Luonto- ja kulttuurimaisemat
Maisemaa jota ihmiset ei ole muuttanheet, kuttuthaan luontomaisemaksi. Luontomaisemissa vain maan sisäset ja ulkoset voimat muokkailevat maisemaa. Sisäset voimat oon muun myötä maanjyristykset ja vulkaanitten ulospuhalukset. Ulkoset voimat oon esimerkiksi sää ja tuuli.
Maisemaa jota ihmiset oon muuttanheet, kuttuthaan kulttuurimaisemaksi. Kulttuurimaisema saattaa olla ala jonka oon viljelty, tahi jonne oon rakenettu huonheita ja teitä.
Industriellin revolusuunin jälkhiin monet siirythiin kylistä kaupunkhiin. Kaikki kaupungit ja tivispaikat oon kulttuurimaisemat.
1 / 2
Vulkanutbrudd
Pakkashalkeaminen
Ulkoset voimat ei muuta maata liika dramaattisesti ko sisäset voimat. Sää ja tuuli muuttavat maapintaa hithaasti, suunile samhaan laihin ko met hioma hietapaperia puupalasta vasten. Jos vesi jäätyy kallionhalkeamassa, se paisuu. Sillon lohkeaa pieniä palasia kalliosta. Sitä kuttuthaan pakkashalkeamiseksi.
Aurinkohalkeaminen
Jos aurinko lämmittää kiveä jatkuvasti päivän aikana, ja yölä oon kylmä, niin se kivi paisuu ja alkaa sitte vettäytymhään. Lopulta se halkeaa pienemiksi osiksi. Tätä kuttuthaan aurinkohalkeamiseksi.
Tuuli ja vesi kuljettavat myötänsä semmosia irtanaisia kiven ja mineraalitten palasia etheenpäin. Sitä ette palasia lohkeaa ja valluu pois, kuttuthaan erosuuniksi.
Laksot
Joet ja ojat kaivavat ittensä vähitellen kivhiin ja saattavat luua laksoja, holoja ja luolia. Tämä viepi aikaa, mutta met saatama nähä sen maisemissa V-laksoina. Jäätiköt haamustavat kans maisemaa. Ko net liikkuvat, net vievät myötänsä irtokiviä ja hiovat pintaa. Sen met saatama nähä U-laksoina.
1 / 3
Birkedalsbreen
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
