Putinin propaganta

Ryssän presidentti, Putin, oon levittänny propaganttaa pitkhään. Hän freistaa saađa ryssäläiset ja muun mailman uskomhaan ette hän häytyi hyökätä Ukrainhaan vuona 2022.

Accessibility icon Putinin propaganta

Puhhuuko kukhaan totta ko oon sota?

Saattaako siihen luottaat mitä joku sannoo sođan aikana? Tiettääkö kukhaan tottuutta?

Met käskemä propagantaksi sen ko joku freistaa saađa sinun uskomhaan jotaki, mutta muistelee tyhä oman osan histooriasta ja tyhä sen mistä se itte hyöttyy.

Se oon vaikkee tiettäät silloin mikä oon tosi ja mikä ei.

Ordet propaganda skrevet med sort tekst mange ganger på hvite papirstrimler.
Ordet propaganda skrevet med sort tekst mange ganger på hvite papirstrimler.

Putinin propaganta

Ryssän presidentti, Putin, oon levittänny propaganttaa pitkhään.

Hän freistaa saađa ryssäläiset ja muun mailman uskomhaan ette hän häytyi hyökätä Ukrainhaan vuona 2022.

Portrett av Russlands president Vladimir Putin

Paha vastustaaja

Vesta-Euroopan meediat verttaava Putinii Adolf Hitlerin kans ja sannoovat ette hän oon yksi mailman pahhiimista ihmisistä.

Näin het saavat ihmiset kuurttoomhaan Ukrainaa taistelussa Putinii vasthaan.

Nazismi Ukrainassa?

Putin sannoo ette Ukrainan johtaajat oon nazistit. Hän sannoo ette ryssäläiset häyttyyvät taistela nazismii vasthaan Ukrainassa.

Nazistit olthiin ryssäläisten suuriimat viholiset 2. mailmansođan aikana.

Kovat konstit

Sekä Ryssä ette Ukraina käyttäävät kovvii konstii ko het vaikuttaavat mailmhaan.

Mutta kuinka Putin oon käyttäny propaganttaa ko hän oon halunu puolustaat hyökkäystä Ukrainhaan?

Forrige avsnitt

1 / 3

Neste avsnitt

Pitkä propagantasota

Putin oon levittänny propaganttaa siitä saakka ko Ukrainasta tuli vapaa maa vuona 1991.

Putin meinaa ette Öystä-Ukraina kuuluu Ryssäle.

Osa asukkhaista Ukrainassa oon ryssäläiset, ja Putin sannoo ette Ukraina oon tappamassa näitä ryssäläissii.

Ukraina sannoo ette tämä oon valetta. Putin oon pitäny tätä konfliktii syynä hyökätä Ukrainhaan.

Sekä Ryssä ette Ukraina freistaavat saađa muut uskomhaan ette heiđän oma tottuus oon se oikkee.

Tätä met käskemä propagantasođaksi.

Forrige avsnitt

1 / 3

Neste avsnitt
Silhuett av en soldat foran en murvegg med fargene til Russland og Ukraina.
Silhuett av en soldat foran en murvegg med fargene til Russland og Ukraina.

Ryssä valttaa osat Ukrainasta

Vuona 2014 propagannasta tuli sota.

Ryssä otti Krimin niemimaan hallinthaan, ja Putin sanoi ette nyt se kuuluu Rysshään.

Krim oon aikaisemmin ollu osa Sovjettiunionii, mutta niemimaan liitethiin Ukrainhaan vuona 1954.

Kansanäänestys

Putin piti kansanäänestyksen Krimissä ko se halus näyttäät ette kansa halus olla osa Ryssää.

Yli 90 prosentti Krimin väjestä äänesti sen puolesta ette Krimistä tulis osa Ryssää.

EU ja USA meinathiin ette vaali oli laiton, mutta net ei saattanheet estäät sitä.

«Rauhanturvavoimat»

Vuona 2022 staatit Luhansk ja Donetsk vaphautethiin ittensä Öystä-Ukrainasta.

Putin sanoi ette niistä tullee osa Ryssää. Tämän tähđen hän meni maahan rauhanturvavoimila, niin ko hän itte kuttui niitä, suojelemhaan asukkhaita ukrainalaissii vasthaan.

Forrige avsnitt

1 / 4

Neste avsnitt
Tre stridsvogner kjører inn i en bygate med høye bygninger på hver side
Tre stridsvogner kjører inn i en bygate med høye bygninger på hver side

Kansan kuurto

Vladimir Putin oon ollu Ryssän presidenttinä yli 20 vuotta.

