10 trinn til eit spennande intervju! 

Å lese, sjå eller lytte til eit intervju med eit anna menneske kan setje i gang mange kjensler. Du kan bli inspirert, glad, engasjert og irritert. Det verste er jo viss målgruppa synest det er kjedeleg og uinteressant, og ikkje vil lese, sjå eller lytte ferdig.

Her skal du lære korleis du kan lage eit spennande intervju både for deg, den du intervjuar, og for dei som skal ta imot bodskapen.

Forrige avsnitt

1 / 2

Neste avsnitt
Blokk og papir
Blokk og papir

1. Vit kva du lagar 

Ja, for kva er eigentleg eit intervju? Det er når ein person (journalist) har ein samtale med eit anna menneske (intervjuobjektet). Målet er å finne god informasjon som skal presenterast vidare til ei målgruppe. Intervjuet blir publisert som levande bilde, lyd eller tekst.

Ung kvinnelig journalist intervjuer en ung mann
Ung kvinnelig journalist intervjuer en ung mann

2. Kven og kvifor? 

Kven skal du intervjue, og kva vil du at saka di skal handle om?
Anten har du fått beskjed om å intervjue ein spesiell person, eller du har valt eit tema sjølv. Intervjuet kan til dømes vere eit portrett. Då er hensikta å bli betre kjend med personen. Det kan òg vere ei temasak der du treng å intervjue ei såkalla kjelde som er ekspert på området.

Blokk og papir
Blokk og papir

3. Lag ein intervjuavtale 

Når du veit kven og kvifor, kan du kontakte personen for å spørje om hen vil stille opp til eit intervju. Då er det viktig at du fortel kvifor du tek kontakt, kva slags sak det er, og kvar saka skal bli publisert. Informer òg om du skal ta bilde eller video. Når du er tydeleg, skaper du tillit. Ikkje noko er betre enn eit intervjuobjekt som stolar på deg.

Gjøre en avtale over telefon
Gjøre en avtale over telefon

4. Førebu deg ordentleg! 

Du må førebu deg godt før eit intervju. Sjølv dei aller beste journalistane anstrengjer seg på førehand. Dette må du tenkje på …

  • Vel sjanger. Kva slags sak skal du lage? Set deg inn i sjangeren og kva det er forventa at du skal få med. 
  • Kven er målgruppa? Dette er faktisk viktigare enn mange trur. Når du veit kven du skriv for, er det lettare å lage ei god sak.
  • Gjer research om intervjuobjektet. Det betyr å finne ut noko om personen før intervjuet. Dette gjer du ved å lese på nettet, aviser eller andre stader. Du bør vite det viktigaste om personen. Det gjer at du føler deg tryggare.
  • Gjer research på tematikken. Du må vite kva de skal snakke om.
Forrige avsnitt

1 / 3

Neste avsnitt
Blokk og papir
Blokk og papir

5. Lag spørsmål på førehand 

Du kan ikkje berre setje opp ei liste med nokre spørsmål. Jobben din er å lage gode, spennande spørsmål som kan løfte saka di frå bra til kjempebra.
Eit døme: Viss du skal intervjue ein kjend artist, bør du stille spørsmål du ikkje finn noko om på Google. Prøv å vere så personleg som du kan, utan å fornærme artisten. Poenget må vere å lære noko nytt om artisten.

Skriv ned alle spørsmåla. Det er betre å ha for mange enn for få spørsmål.
Ein vanleg feil som mange gjer, er å stille spørsmål der svara blir ja eller nei. Det er meir spennande når artisten må gi litt lengre svar.
Still derfor spørsmål som startar med kven, kva, kvar, kvifor, når og korleis.

Forrige avsnitt

1 / 2

Neste avsnitt

6. Ver deg sjølv 

Å intervjue eit anna menneske kan kjennast litt skummelt. Det er trass alt du som har teke kontakt og skal styre praten. Men hugs at så lenge du har førebudd deg godt, så kan det ikkje gå heilt gale. Sei at du er litt nervøs og spent. Ikkje minst viss det er første gongen du gjer eit intervju. Ikkje gløym å smile! Ein kjem langt med eit smil.

Radiointervju
Radiointervju

7. Ta notat eller gjer lydopptak 

Når nokon stiller til intervju, skal dei bli siterte korrekt. Det dei seier må bli gjengitt korrekt. Ein teknikk som mange bruker, er å gjere lydopptak av intervjuet. Då kan du høyre intervjuet på nytt fleire gongar. I tillegg bør du gjere notat undervegs. Då kan du notere korleis personen er kledd, oppfører seg, omgivnadene og andre ting som kan vere spennande å få med.

Det er rekna for å vere god folkeskikk å la intervjuobjektet få lese saka når ho er ferdig. Slik kan de begge vere trygge på at alt stemmer. Vi kallar dette ein sitatsjekk. 

Forrige avsnitt

1 / 2

Neste avsnitt
Blokk og papir
Blokk og papir

8. Still oppfølgingsspørsmål 

Intervjuet blir meir spennande viss du klarer å grave litt djupare i svara du får. To veldig vanlege og enkle oppfølgingsspørsmål er: «Kvifor eller korleis skjedde det?» og «Kan du fortelje litt meir om det?» Då kan du få litt lengre og betre svar.

9. Lag ein disposisjon 

Etter intervjuet startar den største jobben. No skal du skrive alt du har funne ut. Oppgåva blir lettare viss du set opp ein disposisjon før du begynner. Det du treng til ei sak er …

  • Tittel: Dette skal vere noko som fangar merksemda til lesaren. 
  • Ingress: Ein kort og freistande tekst som seier noko om kva saka handlar om. 
  • Byline: Namn på journalist, fotograf eller andre som har medverka.
  • Innleiing: Noko som presenterer temaet eller personen. 
  • Hovudteksten: Det er her du skal skrive alt du har funne ut. 
  • Avslutning: Det er lurt å vente med dette til du har skrive heile saka. Saka kan endre seg litt underveis.
Forrige avsnitt

1 / 3

Neste avsnitt
Blokk og papir
Blokk og papir

10. Skriv så tastaturet får kjørt seg! 

No er det berre å skrive på. Følg disposisjonen så godt det lèt seg gjere. Du kan sjølvsagt gjere endringar undervegs. Det er ditt intervju, og det er du som bestemmer.
Hugs å få med nokre skildringar av artisten og staden de var på.  Den som les intervjuet har jo ikkje vore til stades. Skap nokre bilde for dei som les. Varier teksten med sitat og skildringar. Les alltid godt igjennom til slutt. Sjekk at du har fått med deg det innhaldet du ønskjer.

Tastatur laptop
Tastatur laptop

Kjelder:

Bilde- og videorettar:

    1. Getty Images
    2. Getty Images
    3. Getty Images
    4. Getty Images
    5. Getty Images
    6. Getty Images
    7. Getty Images
    8. Getty Images
    9. Getty Images
    10. Getty Images