Karneval

Mange turistar besøkjer New Orleans for å sjå på  Mardi Gras-feiringa deira. I 14 dagar kler ein seg ut og feirar døgnet rundt. Det er fargar overalt. Du kan òg sjå pynta vogner i gatene. Mardi Gras blir òg feira i Brasil. I Rio de Janeiro har dei ei stor karnevalsfeiring.

Vi feirar feitetysdag i Noreg òg.  Feitetysdag er dagen for fasta tek til. Vi kallar det fastelavn.  Vi  feirar som regel fastelavn på søndagen før feitetysdag. Mange barn feirar fastelavn med karneval og fastelavnsbollar.

Kledd i tradisjonelle klesdrakter

Hina-dokkene er kledde i typiske japanske klede frå riktig gamle dagar. Dukkene står i ei trapp som er kledd med raudt stoff. Det betyr lykke. Keisaren og keiserinna står øvst. På trinna under kjem mellom anna hoffdamer og krigarar.

Dokkene må bli pakka ned i tide

Dokkene må bli pakka ned i tide. Dei kan berre stå framme frå slutten av februar til 3. mars. Viss ikkje,  kan det bli vanskeleg å gifte bort jentene. Somme sender dokkene ned ei elv. Dei trur at dokkene tek sjukdom og vonde ånder med seg nedover elva.

Pyntar med ferskenblomstrar

Dei vanlegaste fargane for feiringa er rosa, kvitt og grønt. Det blir pynta med blomstrar frå ferskentreet. Det blir servert riskaker og puffa ris med masse fargar.

St. Patricks dag blir feira på nasjonaldagen 17. mars. På 1800-talet flytta mange irar til USA og tok med seg tradisjonen dit.

Vanleg å kle seg i grønt

På St. Patricks dag kler folk seg i grønt og går i tog. Den grøne fargen kjem av at Irland er ei grøn og frodig øy. Mange pyntar seg med hattar og ein trekløver. Saint Patrick brukte trekløver for å forklare at Gud er tre personar – Gud, Jesus og Den heilage ande. Feiringa er størst i Irland og USA. Då blir det ete mykje irsk mat og  drukke mykje øl.