Opastu toishiin paremin
Se ette tunnet joitaki muita ja ettet ole yksin, oon tärkkeetä sinule ja jokhaiselle muuleki. Mutta miksi se oon näin? Ja kuinka sie saatat opastuut paremin niihin ihmishiin kukka oon sinun ympärillä?
Opastuminen toisten kans …
… oon itte assiissa kovin tärkkeetä meile ihmisille. Tiesitkö ette sie aloit sittoontumhaan sinun likimäishiin jo vastasyntynheenä? Ensin sinun vanhiimphiin, sen jälkhiin piian sisarukshiin, isovanhiimphiin ja hiljemin ystävhiin, klassikaverhiin ja opettaajhiin.
Se ette tunnet joitaki muita ja ettet ole yksin, oon tärkkeetä sinule ja jokhaiselle muuleki. Mutta miksi se oon näin? Ja kuinka sie saatat opastuut paremin niihin ihmishiin kukka oon sinun ympärillä? Tässä tullee pari tipsii siitä.
Mor går tur ved en elv på fjellet med baby i bæresele på magen.
Tutkimuksen jälkhiin
Norjassa tutkithaan joka vuosi sitä mikä saapi meiđät norjalaiset voimhaan hyvin. Ylimpännä listoila oon tasan hyvät sosiaaliset suhtheet.
Tutkimukset muisteleevat ette likheiset kontaktit muitten ihmisten kans tekkee meiđät onnelisemiksi. Syy siihen oon se ette aivot tuottaavat hormoonii, seretoniinii ja dopamiinii, ko ihminen kokkee jotaki positiivista. Tämä anttaa meiđän kropile onnelisen ja rauhalisen tuntheen.
Se ette sinun ystävät ja peret tuntteevat sinun hyvin, anttaa tärkkeen turvalisuuđen tuntheen. Se oon arvokasta tiettäät ette sie merkittet jotaki muile. Se oon tärkkeetä ette sinula oon paikkoi missä saatat jakkaat ajatuksii, tuntheita ja kokemuksii toisten kans ilman ette pölkkäät ette sinun hyljäthään.
Hyvät suhtheet saattaavat vaikuttaat kans sinun ittetunthoon. Net saattaavat auttaat sinnuu ymmärtämhään sinnuu itteesti sillä ko identiteetin luođhaan kans sinun likheisten ihmisten hyväksynnän kautta.
Tutkimus osoittaa kans ette jos jouđut hankalhaan tilhaan ja saat siinä kuurttoo omilta likheisiltä, niin sie pärjäät paremin verrattunna heihin kekkä ei saa sammaa kuurttoo.
1 / 3
To par hender holder et rødt hjerte sammen.
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