Kaikkina näinä vuosina hän oon käyttäny propaganttaa ko hän oon näyttäny ette hän oon hyvä johtaaja ja ette hän tekkee sen mikä oon maan parhaaksi.

Putin syyttää USA:ta

Sen jälkhiin ko Ryssä oli tukkinu ittensä Ukrainhaan, kielethiin kaikki ulkomaalaiset meediat Ryssässä, ja ryssäläiset aviisit ja uutiskanaalit saatethiin muistela tyhä sen minkä esivallat päätethiin. Ulkopuoliset ei saanheet vaikuttaat ryssäläishiin.

Ryssässä oon USA:sta tehty syylinen Ukrainan konflikthiin.

Ryssän ulkopuolela aviisit ja TV sannoovat  ette Ryssä oon tukkinu toisheen maahan, ja tällä maala,eli Ukrainalla, oon oikkeus puolustaat itteensä.

Uuđet ryssäläiset opetusplaanat

Kevväilä 2022 saathiin kaikki oppilhaat Ryssässä uuđen faakin tiimaplaanhaan. Heilä oon joka viikko keskustelut siitä «mikä oon tärkkeetä».

Oppilhaile muistelhaan ette Ukrainan sota oon esimerkki ehđasta rakkhauđesta Ryssän kanshaan, ja ette het pittäävät aina olla valmhiina kuolemhaan oman maan puolesta.

Opettaajat saattaavat menettäät työpaikan tahi jouttuut fankilhaan jos het ei nouđata uutta tiimaplaanaa.

– Tämä oon puhđasta propaganttaa, sannoo ryssäläinen professori Inna Sangadzhieva.

– Putin freistaa vaikuttaat lapshiin niin ette het uhraavat kaiken kotimaan puolesta. Kläpit oppiivat tämän jo ensimäisinä kouluvuosina.

Forrige avsnitt

1 / 4

Neste avsnitt
Knyttneve malt i fargene til Russland slår en flat hånd malt med fargene til Ukraina.
Knyttneve malt i fargene til Russland slår en flat hånd malt med fargene til Ukraina.

Ei mithään pölättäävää?

Putin esitti monnii vaatimuksii Ukrainalle, ette se saattais välttäät sođan:

  • Donetsk, Luhansk ja Krim oon ryssäläiset staatit.
  • Ukrainasta ei saa koskhaan tulla NATO:n ja EU:n jäsen.
  • Ukrainalaiset sotamiehet häyttyyvät pyssyyt kaukana Ryssän rajasta.

Jos Ukraina hyväksyis nämät vaatimukset, sen ei tarvittis pölätä mithään. 

Ukraina ei halunu hyväksyyt Ryssän vaatimuksii, ja 24. fepruaarikuuta vuona 2022 tukki Ryssä ittensä Ukrainhaan.

Forrige avsnitt

1 / 2

Neste avsnitt
Militært kjøretøy eksploderer på en gate.
Militært kjøretøy eksploderer på en gate.

Kalttiikritikki

Aviisit ja TV-uutiset muistelhaan sođista ja konfliktiista ympäri mailmaa.

Met häyđymä aina kyssyyt meiltä itteltä ko met lujema ja kuulema jotaki:

  • Kuka muistelee tämän = kalttii?
  • Miksi het halluuvat muistela tämän meile?
  • Kuinka met tieđämä ette se mitä het sannoovat oon tosi?

Kuka tahansa saattaa laittaat tiettoo tahi uutissii internetthiin. Sen tähđen se oon vaikkee tiettäät mikä oon tosi.

Lujetko sie erilaissii kalttiita internetissä? Tarkistatko sie, seissooko muissaki aviisiissa sammaa? Vai luuletko sie ette se mitä sie näjet TikTokissa oon tosi?

Lujetko sie nettiaviissiita muista maista?

Jos sie olet epäsikkari, puhu jonku kans! Silloin tet saatatta tarkistaat usheita kalttiita laakissa.

Forrige avsnitt

1 / 2

Neste avsnitt
Mobilskjerm der det står News Fake.
Mobilskjerm der det står News Fake.

Kalttiit:

  • Thuesen, Nils Petter; Paulsen, Martin; Bukkvoll, Tor; Bosoni, Jørgen G.:
    Ukraina i Store norske leksikon på snl.no. Hentet 5. april 2022 fra http://snl.no/Ukraina
  • Holm-Hansen, Jørn; Bukkvoll, Tor; Paulsen, Martin: Krim i Store norske leksikon på snl.no.
    Hentet 5. april 2022 fra https://snl.no/Krim
Forrige avsnitt

1 / 3

Neste avsnitt

Kuvat ja video:

    1. Getty Images
    2. www.kremlin.ru / Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images