon romupantti, ja se oon ollu voimassa vuođesta 1978 saakka. Tämä toimii vähäsen niin ko flaskuin panttaaminen. Sie saat jotaki takaisin jos sie leveeraat jotaki kierätyksheen. Vuona 2022 saavat kaikki 3000 kruunuu sen eđestä ette het leveeraavat oman biilin kierätyksheen.
Miljuunii biilii
Joka vuosi kovothaan liki 140 000 biilii kierätyksheen Norjassa. Met olema mailmanmestarit flaskuin panttaamisessa. Piian meistä saattaa tulla mailman parhaat biiliin kierättämisessä kans?
1 / 2
Biilitoimihaara otti vastuun!
Se oli biilitoimihaara itte joka otti vastuun vanhoin biiliin kierättämisesestä. Het perustethiin Autoretur AS:n vuona 2007. Sinne met saatama leveerata meiđän biilit jossa net kierätethään. Autoretur pystyy kierättämhään yli 97 prosenttii jokhaisesta biilistä!
Biiliinhakkaamot hajoittaavat biilit oshiin
Norjassa oon yli 140 paikkaa jokka ottaavat vasthaan romubiilii. Näitä paikkoi käskethään ushein biiliinhakkaamoiksi. Het jokka työteleevät sielä, oon mekaanikkerit, lastibiilinkuljettaajat ja kaivamamasiininkuljettaajat.
Vaaraliset jätökset poistethaan
Biiliinhajoittamispaikassa poistethaan kaikki vaaraliset jätökset biiliistä: batterit, öljyt, prämssiainheen, bensiinin, dieselin ja airconditionainheen. Kaikki tämä saattaa vahingoittaat luonttoo jos se tyhä valluu ulos.
Biilinrenkhaista räjhäätysmatoiksi
Biiliinhajoittamispaikassa poistethaan batterit sähköbiiliistä. Net poistaavat kans kummirenkhaat kaikista biiliistä. Joistaki kummin osista tehđhään räjättysmattoi. Niitä piđethään ko räjhätethään pois vaaran tahi pahđan. Matot estäävät ette irtonaiset kivet ei lennä joka suunthaan. Mihin muuhun vanhoi biilinrenkhaita saatethaan pittäät?
1 / 3
Store mengder bildekk som ses ovenfra.
Biilit murskathaan!
Jälkhiin ko biilistä oon poistettu vaaraliset ja myrkyliset assiit, biilin litistethään. Sen jälkhiin litistetyt biilit lähätethään fabrikille missä net revithään kappalheiksi. Näitä faprikkiita käskethään hajoituslaitoksiksi.
Biilistä metallitomuksi!
Tässä filmissä met näjemä biilin koko matkan alusta lopphuun hajoituslaitoksella. Hajoituslaitoksella biilin katkaisthaan ja revithään pienemiksi ja pienemiksi osiksi. Lopulta oon tyhä pikkuossii ja metallitommuu jäljelä.
Käytetystä metallista luođhaan uussii tavaroita
Met löyđämä metallii kruuvista jokka oon syvälä maan alla tahi vaaran sisälä. Tämmöiset kruuvat oon ushein haitaliset miljööle. Niin ette met saatama pittäät sitä metalliita niin ko met halluuma, met häyđymä ushein sekoittaat niitä jonku kans. Tätä käskethään lejeeringiksi.
Romumetalli oon jo lejeerattu
Romumetallin oon jo lejeerattu. Siksi oon paras pittäät tätä uushiin tinkhoin. Silloin met emmä tarvitte louhiit uutta metallii koko aijan.
1 / 2
Oversiktsbilde av en gruve i goldt landskap.
Huilaava metalli anttaa uutta elämää
Katto vielä kerran sinun pultin alle. Pultin jalat oon sikkaristi tehty valamossa. Valamossa tehđhään tavaroita sulatetusta ja huilaavasta metallista. Meilä oon monta valamoo Norjassa.
Jokku valamot pittäävät romubiilin alumiinii ko het tekkeevät uussii tavaroita. Muun myötä uussii biilinossii ja toolinjalkkoi. Toiset valamot pittäävät romumetallii ko het tehđhään rauđoitusterästä. Tätä piđethään ko valethaan jotaki betonkhiin. Esimerkiksi terassin armeerinkirauđat laitethaan silloin betonkhiin niin ette se kestää paremin.
