Sukupuolirollit

Miksi pojat ja tyttäret tieraavat erilaisila värkyilä? Miksi tyttäret pärjäävät paremin koulussa? Miksi majoriteetti tervheyđenhuoltoalala oon vaimoi?

Accessibility icon Sukupuolirollit

Mitä sukupuolirollit oon?

Hunteeraatko sie miksi pojat ja tyttäret saavat erilaissii värkkyi? Miksi koulunkäynti oon helpomppaa tyttärille ko pojile? Tahi hunteeraatko sitä miksi enniin osa työteliijöistä siukhuusissa oon vaimoi?

Monet tutkiijatki hunteeraavat näitä kysymyksii.

Gutt med rosa t-skjorte

Biolooginen ja sosiaalinen sukupuoli

Biolooginen sukupuoli meinaa sitä ette pojila ja tyttärillä oon erilaiset kropit. Sosiaalinen sukupuoli meinaa taas sitä ette peret ja ystävät kohteleevat meitä eri laihiin.

Sukupuolirollit vaihettelleevat kulttuurista toisheen. Sukupuolirollit oon kans muuttunheet paljon viimisten 40 vuođen aikana.

En ung jente blir opplært av en faglært
En ung jente blir opplært av en faglært

Syntyny vai kasunu semmoiseksi?

Met meinaama ette pojat tekkeevät joitaki assiita, ja tyttäret taas toissii.

Pojat ja tyttäret oon luotu erilaisiksi, het oon syntynheet semmoisiksi. Mutta jokku reekelit olema met hoksanheet ihan itte. Meistä oon tullu semmoissii.

Miehet oon ushein luonosta väkkeevämmät ko vaimot, ja siksi het saattaavat kanttaat painaaviita assiita.

Usheet miehet valitteevat kans nuoremppii vaimoi koska het halluuvat paljon lapsii. Nuoremat vaimot oon ushein hetelmällisemmät ko vanhemat vaimot.

Tutkimusten jälkhiin pojat ja tyttäret tykkäävät erilaisista färiistä, värkyistä ja ammatiista.

Tämän oon vanhiimet ja muut ihmiset heiđän ympärillä opettanheet heile. Met ajattelema ette pojat tykkäävät poikavärkyistä ja poikafäriistä ja tyttäret tykkäävät tytärvärkyistä ja tytärfäriistä.

Forrige avsnitt

1 / 3

Neste avsnitt
Et par som pakker ned i esker
Et par som pakker ned i esker

Sukupuolirollit lastentarhaassa

Lastentarhaan työteliijät kohteleevat poikkii ja tyttärii eri laihin. Het ođottaavat ette pojat oon aktiiviset ja laukkoovat ko het tieraavat. Tyttäret pittäävät tierata rauhalisemin.

Meiđän kielelä oon kans valttaa. Tyttärille saatama sannoot “oletpa sie niin kaunis ja söötti”. Pojile sanoma ushein “voi, oletpa sie rohkee poika”.

Lastentarhaan työteliijät saattaavat anttaat lapsile tyypilissii poika- ja tytärvärkkyi.

Tämmöiset assiit haamustaavat lasten ittetunttoo ja identiteettii. Ko pojat tykkäävät roosasta ja tyttäret sinisestä, heitä piđethään erilaisina.

Met häyđymä muistaat ette met kaikin olema erilaiset. Met saatama valita mistä tykkäämä ja kukka met halluuma olla henkkaamatta siitä, olemako pojat eli tyttäret.

Forrige avsnitt

1 / 2

Neste avsnitt
Et barn som har te selskap med lekene hennes
Et barn som har te selskap med lekene hennes

Miksi pojat ja tyttäret tekkeevät niin erilaissii valinttoi?

Se oon enämen tyttärii ko poikkii korkkeemassa koulaamisessa. Piian se johtuu siitä ette tyttäret kypsyyvät varhemin ko pojat? Tämän tähđen monet tyttäret oon sepemät koulussa.

Tavalissiimin pojat valitteevat semmoissii työpaikkoi niin ko nikkarin tahi taksikuljettaajan työt. Tyttäret valitteevat työpaikkoi niin ko sairhaanhoittaajan ja lastentarhaanopettaajan ammatit.

Miksi pojat ja tyttäret valitteevat niin erilaissii ammattiita?

Miksi pojat ja tyttäret oon niin erilaiset? Oonko se biologiin tähđen eli olemako met syntynheet semmoisiksi?

Vai opimako met ette pojila ja tyttärillä oon erot, ja siksi met olema kasunheet niin?

Mitä sie meinaat?

Forrige avsnitt

1 / 2

Neste avsnitt
Brannmenn på jobb
Brannmenn på jobb

Kalliit:

  • Teigen, Karl Halvor; Svartdal, Frode: kjønnsrolle i Store norske leksikon på snl.no.
    Hentet 24. august 2020 fra https://snl.no/kjonnsrolle

Kuvat ja video:

    1. Getty Images
    2. Getty Images
    3. Getty Images
    4. Getty Images
    5. BBC Stories – Youtube
    6. Getty Images