Oonko sosiaaliset meediat vahingolliset?
Sie olet sikkaristi kuulu ette sosiaaliset meediat saattaavat olla vahingolliset. Se oon tosi ette sie tulet henkkaavaiseksi TikTokista, Instagramista ja Snapista, mutta saattaako sinusta tulla kans asosiaalinen?
Toisten seurassa oleminen
Tutkimus näyttää ette aivot oon erityisen aktiiviset silloin ko met olema toisten seurassa. Sie saatat puhhuut, chattaila, snappaila tahi olla toisten seurassa monela muula laila. Ystäviitten kans oleminen oon erityisen tärkkeetä sinun identiteetille. Sie opit tuntemhaan ittesti paremin. Kaikki tarvitteevat ystäviitä ja sosiaalista kontaktii toisten kans.
Liijalinen sosiaalinen kontakti ei ole hyvä assii sekhään, ja se oon rasittaavaa olla sosiaalinen koko aijan. Se vaattii paljon työtä aivoilta. Siksi sie tarvittet sekä sosiaalista kontaktii ette ommaa aikkaa.
Ajattele tätä: Pystytkö ottamhaan paussii sinun sosiaalisesta elämästä ko sie olet aina saantheila?
1 / 3
Tenåringsgjeng og sosiale medier
Sosiaaliset meediat ja henkkaavuus
Tutkiijat sannoovat ette monila oon problemiita sen tähđen ko het oon henkkaavaiset sosiaalisista meedioista. Jokku pittäävät usheita tiimoi päivässä siihen ette plaaraavat sosiaalissii meedioita.
Sie jäät paitti paljosta muusta somanpiđosta jos sie tyhä tuijottelet telefoonii.
Jente uten smarttelefon mens alle andre i gjengen rundt henne sitter opphengt i hver sin smarttelefon
Palkinto aivoile
Ko meilä oon soma toisten seurassa, aivot saavat palkinon eli onnen huuman.
Onnelisuushormooni oksytocin anttaa sinule ihanan tuntheen, ja dopamiini anttaa välättyksii ilosta.
En vennegjeng som ler og har det morsomt samme i en by
Helppo palkinto
Sie saatat tulla henkkaavaiseksi tästä noppeesti ko sie et tarvitte nähä vaivaa palkinon etheen. Sie häyđyt vain ottaat telefoonin esile ja plaarata vähäisen.
Ryysiainheet toimiivat samhaan laihiin. Se oon oikotie palkinthoon aivoissa. Aijan myöten aivot ei ennää pysty kontrolleeraamhaan henkkaavuutta.
Dame som holder smarttelefon med sosiale medier ikoner
Kontrollifriikki
Sie saatat näyttäät sinun parhaat puolet sosiaalisissa meedioissa. Sie “stagaat” ittesti siihen mitä kuttuthaan nimelä “esittäminen”. Se meinaa sitä ette sie halluut jatkuuvasti esittäät ittesti parhaala mahđolisela tavala. Silloin oon suurempi mahđolisuus ette muut tykkäävät sinusta.
Tenåringsjente som spiller basketball
Hyvä ujoile ihmisille?
Persoonat jokka oon vähäisen ujot saattaavat tuntteet ittensä vaphaamiksi sosiaalisissa meedioissa. Sielä opastuthaan ihmisten kans kaikkialta mailmasta.
Ihmisaivot freistaavat tehđä sosiaalisen vuorovaikutuksen niin hyväksi ko mahđolista. Sosiaaliset meediat saattaavat häiritä tätä systeemii ja tehđä meistä asosiaaliset. Onneksi net avvaavat usheita mahđolisuuksii kans.
1 / 2
Dame som sitter på en cafée og ser på smarttelefon
Kalttiit:
- Burnett, Dean (2018):
Do Social Networks Make Us Antisocial?
- Vitenskapens guide til lykken (2018)
Orage Forlag AS
Kuvat ja videot:
-
-
Getty Images
-
Getty Images
-
Getty Images
-
Getty Images
-
Getty Images
-
Getty Images
-
NRK
-
Getty Images
-
NRK
-
