Vapaaehtosuus

Sanassa «vapaaehtonen» oon kaksi sannaa: vapaa ja ehtonen. Ko sie työtelet vapaaehtosesti, niin sie et saa palkkaa. Minkä tähen niin monet sitte valittevat työtelä vapaaehtosesti?

Oma vuosi ja oma päivä

Vapaaehtosuus oon saanu oman päivän. Se oon 5. desemperikuuta. Sillon jaethaan palkinon ihmiselle tahi yhistyksele joka oon tehny erityisen hyvän vapaaehtosen työn. 

Palkinon nimi oon Vapaaehtosuuspalkinto.

Miksi vapaaehtosuus oon tärkeää?

YN:n tärkein mooli oon luua rauhaa mailmhaan. Vapaaehtonen työ saattaa vaikuttaat siihen ette ihmiset oon ystävät toistensa kans ja auttavat toinen toista. Vapaaehtosuus saattaa luua pareman mailman!

Vapaaehtosuuspäivän moolit oon:

    1. Saaha enämen ihmisiä työtelemhään vapaaehtosesti.
    2. Luua vapaaehtosta työtä useammassa paikassa.
    3. Saaha useampia ymmärtämhään vapaaehtosen työn arvon.
Forrige avsnitt

1 / 3

Neste avsnitt
Fargerike armer av papir strekker seg mot jordkloden i midten.
Fargerike armer av papir strekker seg mot jordkloden i midten.

Höh? Tehä ilmasta työtä?

Jos sie tehet jonku työn, niin sie sikkaristi haluat kans palkan? Ko sie saat palkaksi skenkkiä tahi palveluksia, kuttuma sitä vaihetussamfynniksi. Esimerkiksi jos sie leikkaat ruuhon minule, niin mie saatan sinun puolesta ruokkiat sinun kissan.

Miksi pitäisimmä työtelä vapaaehtosinna?

Monesti met ootama ette saama makson ko työtelemmä. Minkä tähen met sitte pitäsimmä työtelä vapaaehtosenna?

Forrige avsnitt

1 / 2

Neste avsnitt
Nærbilde av en gressklipper som klipper gress.
Nærbilde av en gressklipper som klipper gress.

Muunlainen palkkio

Ko sie työtelet vapaaehtosenna, saat toisenlaisen palkkion. Se saattaa olla hyvä tunnet, onnistumisen kokemus, ilo tahi yhtheisöllisyys.

Altruistinen – tyhä ajatella muita?

Ko sie panet toisten tarpheet sinun omitten tarpheitten eele, niin sie toimit altruistisesti.

Egoismi – tyhä ajatella itteänsä?

Altruismin vastakohta oon egoismi. Egoisti ajattellee tyhä itteänsä.

Forrige avsnitt

1 / 3

Neste avsnitt
Ung gutt dytter en bil.
Ung gutt dytter en bil.

Se oon helppo tulla myötä!

Se oon monta tappaa kunka sie saatat työtelä vapaaehtosenna. Sie saatat tehä sen yksin tahi yhessä toisten kans. Sie saatat mellata ittesti tänne:

    • vapaaehtoset organisasuunit
    • interessiorganisasuunit
    • ideeliset organisasuunit

Mikä oon vapaaehtonen organisasuuni?

Vapaaehtonen organisasuuni oon joukko ihmisiä jokka tekevät jonku työn toisten etheen. Organisasuuni ei tienaa rahhaa, mutta saattaa saaha tuloja omilta jäseniltä tahi sponsorilta.

Ideeli organisasuuni

Ideelin organisasuunin moolina oon auttaat toisia. Organisasuuni ei tienaa rahhaa auttamistyöstä.

📷  Pelastuskoira ja Punasen Ristin vapaaehtoset työtelijät.
Forrige avsnitt

1 / 3

Neste avsnitt
To personer og en hund som redder noen i snøen.
To personer og en hund som redder noen i snøen.

Vapaaehtosuuen sentraali

Vapaaehtosuussentraali jakkaa tehtäviä vapaaehtosille. Norjassa meilä oon 478 sentraalia. Net työtelevät siksi ette kaikki jokka haluavat olla vapaaehtoset, saavat maholisuuet siihen.

Ung jente pakker matkasser til trengende.
Ung jente pakker matkasser til trengende.

Parempi samfynni

Vapaaehtosta työtä ei mitata kruunuissa ja äyrissä, mutta ko sie työtelet vapaaehtosenna ja autat ihmisiä, olet sie myötä luomassa pareman samfynnin.

Selvät sopimukset

Jos sie työtelet vapaaehtosesti, oon se viisasta sopiat siitä. Net joile sie tehet työn, häytyvät tietäät ette het ei tarvitte maksaat työstä. Mutta se oon aina mukava saaha kiitoksen!

Forrige avsnitt

1 / 2

Neste avsnitt
Et par bærer en sofa opp en trapp.
Et par bærer en sofa opp en trapp.

Kalttiit:

  • Tjønneland, Eivind; Sagdahl, Mathea Slåttholm: altruisme i Store norske leksikon på snl.no.
    Hentet 21. januar 2022 fra https://snl.no/altruisme

Kuvan ja videon oikeudet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
Close Icon

Loading...