Tekkeevätkö sosiaaliset meediat meistä asosiaalisen?
Sie olet varmasti kuulu kritikkii sosiaalissii meedioita vasthaan jo ennenki. Net oon aikavarkhaat, päälekäyvät ja pyöryttäävät. Net pillaavat sinun privaattielämän ja niin poispäin. Mutta tekkeevätkö sosiaaliset meediat oikkeesti sinusta asosiaalisen?
Sosiaalinen vuorovaikutus
Ennen ko met menemä etheenpäin ja vastaama kysymyksheen tarkemin, met häyđymä selittäät mitä met meinaama sosiaalisella vuorovaikutuksela ja verkostolla.
Sosiaalinen vuorovaikutus oon sitä ette oon toisten ihmisten seurassa ja kommuniseeraa heiđän kans. Se saattaa tapattuut internetissä, sosiaalisissa meedioissa ja nokitusten. Sinun sosiaalinen verkosto oon kaikki net jokka sie kohtaat tođelisuuđessa, internetissä ja sosiaalisissa meedioissa. Tämä vuorovaikutus vaikuttaa siihen kuinka sie ajattelet, opit ja ymmärät assiita.
Tutkimus jossa kuvvii aivoista studeerathaan, näyttää ette aivoin aktiviteetti lissäinttyy ko ihmiset ajattelleevat ette het oon osa roikkaa.
Ko sie ajattelet sinnuu itteesti, sinun identiteettii ja sinun rollii roikassa, oon ottalapun aloissa aivoissa korkkee aktiviteetti.
Tämä anttaa ymmärttäät ette meiđän sosiaalinen vuorovaikutus oon merkittävä osa meän identiteettii. Ihmiset tarvitteevat sosiaalista kontaktii.
Toishaalta jos sosiaalinen vuorovaikutus oon liikkaa, niin ei sekhään ole hyvä assii. Se oon mentaalisesti vaattiivaa olla sosiaalinen. Ko oon tekemisissä toisten kans, vaađithaan aivoilta paljon työtä, ja se oon mentaalinen rasitus. Tämä selittää ristiriitaisuuđen siinä ette ihmiset tarvitteevat sekä sosiaalista kontaktii ette ommaa aikkaa.
Ajattele tätä: Pystytkö ottamhaan paussii sinun sosiaalisesta elämästä jos sie aina olet saantheila?
1 / 3
Tenåringsgjeng og sosiale medier
Ønsker du å lese hele artikkelen?
Ved å logge inn får du full tilgang til artikkelen, samt Lærerrommet med engasjerende læringsstier og oppgaver du kan bruke i undervisningen.
Logg inn med Feide
Ønsker du å prøve ut fullversjonen av Skolerom?
Kontakt oss her!
