Kvifor græt vi?
Tårene våre har hjelpt til med å verna oss heilt frå det fyrste mennesket vart til. Korleis, trur du?
Mennesket har alltid gråte
Forskarar meiner at mennesket si evne til å gråta stammar heilt frå urtida. Når urmennesket fekk auga fylt av tårer, var det eit teikn på underkasting. Det var eit signal til fienden om at vi ikkje ville gå til angrep.
Baby som gråter
Tårer som vern
Røyk i auga eller irriterande gass frå lauk gjer òg at auga byrjar å renna. Då kjem tårene sjølv om du ikkje er trist. Tårene kjem for å verna auga. Dei dannar ei vernande hinne.
Person som kutter opp løk
Når kjensler utløyser tårer
Kjenslene våre er den vanlegaste årsaka til at vi græt. Når vi opplever sterke kjensler – både lykke, sorg og smerte – vil hjernen oppfatta det som ein sterk kjenslemessig reaksjon. Då vil det endokrine systemet senda ei rekkje hormon til tårekjertelen. Han skil ut ei væske som renn ned til auget.
Tårekanalen forsyner auget med vernande tårevæske heile tida. Gråt er når desse kanalane fløymer over og tårene renn nedover kinnet. Det som ikkje flyt over, går ned i nasen og gjer oss snufsete.
1 / 2
Infografik om øye
Lindrande tårer
Tårene vi græt på grunn av kjensler, viser seg å innehalda mange kjemikal som lindrar smerte. Tårene vi græt av til dømes lauk, har færre slike kjemikal. Derfor er det kanskje ein grunn til at vi føler oss betre etter å ha «gråte ut»?
1 / 2
Nærbilde av en kvinne med en tåre som renner ned ansiktet
Jenter græt meir enn gutar
Det er vitskapleg bevist at frå og med ungdomsåra græt jenter gjennomsnittleg cirka fire gongar så ofte som gutar gjer. Testosteron-nivået hos gutane aukar, og dei byrjar å bli meir sinte i staden for lei seg. Samtidig aukar østrogen-nivået hos jenter, og dei blir ofte meir kjenslevare.
Trist kvinne som skjuler ansiktet med hendene
Å gråta av glede
Det er bra å la tårene renna når dei sterke kjenslene kjem, gode eller vonde. Å gråta er heilt naturleg!
Et sportlag feirer en seier
Kjelder:
- Kropp og helse (2020)
Orage Forlag AS
Bilde- og videorettar:
-
Getty Images
-
Getty Images
-
Getty Images
-
Getty Images / Life Noggin – YouTube
-
Getty Images
-
Getty Images