Ulefosissa, Telemarkissa tehđhään kaivonkanssii rauđasta ja teräksestä jota het saavat romubiiliistä. Toiset rautavalamot pittäävät romumetallii josta het tekkeevät uunii, pattoi, lyhtytolppii, kauppakorrii, tuulimyllyi, telttatankkoi, grillii ja sykkeliitä.
1 / 3
Melkhein koko biilin piđethään uuđesti
Met häyđymä kierättäät vähhiinthään 95 prosenttii jokhaisesta romubiilistä. Tätä met käskemä kierätysgraadiksi. Norjan kierätysgraadi oli 97,8 prosenttii vuona 2021.
📷 Graafi jossa kierätysgraadi näkkyy. Autoretur AS.
Graf som viser gjenvinningsgraden fra 2007 til 2021.
Sähköbiilitki häyttyy kierättäät
Sähköbiilit oon vallan populäärit, ja yhä usheemat ostaavat niitä. Ei mishään muussa maassa ole yhtä monta sähköbiilii per asukas ko Norjassa. Yksi kymmenestä biilistä oon sähköbiili. Mutta nämät biilit häyđymä kans kierättäät, mutta vähäsen eri laihiin ko muut biilit.
Batteriitten kierätys
Sähköbiiliin batterit häyđymä kierättäät erityisheen laihin. Batteriretur pittää huolen tästä Norjassa. Metallii ja plastikkii sortteerathaan ja kierätethään tavalisheen laihin. Batterisellit jossa sähkö oon lakrattu, lähätethäät spesiaalifaprikiile.
1 / 2
Rød el-bil som står til lading.
Karanteeni
Ko sähköbiilin leveerathaan kierätyksheen, sen batterit tarkistethaan siinä samassa. Sähköbiilin laitethaan ulos seisomhaan pari päivää niin ette saatethaan kattoot ettei batterit ole pilala. Met käskemä tätä karanteeniksi.
Erityiskoulaus
Jos batterit ei ole pilala, net tyhvenethään. sähköstä Batteriissa oon niin paljon sähköö ette se saattaa tappaat ihmisen. Siksi tarvithaan erityisen koulauksen ette saapi työtelä tämän kans.
Harvinaiset metallit
Batteriselliin sisälä oon harvinaissii metalliita jokka maksaavat hirmu paljon. Usheissa maissa oon faprikkiita jokka kierättäävät nämät harvinaiset metallit niin ette niitä saatethaan pittäät uuđesti.
1 / 3
Medarbeider jobber med å demontere elbilbatterier.
Ajattele mitä kaikkee kierätysmetallista oon tehty!
Se oon aivan fantastista ette met saatama kierättäät kohta 100 prosenttii meiđän vanhoista biiliistä. Sillä tavala tehđhään suuren panoksen miljöön hyväksi. Ja tässä saattaavat kaikki biilinomistaajat olla myötä.
Yhtheistyössä työtelheet:
Kalttiit:
- autoretur.no (17.06.2022): https://autoretur.no/
- LOOP – Stiftelsen for Kildesortering og Gjenvinning; Lystad, Henrik; Nordal, Ola: gjenvinning i Store norske leksikon på snl.no. Hentet 14. juni 2022 fra https://snl.no/gjenvinning
- regjeringen.no (17.06.202): Klima- og miljødepartementet
https://www.regjeringen.no/no/dep/kld/id668/
- skatteetaten.no (17.06.2022): Vrake bil og andre kjøretøy
https://www.skatteetaten.no/person/avgifter/bil/vrake/
- ssb.no (17.06.2022): Avfall frå samferdsel
https://www.ssb.no/natur-og-miljo/avfall/artikler/avfall-fra-samferdsel
- regjeringen.no (17.06.2022): Norge er elektrisk
https://www.regjeringen.no/no/tema/transport-og-kommunikasjon/veg_og_vegtrafikk/faktaartikler-vei-og-ts/norge-er-elektrisk/id2677481/
Kuvat ja videot:
-
-
Autoretur Skolerom
-
Autoretur Skolerom
-
Getty Images
-
Getty Images
-
Getty Images
-
Getty Images
-
Getty Images
-
NG-metall
-
Getty Images
-
Getty Images
-
Autoretur AS
-
Autoretur Skolerom
-
Autoretur Skolerom
-
Autoretur Skolerom
-
