Rajusää

Rajusää oon sääfenomeeni mikä oon vähäsen erilainen ja voimakkhaampi ko tavalisesti. Kunka rajusää synttyy, ja liittyykö se kliimanmuutokshiin?

Accessibility icon Rajusää

Rajusää

Rajusää oon sääfenomeeni joka oon värrempi ko tavalinen sää. Se saattaa olla äkiliset rajetiilit, vakavat tulvat ja vaaraliset kuuman sään paarot.

Usheimat tutkiijat meinaavat ette voimakkhaampi sää essiinttyy sen tähđen ko temperatuuri noussee maapallola, ja siksi säästä tullee tuhhoovampi ja voimakkhaampi.

Lyn over byen St. George
Lyn over byen St. George

Rajusään eri tyypit

Pölytormit
Pölytormit oon irtomaata minkä kova tuuli oon nostanu maasta. Siitä tullee suuri, tihhee pölypilvi.

Pölytormit saattaavat kestäät vain muutaman minutin, mutta saattaavat johtaat vakavhiin biilionnettomuukshiin.

Sandstorm
Sandstorm
Mettäpalot

Mettäpalot eli kulot syttyyvät helposti mettissä missä voimakas kuivuus ja lämpö oon kuivanheet kasvit ja puut. Mettäpalot levviivät happelasti, erittäinki jos se tuulee paljon.

Skogbrann, Colorado
Skogbrann, Colorado
Äkkitulvat
Äkkitulvat saattaavat synttyyt kovasta satheesta tahi lumen sullaamisesta.

Usheimat tulvat tapattuuvat ko suuret sađetmäärät saađhaan veđen jovessa kulkumhaan. Niitä saattaa synttyyt kans ko ullivesi tahi suuret paarot iskeevät maahan.

Oversvømmelse, Pacific Junction, Iowa
Oversvømmelse, Pacific Junction, Iowa

Rakheet

Rakheet synttyyvät ukkospilvissä. Rakheen jyvät oon ushein hernheen kokoiset, mutta niistä saattaa tulla yhtä isot niin ko golfpallot! Net saattaavat pilata maanpruukkii, murskata klassii ja jopa vahingoittaat ihmissii.

Kuinka hirmurakheet haamustuuvat?  

Näin synttyy valkkeenisku
Jos maan pinnala tullee hirmuisen kuumaa, noussee lämmeny ja kostee ilma ylös. Ko se päässee korkkeele, siitä tullee kylmempää. Korkkeuđessa ilma kylmenee, ja kosteus muuttuu jääkrystalliiksi.

Jääkrystallit tippuuvat alaspäin nousseevan, lämpimän ilman läpi. Sitte net tölmäävät ja luovat staattista elekrisiteettii.

Pilviin alapuolele tullee negatiivinen laađinki ja yläpuolele tullee positiivinen laađinki. Samhaan aikhaan maassa oon positiivinen laađinki.

Valkkee synttyy ko kaksi pilvee kohđattellee ja jännitys negatiivisten ja positiivisten laađingiitten välilä kassuu niin suureksi ette niitten välile synttyy kipenheitä.

Missä riski oon suuriin jouttuut valkkeeniskun kohtheeksi?

 

Forrige avsnitt

1 / 2

Neste avsnitt

Kuuman sään paarot
Kuuman sään paarot oon periuudit ko sää oon epätavalisen kuuma ja kostee.

Kuuman sään paarot  johtuuvat korkkeesta ilmapainosta. Ko ilmapaino oon korkkee, ilmaa veđethään ylhäältä alas maata kohđi. Tämä puristaa ilmaa yhtheen ja tekkee siitä vielä lämpimämppää.

Ilma joka työnttyy sivhuun estäät muuta säätä pääsemästä alale.

Kuuman sään paarot saattaavat kestäät usheita päivii tahi viikkoi. Ko se oon harvoin pilvii taivhaala, niin ala saapi kans paljon auringonpaistetta.

Forrige avsnitt

1 / 2

Neste avsnitt
Global oppvarming konsept
Global oppvarming konsept

Kuivuus

Kuivuus essiinttyy siksi ko se jaukkuu enämen vettä ko se sattaa vettä. Maa kuivuu, pohjavesi sokkuu ja se ei sađa. Kuivuus pillaa maanpruukkii ja luopi vaikkeuksii ihmisille kukka oon siitä henkkaavaiset.

Ørken
Ørken

Kliima muuttuu

YK:n tutkimukset muisteleevat oon se joksiki sikkari ette kuumii päivii ja öitä oon enämen ko vuona 1950.  Samhaan aikhaan oon se tullu vähemän kylmii päivii ja öitä.

YK uskoo kans ette vuođen 1950 jälkhiin oon kuuman sään paarot, hirmusatheet ja tulvat oon tulheet tavalisiksi yli puolessa niistä aloista joissa met mittaama säätä.

Ette pystyy sanomhaan jotaki varmaa rajusäästä, häyttyy meilä olla hyvät mittausstasuunit. Monissa paikoissa niitä ei ole. Siksi met saatama sannoot jotaki  tyhä niistä paikoista mistä meilä oon tiettoo.

Forrige avsnitt

1 / 3

Neste avsnitt
Ekstrem vær
Ekstrem vær

Kalttiit:

  • Ekstremvær (2015)
    Orage Forlag     AS
  • Vår fantastiske planet (2017)
    Orage Forlag AS

Kuva- og video-oikkeuđet:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. iStock