Opastu…
Tyrannosauruksheen
Tyrannosaurus oon mailman populääriin dinosauri.
Lys bakgrunn av stein
Ulkomuoto
Tyrannosaurus kulki kahđela jalala. Se saattoi kasuta 12,5 meetterin pitkäksi ja sen jarvakorkkeus saattoi olla 4 meetterii. Paino saattoi olla neljestä kahđeksheentoista tonnii.
Met luulima pitkhään ette se oli petoelävistä suuriin, mutta vuona 1993 löysimä Giganotosauruksen. Tämä oli vielä suurempi.
Tyrannosauruksela oli paljon hamphaita mikkä saatethiin olla 15 senttimeetterii pitkät.
Hamphaat saatethiin purra rikki vahvatki luut.
Tyrannosauruksela oli iso pää ja lyhykäinen, vahva ruumis.
Etujalat olthiin niin pienet ette net ei ulettunheet suuhun asti.
Sillä oli pitkät, vahvat takajalat ja sen hännässä oli 40 hännänkuuttaa.
1 / 3
Tyrannosaurus
Elämäntavat
Leukalihakset olthiin valttaavat! Tyrannosauruksela oli hirmu voimakas purema. Tämmöinen puruvoima oon tyypilinen haaskansyövilä petoelävillä. Haaskat oon kuolheet elävät mikkä oon alkanheet mätänemhään. Nykyaikhaan hyeenit oon tyypiliset haaskanelävät.
Met emmä tieđä varmasti, oliko Tyrannosaurus haaskansyöjä. Saattaaki olla ette se tappoi ittensä ruvan. Joka taphauksessa se oli niin iso ette se saattoi karkoittaat muut elävät ko se jahtas tahi söi.
Tyrannosaurus alkoi kassuumhaan isoksi ko se oli nuoin 14 vuotta vanhaa. Se oli täysraavas 18-vuotihaana ja saattoi elläät 30-vuotihaaksi.
Hamphaat kasuthiin koko sen elinaijan, ja jos sen suusta lähti hammas, se kasus takaisin.
Ainua paikka mistä met olema löytänheet Tyrannosauruksen jälkkii oon Pohjais-Amerikka. Sielä se elethiin kentilä ja aukkeissa mettissä.
1 / 3
Tyrannosauruksella oli paljon hampaita, jotka saattoivat olla 15 senttiä pitkät.
Lähtheet:
- Hoel, Ole Andreas; Delsett, Lene Liebe: Tyrannosaurus i Store norske leksikon på snl.no.
Hentet 2021 M10 18 fra https://snl.no/Tyrannosaurus
Kuvat- ja video-oikkeuđet:
-
-
Getty Images
-
Getty Images
-
Getty Images
-
