Etikk i kvardagen
Eksempel:
Lise dreg innom butikken etter skulen for å kjøpa sjokolade. Medan ho står framfor sjokoladehylla, ser ho at ein eldre mann, puttar ein tube tannkrem i lomma.
«Kva skal eg gjera no?» tenkjer Lise. «Skal eg snakka med mannen? Eller skal eg seia frå til beteninga?
Mannen har slitne klede. Lise skjønner at han har dårleg råd. Ho veit at butikken alltid melder tjuveri til politiet. Lise synest synd på mannen. «Ein tube tannkrem kostar jo ikkje så mykje», tenkjer Lise. «Men …»
Etisk dilemma
Nokre gonger får det du vel berre konsekvensar for deg.
Andre gonger går det utover andre òg.
Ofte er det vanskeleg å vita kva ein skal gjera. Det kan vera vanskeleg å vita kva som er rett og gale. Me kallar det eit etisk dilemma.
Same kva Lise vel å gjera, blir det feil for nokon. Kva gjer ein då?
Når me hamnar i eit etisk dilemma, kan me byrja å tvila på oss sjølv.
Då må me ta oss tid til å tenkja igjennom kva moglegheiter me har og kva som blir minst gale å gjera.
Kva ville du ha gjort viss du var i same situasjon som Lise?
Har du nokon gong opplevd eit etisk dilemma?
Snakk gjerne om det i klassen!