Taivhaanvalkkeitten taika
Ennen luulthiin ette taivhaanvalkkeet oon yhđenlainen portaali meiđän mailman ja jumaliitten valtakunnan Åsgardin välilä. Mutta mitä net oikkeestansa oon?
Taivhaanvalkkeitten ääni
Oon pimmee, hirmunen kylmä talviyö. Yhtäkkii sinun pään yli mennee kaari jossa oon kultaista, vihristä ja valkkeeta näkköö. Näkö liikkuu, tanssaa kevveesti tahi muuttuu aggressiivisesti. Kuuletko sieki paukkuuvan äänen? Mitä taivhaanvalkkeet oikkeestansa oon?
Myyttinen selitys
Yksi myyttinen selitys oon teorii mihin monet ihmiset oon uskonheet ilman ette se oon tietheelisesti tođistettu. Fenomeenile saattaa siksi olla monta erilaista selitystä.
Yksi assii oon sikkari: Taivhaanvalkkeet oon interesseeranheet ihmiskunttaa niin kauvoin ko olema olheet maapallola.
Etelä-Franskassa oon 30 000 vuotta vanhoi reikämaalauksii taivhaanvalkkeista. Vanhiimat legendat jokka tieđämä tästä näköfenomeenista oon 4 000 vuotta vanhaat ja net oon alun alkkain Kiinasta. Antiikissa (700 e.Kr. – 500 j.Kr.) Euroopan tietomiehet yhđistethiin taivhaanvalkkeet aamuruskon jumalattarheen. Het kuttuthiin häntä Auroraksi, mikä meinaa auringonnoussuu.
Näkköö verrathiin vaunhuun jota triivaa tuuli. Tuuli oon kreikaksi «borea». Siksi taivhaanvalkkeet sai nimen aurora borealis, ja fenomeenii piđethiin selityksenä sille ette yö oli heti muuttumassa aamuksi.
1 / 3
Bilde av nordlys i Lofoten
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
