Derfor vart 12 vestlege land samde om å samarbeida. Dei laga ein forsvarsallianse. Eitt av desse landa var Noreg.

I april 1949 skreiv dei tolv landa under på Atlanterhavspakten. Dette er ein avtale som alle Nato-landa har plikt til å følgja.

Det viktigaste i Atlanterhavspakten er regel nummer 5. Der står det: «Eit væpna angrep mot éin eller fleire av dei tilslutta statane skal vurderast som eit angrep mot dei alle».

Dette betyr at viss eit land som er medlem av NATO, blir angripe, må dei andre Nato-landa hjelpa.

No har fleire land vorte med i NATO.

I dag er det 32 land som er med, og heile Norden med Sverige og Finland er nå medlemmer.

Fleire land ønsker å bli medlem av NATO, til dømes  Ukraina.

Kosovokrigen i 1999

I det tidligare Jugoslavia ville Serbia at Kosovo skulle vere ein del av den serbiske staten, men det ville ikkje befolkninga i Kosovo.

Då gjekk Serbia til angrep på Kosovo. Dette gikk spesielt hardt ut over kosovoalbanarane.

FN og NATO gjekk derfor inn for å stoppe angrepet til Serbia og folkemord på kosovoalbanarar.

Afghanistan

Bruk av artikkel 5 har berre skjedd éin gong.

Den 11. september 2001 vart USA angripe av terrororganisasjonen al-Qaida som held til i Afghanistan. NATO fekk derfor godkjenning av FN til å gå til angrep på Afghanistan.